کتاب: روزوں کے احکام و مسائل و فضائل

ابوہریرہ رضی الله عنہ کہتے ہیں کہ رسول اللہ صلی اللہ علیہ وسلم نے فرمایا : ” جس نے اللہ کی راہ ( یعنی جہاد یا اس کے سفر ) میں ایک دن کا روزہ رکھا ، اللہ تعالیٰ اسے اس دن کے بدلے جہنم سے ستر سال کی دوری پر کر دے گا “ ۔ [سنن نسائي/حدیث: 2246]

ابو سعید خدری رضی الله عنہ کہتے ہیں کہ رسول اللہ صلی اللہ علیہ وسلم نے فرمایا : ” جس نے اللہ کی راہ میں ایک دن روزہ رکھا اللہ تعالیٰ اس دن کے بدلے اس کے اور جہنم کی آگ کے درمیان ستر سال کی دوری کر دے گا “ ۔ [سنن نسائي/حدیث: 2247]

ابوہریرہ رضی الله عنہ کہتے ہیں کہ رسول اللہ صلی اللہ علیہ وسلم نے فرمایا : ” جس نے اللہ کی راہ میں ایک دن روزہ رکھا اللہ عزوجل اسے جہنم سے ستر سال کی دوری پر کر دے گا “ ۔ [سنن نسائي/حدیث: 2248]

ابو سعید خدری رضی الله عنہ سے روایت ہے کہ نبی اکرم صلی اللہ علیہ وسلم نے فرمایا : ” جس نے اللہ کی راہ میں ایک دن روزہ رکھا اللہ تعالیٰ اسے جہنم سے ستر سال کی دوری پر کر دے گا “ ۔ [سنن نسائي/حدیث: 2249]

ابو سعید خدری رضی الله عنہ کہتے ہیں کہ انہوں نے رسول اللہ صلی اللہ علیہ وسلم کو فرماتے ہوئے سنا : ” جس شخص نے بھی اللہ عزوجل کی راہ میں ایک دن کا روزہ رکھا ، اللہ عزوجل اس دن کے بدلے اسے جہنم سے ستر سال کی دوری پر کر دے گا “ ۔ [سنن نسائي/حدیث: 2250]

ابو سعید خدری رضی الله عنہ کہتے ہیں کہ رسول اللہ صلی اللہ علیہ وسلم نے فرمایا : ” جس نے اللہ کی راہ میں ایک دن روزہ رکھا ، اللہ اسے جہنم سے ستر سال کی دوری پر کر دے گا “ ۔ [سنن نسائي/حدیث: 2251]

ابو سعید خدری رضی الله عنہ کہتے ہیں کہ میں نے رسول اللہ صلی اللہ علیہ وسلم کو فرماتے ہوئے سنا : ” جو جس نے اللہ کی راہ میں ایک دن روزہ رکھے گا اللہ تعالیٰ اسے آگ سے ستر سال کی دوری پر کر دے گا “ ۔ [سنن نسائي/حدیث: 2252]

ابو سعید خدری رضی الله عنہ کہتے ہیں کہ رسول اللہ صلی اللہ علیہ وسلم نے فرمایا : ” جو بندہ بھی اللہ کی راہ میں کسی دن کا روزہ رکھے گا اللہ تعالیٰ اس دن کے بدلے اسے جہنم کی آگ سے ستر سال دوری پر کر دے گا “ ۔ [سنن نسائي/حدیث: 2253]

ابو سعید خدری رضی الله عنہ کہتے ہیں کہ نبی اکرم صلی اللہ علیہ وسلم نے فرمایا : ” جو اللہ کی راہ میں ایک دن کا روزہ رکھے گا ، اللہ تعالیٰ اس ایک دن کے بدلے اس سے جہنم کی گرمی کو ستر سال کی دوری پر کر دے گا “ ۔ [سنن نسائي/حدیث: 2254]

ابو سعید خدری رضی الله عنہ کہتے ہیں کہ رسول اللہ صلی اللہ علیہ وسلم نے فرمایا : ” جو اللہ کی راہ میں ایک دن روزہ رکھے گا اللہ تعالیٰ اس دن کے بدلے اس سے جہنم کی آگ کو ستر سال دور کر دے گا “ ۔ [سنن نسائي/حدیث: 2255]

عقبہ بن عامر رضی الله عنہ کہتے ہیں کہ رسول اللہ صلی اللہ علیہ وسلم نے فرمایا : ” جو اللہ کی راہ میں ایک دن کا روزہ رکھے گا اللہ تعالیٰ اس سے جہنم کو سو سال کی مسافت کی دوری پر کر دے گا “ ۔ [سنن نسائي/حدیث: 2256]

کعب بن عاصم رضی الله عنہ کہتے ہیں کہ میں نے رسول اللہ صلی اللہ علیہ وسلم کو فرماتے سنا : ” سفر میں روزہ رکھنا نیکی نہیں ہے “ ۔ [سنن نسائي/حدیث: 2257]

( تابعی ) سعید بن مسیب کہتے ہیں کہ رسول اللہ صلی اللہ علیہ وسلم نے فرمایا : ” سفر میں روزہ رکھنا نیکی نہیں ہے “ ۔ ابوعبدالرحمٰن ( نسائی ) کہتے ہیں : یہ غلط ہے ، صحیح روایت وہ ہے جو پہلے گزری ہے ۔ ہم نہیں جانتے کہ کسی نے اس پر ابن محمد بن کثیر کی متابعت کی ہے ۔ [سنن نسائي/حدیث: 2258]

جابر بن عبداللہ رضی الله عنہا سے روایت ہے کہ رسول اللہ صلی اللہ علیہ وسلم نے کچھ لوگوں کو ایک شخص کو گھیرے ہوئے دیکھا ، تو آپ صلی اللہ علیہ وسلم نے پوچھا : ( کیا بات ہے ؟ کیوں لوگ اکٹھا ہیں ؟ ) تو لوگوں نے کہا : ایک شخص ہے جسے روزہ نے نڈھال کر دیا ہے ، تو آپ نے فرمایا : ” سفر میں روزہ رکھنا نیکی و تقویٰ نہیں ہے “ ۔ [سنن نسائي/حدیث: 2259]

جابر بن عبداللہ رضی الله عنہ کہتے ہیں کہ رسول اللہ صلی اللہ علیہ وسلم ایک ایسے شخص کے پاس سے گزرے جو ایک درخت کے سایہ میں بیٹھا ہوا تھا اور اس پر پانی چھڑکا جا رہا تھا ۔ آپ صلی اللہ علیہ وسلم نے پوچھا : ” تمہارے اس ساتھی کو کیا ہو گیا ہے ؟ “ لوگوں نے کہا : اللہ کے رسول ! یہ روزہ دار ہے ۔ رسول اللہ صلی اللہ علیہ وسلم نے فرمایا : ” یہ نیکی و تقویٰ نہیں ہے کہ تم سفر میں روزہ رکھو ، اللہ نے جو رخصت تمہیں دی ہے اسے قبول کرو “ ۔ [سنن نسائي/حدیث: 2260]

یحییٰ کہتے ہیں مجھے محمد بن عبدالرحمٰن نے خبر دی ، وہ کہتے ہیں : مجھ سے جس شخص نے جابر رضی اللہ عنہ سے سنا ہے اسی طرح بیان کیا ہے ۔ [سنن نسائي/حدیث: 2261]

جابر بن عبداللہ رضی الله عنہما کہتے ہیں کہ رسول اللہ صلی اللہ علیہ وسلم نے فرمایا : ” سفر میں روزہ رکھنا نیکی نہیں ہے ، اللہ عزوجل کی دی گئی رخصت ( اجازت ) کو لازم پکڑو اور اسے قبول کرو “ ۔ [سنن نسائي/حدیث: 2262]

جابر رضی الله عنہ سے روایت ہے کہ رسول اللہ صلی اللہ علیہ وسلم نے فرمایا : ” سفر میں روزہ رکھنا نیکی نہیں ہے “ ۔ [سنن نسائي/حدیث: 2263]

محمد بن عبدالرحمٰن نے محمد بن عمرو بن حسن سے روایت کی ، اور انہوں نے جابر بن عبداللہ رضی الله عنہما سے وہ کہتے ہیں کہ رسول اللہ صلی اللہ علیہ وسلم نے ایک شخص کو دیکھا کہ سفر میں اس کے اوپر سایہ کیا گیا ہے ، تو آپ نے فرمایا : ” سفر میں روزہ رکھنا نیکی نہیں ہے “ ۔ [سنن نسائي/حدیث: 2264]

جابر بن عبداللہ رضی الله عنہما سے روایت ہے کہ رسول اللہ صلی اللہ علیہ وسلم فتح مکہ کے سال رمضان میں مکہ کے لیے نکلے ، تو آپ نے روزہ رکھا ، یہاں تک کہ آپ کراع الغمیم پر پہنچے ، تو لوگوں نے بھی روزہ رکھ لیا ، تو آپ کو خبر ملی کہ لوگوں پر روزہ دشوار ہو گیا ہے ، تو آپ نے عصر کے بعد پانی سے بھرا ہوا پیالہ منگایا ، پھر پانی پیا ، اور لوگ دیکھ رہے تھے ، تو ( آپ کو دیکھ کر ) بعض لوگوں نے روزہ توڑ دیا ، اور بعض رکھے رہ گئے ، آپ کو یہ بات پہنچی کہ کچھ لوگ روزہ رکھے ہوئے ہیں ، تو آپ صلی اللہ علیہ وسلم نے فرمایا ـ : ” یہی لوگ نافرمان ہیں “ ۔ [سنن نسائي/حدیث: 2265]

ابوہریرہ رضی الله عنہ کہتے ہیں کہ رسول اللہ صلی اللہ علیہ وسلم کے پاس مرالظہران ( مکہ و مدینہ کے درمیان ایک مقام کا نام ہے ) میں کھانا لایا گیا ، تو آپ نے ابوبکر و عمر رضی اللہ عنہما سے فرمایا : ” تم دونوں قریب آ جاؤ اور کھاؤ “ ، انہوں نے عرض کیا : ہم روزہ سے ہیں ، تو آپ نے لوگوں سے کہا : ” اپنے دونوں ساتھیوں کے کجاوے کس دو ، اور اپنے دونوں ساتھیوں کے کام کر دو “ ۱؎ ۔ [سنن نسائي/حدیث: 2266]

ابوسلمہ سے روایت ہے کہ رسول اللہ صلی اللہ علیہ وسلم دوپہر کا کھانا کھا رہے تھے ، آپ کے ساتھ ابوبکر و عمر رضی اللہ عنہما بھی تھے کہ اسی دوران آپ نے فرمایا : ” آؤ کھانا کھاؤ “ یہ روایت مرسل ہے ۔ [سنن نسائي/حدیث: 2267]

ابوسلمہ سے روایت ہے کہ رسول اللہ صلی اللہ علیہ وسلم ابوبکر و عمر رضی اللہ عنہما مرالظہران میں تھے یہ روایت مرسل ہے ۔ [سنن نسائي/حدیث: 2268]

عمرو بن امیہ ضمری رضی الله عنہ کہتے ہیں کہ میں ایک سفر سے رسول اللہ صلی اللہ علیہ وسلم کے پاس پہنچا ، آپ نے فرمایا : ” اے ابوامیہ ! ( بیٹھو ) صبح کے کھانے کا انتظار کر لو “ ، میں نے عرض کیا : میں روزے سے ہوں ، آپ صلی اللہ علیہ وسلم نے فرمایا : ” آؤ میرے قریب آ جاؤ ، میں تمہیں مسافر سے متعلق بتاتا ہوں ، اللہ عزوجل نے اس سے روزے معاف کر دیا ہے اور آدھی نماز بھی “ ۱؎ ۔ [سنن نسائي/حدیث: 2269]

عمرو بن امیہ ضمری رضی الله عنہ کہتے ہیں کہ میں رسول اللہ صلی اللہ علیہ وسلم کے پاس پہنچا تو آپ نے مجھ سے فرمایا : ” اے امیہ ! تم کیوں نہیں دوپہر کے کھانے کا انتظار کر لیتے “ ، میں نے عرض کیا : میں روزے سے ہوں ۔ تو آپ نے فرمایا : ( میرے قریب ) آ جاؤ ۔ ” میں مسافر کے سلسلے میں تمہیں ( شریعت کا حکم ) بتاتا ہوں : اللہ تعالیٰ نے اس سے روزہ کی چھوٹ دے دی ہے ، اور نماز آدھی کر دی ہے “ ۔ [سنن نسائي/حدیث: 2270]

ابوامیہ ضمری رضی الله عنہ کہتے ہیں کہ میں ایک سفر سے رسول اللہ صلی اللہ علیہ وسلم کے پاس پہنچا ، تو میں نے آپ کو سلام کیا ، پھر جب میں نکلنے لگا تو آپ نے فرمایا : ” اے ابوامیہ ! دوپہر کے کھانے کا انتظار کر لو “ ۔ میں نے عرض کیا : اللہ کے نبی ! میں روزے سے ہوں ، آپ نے فرمایا : ” آؤ میں تمہیں مسافر کے بارے میں بتاتا ہوں ، اللہ تعالیٰ نے اس سے روزے کی چھوٹ دے دی ہے ، اور نماز آدھی کر دی ہے “ ۔ [سنن نسائي/حدیث: 2271]

ابوالمہاجر کہتے ہیں کہ مجھ سے ابوامیہ یعنی ضمری رضی اللہ عنہ نے بیان کیا ہے کہ وہ نبی اکرم صلی اللہ علیہ وسلم کے پاس آئے ، پھر راوی نے اسی طرح کی روایت ذکر کی ۔ [سنن نسائي/حدیث: 2272]

ابوقلابہ جرمی کا بیان ہے کہ ان سے ابوامیہ ضمری رضی اللہ عنہ نے بیان کیا کہ وہ ایک سفر سے رسول اللہ صلی اللہ علیہ وسلم کے پاس آئے ، آپ نے ان سے کہا : ” ابوامیہ ! دوپہر کے کھانے کا انتظار کر لو “ ( کھا کر چلے جانا ) میں نے کہا : میں روزے سے ہوں ، آپ صلی اللہ علیہ وسلم نے فرمایا : ” قریب آؤ ، میں مسافر کے بارے میں تمہیں بتاتا ہوں : اللہ نے اس سے روزے کی چھوٹ دے دی ہے ، اور نماز آدھی کر دی ہے “ ۔ [سنن نسائي/حدیث: 2273]

ابوامیہ ضمری رضی الله عنہ کہتے ہیں کہ وہ سفر سے رسول اللہ صلی اللہ علیہ وسلم کے پاس آئے اور وہ روزے سے تھے ، تو رسول اللہ صلی اللہ علیہ وسلم نے ان سے کہا : ” ( تم جانا چاہتے ہو ) کیا ، تم دوپہر کے کھانے کا انتظار نہیں کرو گے “ ، انہوں نے کہا : میں روزے سے ہوں ، تو رسول اللہ صلی اللہ علیہ وسلم نے فرمایا : ” آؤ میں روزے سے متعلق تمہیں بتاتا ہوں ۔ اللہ عزوجل نے مسافر کو روزے کی چھوٹ دی ہے اور نماز آدھی کر دی ہے “ ۔ [سنن نسائي/حدیث: 2274]

ابوامیہ رضی الله عنہ کہتے ہیں کہ وہ رسول اللہ صلی اللہ علیہ وسلم کے پاس سفر سے آئے ، آگے راوی نے پوری روایت اسی طرح ذکر کی ۔ [سنن نسائي/حدیث: 2275]

انس ( قشیری ) رضی الله عنہ سے روایت ہے کہ رسول اللہ صلی اللہ علیہ وسلم نے فرمایا : ” اللہ تعالیٰ نے مسافر سے آدھی نماز اور روزے کی چھوٹ دی ہے اور ، حاملہ اور دودھ پلانے والی عورت کو بھی “ ( روزے کی چھوٹ دی ہے ) ۔ [سنن نسائي/حدیث: 2276]

ایوب قبیلہ قشیر کے ایک شیخ سے ، اور وہ قشیری اپنے چچا ۱؎ سے روایت کرتے ہیں ، ( ایوب کہتے ہیں ) ہم سے حدیث بیان کی گئی ، پھر ہم نے انہیں ( شیخ قشیری کو ) ان کے اونٹوں میں پایا ، تو ان سے ابوقلابہ نے کہا : آپ ان سے ( ایوب سے ) حدیث بیان کیجئے تو ( قشیری ) شیخ نے کہا : مجھ سے میرے چچا نے بیان کیا کہ وہ اپنے اونٹوں میں گئے ، اور نبی اکرم صلی اللہ علیہ وسلم کے پاس پہنچے ، آپ کھانا کھا رہے تھے ( راوی کو شک ہے «یا ٔکل» کہا یا «یطعم» کہا ) آپ صلی اللہ علیہ وسلم نے فرمایا : ” قریب آؤ اور کھانا کھاؤ “ ( راوی کو شک ہے «ادن فکل» کہا یا «ادن فاطعم» کہا ) تو میں نے کہا : «مںَ صائم» ہوں ۔ آپ صلی اللہ علیہ وسلم نے فرمایا : ” اللہ تعالیٰ نے مسافر کو آدھی نماز اور روزے کی چھوٹ دے دی ہے ، اور حاملہ عورت اور دودھ پلانے والی عورت کو بھی “ ۲؎ ۔ [سنن نسائي/حدیث: 2277]

ایوب کہتے ہیں کہ مجھ سے ابوقلابہ نے یہ حدیث بیان کی ، پھر مجھ سے کہا : کیا آپ اس حدیث کے بیان کرنے والے سے ملنا چاہیں گے ؟ پھر انہوں نے ان کی طرف میری رہنمائی کی ، تو میں جا کر ان سے ملا ، انہوں نے کہا : مجھ سے میرے ایک رشتہ دار نے جنہیں انس بن مالک کہا جاتا ہے نے بیان کیا کہ میں اپنے اونٹوں کے سلسلے میں جو پکڑ لیے گئے تھے رسول اللہ صلی اللہ علیہ وسلم کے پاس آیا ، میں پہنچا تو آپ کھانا کھا رہے تھے ، تو آپ نے مجھے اپنے کھانے میں شریک ہونے کے لیے بلایا ۔ میں نے عرض کیا : میں روزے سے ہوں ۔ آپ صلی اللہ علیہ وسلم نے فرمایا : ” قریب آؤ میں تمہیں اس کے متعلق بتاتا ہوں ، ( سنو ) اللہ تعالیٰ نے مسافر کو روزہ ، اور آدھی نماز کی چھوٹ دی ہے “ ۔ [سنن نسائي/حدیث: 2278]

ایک صحابی کہتے ہیں : میں ایک ضرورت سے رسول اللہ صلی اللہ علیہ وسلم کے پاس پہنچا اتفاق کی بات آپ اس وقت دوپہر کا کھانا کھا رہے تھے ، آپ نے کہا : آؤ کھانا میں شریک ہو جاؤ ، میں نے عرض کیا : میں روزے سے ہوں ، آپ نے فرمایا : آؤ میں تمہیں روزے کے متعلق بتاتا ہوں ، اللہ تعالیٰ نے مسافر کو آدھی نماز اور روزے کی چھوٹ دی ہے ، اور حاملہ اور دودھ پلانے والی عورت کو بھی چھوٹ دی ہے ۱؎ ۔ [سنن نسائي/حدیث: 2279]

ابو العلاء بن شخیر بھی ایک شخص سے اسی جیسی حدیث روایت کرتے ہیں ۔ [سنن نسائي/حدیث: 2280]

ہانی بن شخیر بلحریش کے ایک شخص سے اور وہ اپنے والد سے روایت کرتے ہیں ، وہ کہتے ہیں کہ میں مسافر تھا تو میں نبی اکرم صلی اللہ علیہ وسلم کے پاس آیا ، اور میں روزے سے تھا ، اور آپ کھانا تناول فرما رہے تھے ، آپ نے فرمایا : ” آؤ “ ( کھانے میں شریک ہو جاؤ ) میں نے عرض کیا : میں روزے سے ہوں ۔ آپ نے فرمایا : ” ادھر آؤ ، کیا تمہیں اس چیز کا علم نہیں جو اللہ تعالیٰ نے مسافر کو چھوٹ دی ہے “ ۔ میں نے کہا : اللہ نے مسافر کو کیا چھوٹ دی ہے ؟ آپ نے فرمایا : روزے کی ، اور آدھی نماز کی ۔ [سنن نسائي/حدیث: 2281]

ہانی بن عبداللہ بن شخیر بلحریش کے ایک شخص سے اور وہ اپنے والد سے روایت کرتے ہیں ، وہ کہتے ہیں کہ جب تک اللہ تعالیٰ کو منظور رہا ہم سفر کرتے رہے ، پھر ہم رسول اللہ صلی اللہ علیہ وسلم کے پاس آئے ، آپ کھانا تناول فرما رہے تھے ، آپ نے فرمایا : ” آؤ کھانا کھاؤ “ ، میں نے عرض کیا : میں روزے سے ہوں ۔ تو رسول اللہ صلی اللہ علیہ وسلم نے فرمایا : میں تمہیں روزے کے متعلق بتاتا ہوں : اللہ تعالیٰ نے مسافر سے روزے کی چھوٹ دی ہے ، اور آدھی نماز کی بھی ۔ [سنن نسائي/حدیث: 2282]

عبداللہ بن شخیر کہتے ہیں کہ میں مسافر تھا ، رسول اللہ صلی اللہ علیہ وسلم کے پاس آیا ، آپ کھانا کھا رہے تھے اور میں روزے سے تھا ، آپ نے فرمایا : آؤ ( کھانا کھا لو ) میں نے کہا : میں روزے سے ہوں ۔ آپ نے فرمایا : کیا تمہیں وہ چیز معلوم ہے جس کی اللہ نے مسافر کو چھوٹ دی ہے ؟ ، میں نے کہا : کس چیز کی اللہ تعالیٰ نے مسافر کو چھوٹ دی ہے ؟ ، آپ صلی اللہ علیہ وسلم نے فرمایا : ” روزے اور آدھی نماز کی “ ۔ [سنن نسائي/حدیث: 2283]

غیلان کہتے ہیں : میں ابوقلابہ کے ساتھ ایک سفر میں نکلا ( کھانے کے وقت ) انہوں نے کھانا میرے آگے بڑھایا تو میں نے کہا : میں تو روزے سے ہوں ، اس پر انہوں نے کہا : رسول اللہ صلی اللہ علیہ وسلم ایک سفر میں نکلے ، آپ نے کھانا آگے بڑھاتے ہوئے ایک شخص سے کہا : ” قریب آ جاؤ کھانا کھاؤ “ ، اس نے کہا : میں روزے سے ہوں ، آپ صلی اللہ علیہ وسلم نے فرمایا ـ : ” اللہ تعالیٰ نے مسافر کے لیے آدھی نماز کی اور سفر میں روزے کی چھوٹ دی ہے “ ۔ تو اب آؤ کھاؤ ، تو میں قریب ہو گیا ، اور کھانے لگا ۔ [سنن نسائي/حدیث: 2284]

انس بن مالک رضی الله عنہ کہتے ہیں کہ ہم رسول اللہ صلی اللہ علیہ وسلم کے ساتھ سفر میں تھے ، ہم میں سے کچھ لوگ روزہ رکھے ہوئے تھے اور کچھ لوگ بغیر روزے کے تھے ، ہم نے ایک گرم دن میں پڑاؤ کیا ، اور ہم ( چھولداریاں اور خیمے لگا لگا کر ) سایہ کرنے لگے ، تو روزہ دار ( سخت گرمی کی تاب نہ لا کر ) گر گر پڑے ، اور روزہ نہ رہنے والے اٹھے ، اور انہوں نے سواریوں کو پانی پلایا ، تو رسول اللہ صلی اللہ علیہ وسلم نے فرمایا : ” آج غیر روزہ دار ثواب مار لے گئے “ ۔ [سنن نسائي/حدیث: 2285]

عبدالرحمٰن بن عوف رضی الله عنہ کہتے ہیں : کہا جاتا ہے سفر میں روزہ رکھنا ایسا ہے جیسے حضر میں افطار کرنا ۔ [سنن نسائي/حدیث: 2286]

عبدالرحمٰن بن عوف رضی الله عنہ کہتے ہیں : سفر میں روزہ رکھنے والا ایسا ہی ہے جیسے حضر میں روزہ نہ رکھنے والا ۔ [سنن نسائي/حدیث: 2287]

عبدالرحمٰن بن عوف رضی الله عنہ کہتے ہیں : سفر میں روزہ رکھنے والا حضر میں افطار کرنے والے کی طرح ہے ۱؎ ۔ [سنن نسائي/حدیث: 2288]

عبداللہ بن عباس رضی الله عنہما سے روایت ہے کہ نبی اکرم صلی اللہ علیہ وسلم رمضان کے مہینے میں سفر پر نکلے ، تو آپ روزے سے رہے ۔ یہاں تک کہ آپ قدید پہنچے ، تو آپ کے سامنے دودھ کا ایک پیالہ لایا گیا ، تو آپ نے پیا ، اور آپ نے اور آپ کے صحابہ نے روزہ توڑ دیا ۔ [سنن نسائي/حدیث: 2289]

عبداللہ بن عباس رضی الله عنہما کہتے ہیں کہ رسول اللہ صلی اللہ علیہ وسلم نے مدینہ میں روزہ رکھا ، ( اور چلے ) یہاں تک کہ آپ قدید آئے ، پھر آپ نے روزہ توڑ دیا ، اور مکہ پہنچنے تک بغیر روزہ کے رہے ۔ [سنن نسائي/حدیث: 2290]

عبداللہ بن عباس رضی الله عنہما سے روایت ہے کہ رسول اللہ صلی اللہ علیہ وسلم نے سفر میں روزہ رکھا یہاں تک کہ آپ قدید آئے ، پھر آپ نے دودھ کا ایک پیالہ منگایا اور ( اسے ) پیا ، اور آپ نے اور آپ کے اصحاب نے روزہ توڑ دیا ۔ [سنن نسائي/حدیث: 2291]

عبداللہ بن عباس رضی الله عنہما کہتے ہیں کہ رسول اللہ صلی اللہ علیہ وسلم مکہ کے لیے نکلے ، آپ روزہ رکھے ہوئے تھے ۔ یہاں تک کہ آپ عسفان ۱؎ پہنچے ، تو ایک پیالہ منگایا اور پیا ۔ شعبہ کہتے ہیں : یہ واقعہ رمضان کے مہینے کا ہے ، چنانچہ ابن عباس رضی اللہ عنہما کہتے تھے : سفر میں جو چاہے روزہ رکھے اور جو چاہے نہ رکھے ۔ [سنن نسائي/حدیث: 2292]

عبداللہ بن عباس رضی الله عنہما کہتے ہیں کہ رسول اللہ صلی اللہ علیہ وسلم نے رمضان میں سفر کیا ، اور آپ روزہ رکھے ہوئے تھے ، یہاں تک کہ عسفان پہنچے تو آپ نے ایک برتن منگایا ، تو دن ہی میں پی لیا ، لوگ اسے دیکھ رہے تھے ، پھر آپ بغیر روزہ کے رہے ۔ [سنن نسائي/حدیث: 2293]

عوام بن حوشب کہتے ہیں کہ میں نے مجاہد سے سفر میں روزہ رکھنے کے بارے میں پوچھا تو انہوں نے کہا : رسول اللہ صلی اللہ علیہ وسلم سفر میں روزہ رکھتے تھے اور نہیں بھی رکھتے تھے ۱؎ ۔ [سنن نسائي/حدیث: 2294]

مجاہد کہتے ہیں کہ رسول اللہ صلی اللہ علیہ وسلم نے رمضان کے مہینے میں روزے رکھے ، اور سفر میں بغیر روزے کے رہے ۔ [سنن نسائي/حدیث: 2295]

حمزہ بن عمرو اسلمی رضی الله عنہ سے روایت ہے کہ انہوں نے رسول اللہ صلی اللہ علیہ وسلم سے سفر میں روزہ رکھنے کے بارے میں پوچھا تو آپ نے فرمایا : ” چاہو تو روزہ رکھو ، اور چاہو تو نہ رکھو “ ۔ [سنن نسائي/حدیث: 2296]

سلیمان بن یسار سے روایت ہے کہ حمزہ بن عمرو رضی اللہ عنہ نے عرض کیا : اللہ کے رسول ! آگے اوپر والی حدیث کے مثل ہے اور یہ حدیث مرسل ۲؎ ہے ۔ [سنن نسائي/حدیث: 2297]

حمزہ بن عمرو رضی الله عنہ کہتے ہیں کہ میں نے رسول اللہ صلی اللہ علیہ وسلم سے سفر میں روزہ رکھنے کے بارے میں پوچھا ؟ آپ صلی اللہ علیہ وسلم نے فرمایا : ” اگر تم روزہ رکھنا چاہو تو رکھو اور اگر نہ رکھنا چاہو تو نہ رکھو “ ۔ [سنن نسائي/حدیث: 2298]

حمزہ بن عمرو رضی الله عنہ کہتے ہیں کہ میں نے رسول اللہ صلی اللہ علیہ وسلم سے سفر میں روزہ رکھنے کے بارے میں پوچھا ؟ تو آپ صلی اللہ علیہ وسلم نے فرمایا : ” اگر تم روزہ رکھنا چاہو تو رکھو ، اور اگر نہ رکھنا چاہو تو نہ رکھو “ ۔ [سنن نسائي/حدیث: 2299]

حمزہ بن عمرو اسلمی رضی الله عنہ سے روایت ہے کہ انہوں نے کہا : اللہ کے رسول ! میں سفر میں اپنے اندر روزہ رکھنے کی طاقت پاتا ہوں ( تو کیا میں روزہ رکھوں ؟ ) آپ نے فرمایا : ” اگر چاہو تو رکھو ، اور چاہو تو نہ رکھو “ ۔ [سنن نسائي/حدیث: 2300]

حمزہ بن عمرو رضی الله عنہ سے روایت ہے کہ انہوں نے رسول اللہ صلی اللہ علیہ وسلم سے سفر میں روزہ رکھنے کے بارے میں پوچھا : تو آپ نے فرمایا : ” اگر رکھنا چاہو تو رکھو ، اور اگر نہ رکھنا چاہو تو نہ رکھو “ ۔ [سنن نسائي/حدیث: 2301]

حمزہ بن عمرو رضی الله عنہ کہتے ہیں : میں رسول اللہ صلی اللہ علیہ وسلم کے زمانہ میں مسلسل روزہ رکھتا تھا ، تو میں نے عرض کیا : اللہ کے رسول ! میں سفر میں مسلسل روزہ رکھوں ؟ تو آپ نے فرمایا : ” اگر چاہو تو رکھو اور چاہو تو نہ رکھو “ ۔ [سنن نسائي/حدیث: 2302]

حمزہ بن عمرو رضی الله عنہ کہتے ہیں کہ میں نے عرض کیا : اللہ کے نبی ! میں مسلسل روزہ رکھنے والا آدمی ہوں تو کیا میں سفر میں بھی برابر روزہ رکھوں ؟ آپ صلی اللہ علیہ وسلم نے فرمایا : ” اگر چاہو تو رکھو ، اور اگر چاہو تو نہ رکھو “ ۔ [سنن نسائي/حدیث: 2303]

حمزہ بن عمرو رضی الله عنہ کا بیان ہے کہ انہوں نے رسول اللہ صلی اللہ علیہ وسلم سے پوچھا وہ ایک ایسے آدمی تھے جو سفر میں روزہ رکھتے تھے تو آپ صلی اللہ علیہ وسلم نے فرمایا : ” اگر چاہو تو رکھو ، اور اگر چاہو تو نہ رکھو “ ۔ [سنن نسائي/حدیث: 2304]

حمزہ بن عمرو رضی الله عنہ سے روایت ہے کہ انہوں نے رسول اللہ صلی اللہ علیہ وسلم سے عرض کیا : میں اپنے اندر سفر میں روزہ رکھنے کی طاقت پاتا ہوں ، تو کیا ( اگر میں روزہ رکھوں تو ) مجھ پر گناہ ہو گا ؟ آپ صلی اللہ علیہ وسلم نے فرمایا : ” یہ اللہ عزوجل کی جانب سے رخصت ہے ، تو جس نے اس رخصت کو اختیار کیا تو یہ اچھا ہے ، اور جو روزہ رکھنا چاہے تو اس پر کوئی حرج نہیں “ ۔ [سنن نسائي/حدیث: 2305]

حمزہ بن عمرو اسلمی رضی الله عنہ سے روایت ہے کہ انہوں نے رسول اللہ صلی اللہ علیہ وسلم سے پوچھا : میں سفر روزہ میں رکھوں ؟ تو آپ صلی اللہ علیہ وسلم نے فرمایا : ” اگر چاہو تو رکھو ، اور اگر چاہو تو نہ رکھو “ ۔ [سنن نسائي/حدیث: 2306]

حمزہ بن عمرو رضی الله عنہ سے روایت ہے کہ انہوں نے عرض کیا : اللہ کے رسول ! میں روزہ رکھنے والا آدمی ہوں ، کیا میں سفر میں روزہ رکھوں ؟ آپ صلی اللہ علیہ وسلم نے فرمایا : ” اگر چاہو تو رکھو ، اور اگر چاہو تو نہ رکھو “ ۔ [سنن نسائي/حدیث: 2307]

ام المؤمنین عائشہ رضی الله عنہا کہتی ہیں کہ حمزہ رضی اللہ عنہ نے عرض کیا : اللہ کے رسول ! میں سفر میں روزہ رکھوں ؟ تو آپ صلی اللہ علیہ وسلم نے فرمایا : ” اگر چاہو تو رکھو اور اگر چاہو تو نہ رکھو “ ۔ [سنن نسائي/حدیث: 2308]

ام المؤمنین عائشہ رضی الله عنہا کہتی ہیں کہ حمزہ رضی اللہ عنہ نے رسول اللہ صلی اللہ علیہ وسلم سے عرض کیا : اللہ کے رسول ! سفر میں روزہ رکھوں ؟ تو آپ صلی اللہ علیہ وسلم نے فرمایا : ” اگر چاہو تو رکھو ، اور اگر چاہو تو نہ رکھو “ ۔ [سنن نسائي/حدیث: 2309]

ام المؤمنین عائشہ رضی الله عنہا سے روایت ہے کہ حمزہ اسلمی رضی اللہ عنہ نے رسول اللہ صلی اللہ علیہ وسلم سے سفر میں روزہ رکھنے کے بارے میں پوچھا وہ ایک ایسے آدمی تھے جو مسلسل روزہ رکھتے تھے ، تو آپ صلی اللہ علیہ وسلم نے فرمایا : ” اگر چاہو تو رکھو ، اور اگر چاہو تو نہ رکھو “ ۔ [سنن نسائي/حدیث: 2310]

ابو سعید خدری رضی الله عنہ کہتے ہیں کہ ہم رمضان میں ( رسول اللہ صلی اللہ علیہ وسلم کے ساتھ ) سفر کرتے تھے ۔ ہم میں سے کوئی روزہ سے ہوتا تھا ، اور کوئی بغیر روزہ کے ، اور روزہ دار روزہ نہ رکھنے والوں کو عیب کی نظر سے نہیں دیکھتا اور نہ ہی روزہ نہ رکھنے والا روزہ رکھنے والے کو معیوب سمجھتا تھا ۔ [سنن نسائي/حدیث: 2311]

ابو سعید خدری رضی الله عنہ کہتے ہیں کہ ہم نبی اکرم صلی اللہ علیہ وسلم کے ساتھ سفر کرتے تھے ، تو ہم میں بعض روزہ دار ہوتے تھے اور بعض بغیر روزہ کے ، اور روزہ دار روزہ نہ رکھنے والے کو عیب کی نظر سے نہیں دیکھتا تھا ، اور نہ ہی روزہ نہ رکھنے والا روزہ دار کو عیب کی نظر سے دیکھتا تھا ۔ [سنن نسائي/حدیث: 2312]

جابر رضی الله عنہ کہتے ہیں کہ ہم نے رسول اللہ صلی اللہ علیہ وسلم کے ساتھ سفر کیا تو ہم میں سے بعض نے روزہ رکھے اور بعض نے نہیں ۔ [سنن نسائي/حدیث: 2313]

ابو سعید خدری اور جابر بن عبداللہ رضی الله عنہم سے روایت ہے کہ ان دونوں نے رسول اللہ صلی اللہ علیہ وسلم کے ساتھ سفر کیا ، تو روزہ رکھنے والا روزہ رکھتا ، اور نہ رکھنے والا کھاتا پیتا ، اور روزہ دار روزہ نہ رکھنے والے کو معیوب نہیں سمجھتا ، اور روزہ نہ رکھنے والا روزہ دار کو معیوب نہیں سمجھتا ۔ [سنن نسائي/حدیث: 2314]

عبداللہ بن عباس رضی الله عنہما کہتے ہیں کہ رسول اللہ صلی اللہ علیہ وسلم رمضان میں فتح مکہ کے سال روزہ کی حالت میں نکلے ۔ یہاں تک کہ جب کدید ۱؎ میں پہنچے تو آپ نے روزہ توڑ دیا ۔ [سنن نسائي/حدیث: 2315]

عبداللہ بن عباس رضی الله عنہما کہتے ہیں کہ رسول اللہ صلی اللہ علیہ وسلم نے سفر کیا تو روزہ رکھا یہاں تک کہ عسفان پہنچے ، پھر آپ نے ( پانی سے بھرا ) ایک برتن منگایا ، اور دن ہی میں پیا ، تاکہ لوگ آپ کو دیکھ لیں ، پھر آپ بغیر روزہ کے رہے ، یہاں تک کہ مکہ پہنچ گئے ۔ تو آپ نے مکہ کو رمضان میں فتح کیا ۔ عبداللہ بن عباس رضی اللہ عنہما کہتے ہیں : رسول اللہ صلی اللہ علیہ وسلم نے سفر میں روزہ رکھا ، اور روزہ توڑ بھی دیا ہے ، تو جس کا جی چاہے روزہ رکھے ، اور جس کا جی چاہے نہ رکھے ۔ [سنن نسائي/حدیث: 2316]

انس بن مالک ( قشیری ) رضی الله عنہ سے روایت ہے کہ وہ مدینہ میں رسول اللہ صلی اللہ علیہ وسلم کے پاس آئے ، آپ اس وقت دوپہر کا کھانا کھا رہے تھے ، تو آپ صلی اللہ علیہ وسلم نے ان سے فرمایا : ” آؤ کھانا کھاؤ “ ۔ انہوں نے عرض کیا : میں روزہ دار ہوں ، تو آپ صلی اللہ علیہ وسلم نے ان سے فرمایا : ” اللہ عزوجل نے مسافر کو روزہ کی ، اور آدھی نماز کی چھوٹ دے دی ہے ، نیز حاملہ اور مرضعہ کو بھی روزہ نہ رکھنے کی چھوٹ دی گئی ہے “ ۔ [سنن نسائي/حدیث: 2317]

سلمہ بن الاکوع رضی الله عنہ کہتے ہیں کہ جب آیت کریمہ : «وعلى الذين يطيقونه فدية طعام مسكين» ” جو لوگ اس کی طاقت رکھتے ہوں ( اور وہ روزہ نہ رکھنا چاہیں ) تو ان کا فدیہ یہ ہے کہ کسی مسکین کو دو وقت کا کھانا کھلائیں “ ( البقرہ : ۱۸۴ ) نازل ہوئی تو ہم میں سے جو شخص چاہتا کہ وہ افطار کرے ( کھائے پئے ) اور فدیہ دیدے ( تو وہ ایسا کر لیتا ) یہاں کہ اس کے بعد والی آیت نازل ہوئی تو اس نے اسے منسوخ کر دیا ۱؎ ۔ [سنن نسائي/حدیث: 2318]

عبداللہ بن عباس رضی الله عنہما آیت کریمہ : «وعلى الذين يطيقونه» میں « يطيقونه» کی تفسیر میں کہتے ہیں معنی یہ ہے کہ جو لوگ روزہ رکھنے کے مکلف ہیں ، ( تو ہر روزہ کے بدلے ) ان پر ایک مسکین کے (دونوں وقت کے) کھانے کا فدیہ ہے ، ( اور جو شخص ازراہ ثواب و نیکی و بھلائی ) ایک سے زیادہ مسکین کو کھانا دے دیں تو یہ منسوخ نہیں ہے ، ( یہ اچھی بات ہے ، اور زیادہ بہتر بات یہ ہے کہ روزہ ہی رکھے جائیں ) یہ رخصت صرف اس شخص کے لیے ہے جو روزہ کی طاقت نہ رکھتا ہو ، یا بیمار ہو اور اچھا نہ ہو پا رہا ہو ۔ [سنن نسائي/حدیث: 2319]

معاذہ عدویہ سے روایت ہے کہ ایک عورت نے ام المؤمنین عائشہ رضی اللہ عنہا سے پوچھا : کیا عورت جب حیض سے پاک ہو جائے تو نماز کی قضاء کرے ؟ انہوں نے کہا : کیا تو حروریہ ۱؎ ہے ؟ ہم عورتیں رسول اللہ صلی اللہ علیہ وسلم کے زمانہ میں حیض سے ہوتی تھیں ، پھر ہم پاک ہوتیں تو آپ صلی اللہ علیہ وسلم ہمیں روزہ کی قضاء کا حکم دیتے تھے ، اور نماز کی قضاء کے لیے نہیں کہتے تھے ۔ [سنن نسائي/حدیث: 2320]

ام المؤمنین عائشہ رضی الله عنہا کہتی ہیں کہ مجھ پر رمضان کے روزہ ہوتے تھے تو میں قضاء نہیں کر پاتی تھی یہاں تک کہ شعبان آ جاتا ۔ [سنن نسائي/حدیث: 2321]

محمد بن صیفی رضی الله عنہ کہتے ہیں کہ رسول اللہ صلی اللہ علیہ وسلم نے عاشوراء کے دن فرمایا : ” کیا تم میں سے کسی نے آج کے دن کھایا ہے ؟ “ لوگوں نے کہا : ہم میں کچھ لوگ ایسے ہیں جن ہوں نے روزہ رکھا ہے ، اور کچھ لوگوں نے نہیں رکھا ہے ۔ آپ صلی اللہ علیہ وسلم نے فرمایا : ” اپنا باقی دن ( بغیر کھائے پیئے ) پورا کرو ۱؎ ، اہل عروض ۲؎ کو خبر کرا دو کہ وہ بھی اپنا باقی دن ( بغیر کھائے پئے ) پورا کریں ۔‏‏‏‏“ [سنن نسائي/حدیث: 2322]

سلمہ بن الاکوع رضی الله عنہ کہتے ہیں کہ رسول اللہ صلی اللہ علیہ وسلم نے ایک شخص سے کہا : ” لوگوں میں عاشوراء کے دن اعلان کر دو : جس نے کھا لیا ہے وہ باقی دن ( بغیر کھائے پیئے ) پورا کرے ، اور جس نے نہ کھایا ہو وہ روزہ رکھے ۔‏‏‏‏“ [سنن نسائي/حدیث: 2323]

ام المؤمنین عائشہ رضی الله عنہا کہتی ہیں کہ رسول اللہ صلی اللہ علیہ وسلم ایک دن میرے پاس آئے ، اور پوچھا : ” کیا تمہارے پاس کچھ ( کھانے کو ) ہے ؟ “ تو میں نے کہا : نہیں ، آپ نے فرمایا : ” تو میں روزہ سے ہوں “ ، اس دن کے بعد پھر ایک دن آپ میرے پاس سے گزرے ، اس دن میرے پاس تحفہ میں حیس ۱؎ آیا ہوا تھا ، میں نے اس میں سے آپ کے لیے نکال کر چھپا رکھا تھا ، آپ کو حیس بہت پسند تھا ، انہوں نے عرض کیا : اللہ کے رسول ! مجھے حیس تحفے میں دیا گیا ہے ، میں نے اس میں سے آپ کے لیے چھپا کر رکھا ہے ، آپ نے فرمایا : ” لاؤ حاضر کرو ، اگرچہ میں نے صبح سے ہی روزہ کی نیت کر رکھی ہے “ ( مگر کھاؤ گا ) تو آپ صلی اللہ علیہ وسلم نے کھایا ، پھر فرمایا : ” نفلی روزہ کی مثال اس آدمی کی سی ہے جو اپنے مال میں سے ( نفلی ) صدقہ نکالتا ہے ، جی چاہا دے دیا ، جی چاہا نہیں دیا ، روک لیا ۔‏‏‏‏“ [سنن نسائي/حدیث: 2324]

ام المؤمنین عائشہ رضی الله عنہا کہتی ہیں کہ ایک بار رسول اللہ صلی اللہ علیہ وسلم گھوم کر میرے پاس آئے اور پوچھا : ” تمہارے پاس کوئی چیز ( کھانے کی ) ہے ؟ “ میں نے عرض کیا ، میرے پاس کوئی چیز نہیں ہے ، آپ صلی اللہ علیہ وسلم نے فرمایا : ” پھر تو میں روزہ رکھ لیتا ہوں “ ، پھر ایک اور بار میرے پاس آئے ، اس وقت ہمارے پاس حیس ہدیہ میں آیا ہوا تھا ، تو میں اسے لے کر آپ کے پاس حاضر ہوئی تو آپ نے اسے کھایا ، تو مجھے اس بات سے حیرت ہوئی ، میں نے عرض کیا : اللہ کے رسول ! آپ ہمارے پاس آئے تو روزہ سے تھے پھر بھی آپ صلی اللہ علیہ وسلم نے حیس کھا لیا ؟ آپ نے فرمایا : ” ہاں عائشہ ! جس نے کوئی روزہ رکھا لیکن وہ روزہ رمضان کا یا رمضان کی قضاء کا نہ ہو ، یا نفلی روزہ ہو تو وہ اس شخص کی طرح ہے جس نے اپنے مال میں سے ( نفلی ) صدقہ نکالا ، پھر اس میں سے جتنا چاہا سخاوت کر کے دے دیا اور جو بچ رہا بخیلی کر کے اسے روک لیا “ ۱؎ ۔ [سنن نسائي/حدیث: 2325]

ام المؤمنین عائشہ رضی الله عنہا کہتی ہیں کہ رسول اللہ صلی اللہ علیہ وسلم تشریف لاتے تھے اور پوچھتے تھے : ” کیا تمہارے پاس کھانا ہے ؟ “ میں کہتی تھی : نہیں ، تو آپ فرماتے تھے : ” میں روزہ سے ہوں “ ، ایک دن آپ ہمارے پاس تشریف لائے ، اس دن ہمارے پاس حیس کا ہدیہ آیا ہوا تھا ، آپ نے کہا : ” کیا تم لوگوں کے پاس کھانے کی کوئی چیز ہے ؟ “ ہم نے کہا : جی ہاں ہے ، ہمارے پاس ہدیہ میں حیس آیا ہوا ہے ، آپ نے فرمایا : ” میں نے صبح روزہ رکھنے کا ارادہ کیا تھا “ ، پھر آپ نے ( اسے ) کھایا ۔ قاسم بن یزید نے ان کی یعنی ابوبکر حنفی کی مخالفت کی ہے ۱؎ ، ( ان کی روایت آگے آ رہی ہے ) ۔ [سنن نسائي/حدیث: 2326]

ام المؤمنین عائشہ رضی الله عنہا کہتی ہیں کہ ایک دن رسول اللہ صلی اللہ علیہ وسلم میرے پاس تشریف لائے ، ہم نے عرض کیا : ہمارے پاس حیس کا تحفہ بھیجا گیا ، ہم نے اس میں آپ کا ( بھی ) حصہ لگایا ہے ، آپ صلی اللہ علیہ وسلم نے فرمایا : ” میں روزہ سے ہوں “ ، پھر آپ نے روزہ توڑ دیا ۔ [سنن نسائي/حدیث: 2327]

ام المؤمنین عائشہ رضی الله عنہا کہتی ہیں : نبی اکرم صلی اللہ علیہ وسلم ان کے پاس آتے تھے اور آپ روزہ سے ہوتے تھے ( اس کے باوجود ) پوچھتے تھے : ” تمہارے پاس رات کی کوئی چیز ہے جسے تم مجھے کھلا سکو ؟ “ ہم کہتے نہیں ۔ تو آپ صلی اللہ علیہ وسلم فرماتے : ” میں نے روزہ رکھ لیا “ پھر اس کے بعد ایک بار آپ ان کے پاس آئے ، تو انہوں نے کہا : ہمارے پاس ہدیہ آیا ہوا ہے آپ نے پوچھا : ” کیا ہے ؟ “ انہوں نے عرض کیا : حیس ہے ، آپ صلی اللہ علیہ وسلم نے فرمایا : ” میں نے صبح روزہ کا ارادہ کیا تھا “ پھر آپ نے کھایا ۔ [سنن نسائي/حدیث: 2328]

ام المؤمنین عائشہ رضی الله عنہا کہتی ہیں کہ رسول اللہ صلی اللہ علیہ وسلم ایک دن میرے پاس تشریف لائے اور پوچھا : ” تمہارے پاس ( کھانے کی ) کوئی چیز ہے ؟ “ ہم نے کہا : نہیں ۔ آپ نے فرمایا : ” تو میں روزہ سے ہوں ۔‏‏‏‏“ [سنن نسائي/حدیث: 2329]

ام المؤمنین عائشہ رضی الله عنہا کہتی ہیں کہ رسول اللہ صلی اللہ علیہ وسلم ان کے پاس تشریف لائے ، پوچھا : ” کیا تمہارے پاس کچھ کھانا ہے ؟ “ میں نے کہا : نہیں ، آپ نے فرمایا : ” تو میں روزہ سے ہوں “ ، پھر آپ ایک اور دن تشریف لائے ، تو عائشہ رضی اللہ عنہا نے آپ سے کہا : اللہ کے رسول ! ہمارے پاس ہدیہ میں حیس آیا ہوا ہے ، تو آپ نے اسے منگوایا ، اور فرمایا : ” میں نے صبح روزہ کی نیت کی تھی “ ، پھر آپ نے کھایا ۔ [سنن نسائي/حدیث: 2330]

مجاہد اور ام کلثوم سے روایت ہے کہ رسول اللہ صلی اللہ علیہ وسلم ام المؤمنین عائشہ رضی اللہ عنہا کے پاس تشریف لے گئے ، اور ان سے پوچھا : ” کیا تمہارے پاس کچھ کھانا ہے ؟ “ آگے اسی طرح ہے جیسے اس سے پہلی روایت میں ہے ۔ ابوعبدالرحمٰن ( نسائی ) کہتے ہیں : اور اسے سماک بن حرب نے بھی روایت کیا ہے ۔ وہ کہتے ہیں : مجھ سے ایک شخص نے روایت کی اور اس نے عائشہ بنت طلحہ سے روایت کی ہے ( ان کی روایت آگے آ رہی ہے ) ۔ [سنن نسائي/حدیث: 2331]

ام المؤمنین عائشہ رضی الله عنہا کہتی ہیں کہ ایک دن رسول اللہ صلی اللہ علیہ وسلم آئے اور پوچھا : ” کیا تمہارے پاس کچھ کھانا ہے ؟ “ میں نے عرض کیا : نہیں ، آپ نے فرمایا : ” پھر تو میں روزہ رکھ لیتا ہوں “ ، پھر دوسری بار آپ میرے پاس تشریف لے آئے تو میں نے عرض کیا : اللہ کے رسول ! ہمارے پاس حیس کا ہدیہ آیا ہوا ہے ، آپ صلی اللہ علیہ وسلم نے فرمایا : ” تب تو میں آج روزہ توڑ دوں گا حالانکہ میں نے روزہ کی نیت کر لی تھی “ ۔ [سنن نسائي/حدیث: 2332]

ام المؤمنین حفصہ رضی الله عنہا کہتی ہیں کہ نبی اکرم صلی اللہ علیہ وسلم نے فرمایا : ” جو شخص طلوع فجر سے پہلے روزہ کی نیت نہ کرے تو اس کا روزہ نہ ہو گا “ ۱؎ ۔ [سنن نسائي/حدیث: 2333]

ام المؤمنین حفصہ رضی الله عنہا کہتی ہیں نبی اکرم صلی اللہ علیہ وسلم نے فرمایا : ” جس نے فجر سے پہلے روزہ کی نیت نہیں کی تو اس کا روزہ نہیں ہو گا “ ۔ [سنن نسائي/حدیث: 2334]

ام المؤمنین حفصہ رضی الله عنہا کہتی ہیں کہ نبی اکرم صلی اللہ علیہ وسلم نے فرمایا : ” جو شخص روزہ کا پختہ ارادہ طلوع فجر سے پہلے نہ کر لے تو وہ روزہ نہ رکھے “ ۔ [سنن نسائي/حدیث: 2335]

ام المؤمنین حفصہ رضی الله عنہا کہتی ہیں کہ نبی اکرم صلی اللہ علیہ وسلم نے فرمایا : ” جس نے روزہ کی نیت رات ہی میں نہ کر لی ہو تو اس کا روزہ نہیں “ ۔ [سنن نسائي/حدیث: 2336]

ام المؤمنین حفصہ رضی الله عنہا کہتی تھیں کہ جس نے رات ہی میں روزہ کی پختہ نیت نہ کر لی ہو تو وہ روزہ نہ رکھے ۔ [سنن نسائي/حدیث: 2337]

عبداللہ بن عمر رضی الله عنہما کہتے ہیں کہ ام المؤمنین حفصہ رضی اللہ عنہا کہتی ہیں : اس شخص کا روزہ نہیں جو فجر سے پہلے روزہ کی پختہ نیت نہ کر لے ۔ [سنن نسائي/حدیث: 2338]

ام المؤمنین حفصہ رضی الله عنہا کہتی ہیں : اس شخص کا روزہ نہیں جو فجر سے پہلے روزہ کی پختہ نیت نہ کر لے ۔ [سنن نسائي/حدیث: 2339]

ام المؤمنین حفصہ رضی الله عنہا کہتی ہیں کہ اس شخص کا روزہ نہیں جو فجر سے پہلے روزہ کی پختہ نیت نہ کر لے ۔ [سنن نسائي/حدیث: 2340]

ام المؤمنین حفصہ رضی الله عنہا کہتی ہیں کہ اس شخص کا روزہ نہیں جو فجر سے پہلے روزہ کی پختہ نیت نہ کر لے ۔ [سنن نسائي/حدیث: 2341]

ام المؤمنین حفصہ رضی الله عنہا کہتی ہیں کہ اس شخص کا روزہ نہیں جو فجر سے پہلے روزہ کی پختہ نیت نہ کر لے ۔ مالک بن انس نے اسے مرسلاً روایت کیا ہے ۱؎ ۔ [سنن نسائي/حدیث: 2342]

ام المؤمنین عائشہ و ام المؤمنین حفصہ رضی الله عنہما سے اسی کے مثل روایت ہے کہ صرف وہی شخص روزہ رکھے جو فجر سے پہلے روزہ کی پختہ نیت کر لے ۔ [سنن نسائي/حدیث: 2343]

عبداللہ بن عمر رضی الله عنہ کہتے ہیں کہ جب آدمی نے رات ہی میں روزہ کی پختہ نیت نہ کی ہو تو وہ روزہ نہ رکھے ۔ [سنن نسائي/حدیث: 2344]

عبداللہ بن عمر رضی الله عنہما کہتے تھے کہ روزہ صرف وہی رکھے جس نے فجر سے پہلے روزہ کی پختہ نیت کر لی ہو ۔ [سنن نسائي/حدیث: 2345]

عبداللہ بن عمرو بن العاص رضی الله عنہما کو کہتے سنا کہ رسول اللہ صلی اللہ علیہ وسلم نے فرمایا : ” اللہ عزوجل کو روزوں میں سب سے زیادہ محبوب اور پسندیدہ روزے داود علیہ السلام کے تھے ۔ وہ ایک دن روزہ رکھتے تھے ، اور ایک دن بغیر روزہ کے رہتے تھے ، اور اللہ تعالیٰ کے نزدیک سب سے محبوب نماز بھی داود علیہ السلام کی نماز تھی ، وہ آدھی رات سوتے تھے اور تہائی رات قیام کرتے تھے ، اور رات کے چھٹویں حصہ میں پھر سوتے تھے “ ۔ [سنن نسائي/حدیث: 2346]

عبداللہ بن عباس رضی الله عنہما کہتے ہیں کہ رسول اللہ صلی اللہ علیہ وسلم حضر میں ہوں یا سفر میں ایام بیض میں بغیر روزہ کے نہیں رہتے تھے ۱؎ ۔ [سنن نسائي/حدیث: 2347]

عبداللہ بن عباس رضی الله عنہما کہتے ہیں کہ رسول اللہ صلی اللہ علیہ وسلم روزے رکھتے تھے یہاں تک کہ ہم کہتے : آپ روزے رکھنا بند نہیں کریں گے ، اور آپ بغیر روزے کے رہتے تھے یہاں تک کہ ہم کہتے کہ آپ روزے رکھنے کا ارادہ نہیں رکھتے ۔ اور آپ جب سے مدینہ آئے رمضان کے علاوہ آپ نے کسی بھی مہینہ کے مسلسل روزے نہیں رکھے ۔ [سنن نسائي/حدیث: 2348]

ام المؤمنین عائشہ رضی الله عنہا کہتی ہیں کہ رسول اللہ صلی اللہ علیہ وسلم روزہ سے رہتے تھے یہاں تک کہ ہم کہتے : آپ بغیر روزہ کے رہیں گے ہی نہیں ، اور بغیر روزہ کے رہتے تھے یہاں تک کہ ہم کہتے کہ آپ روزہ رکھیں گے ہی نہیں ۔ [سنن نسائي/حدیث: 2349]

ام المؤمنین عائشہ رضی الله عنہا کہتی ہیں کہ میں نہیں جانتی کہ نبی اکرم صلی اللہ علیہ وسلم نے کبھی پورا قرآن ایک رات میں پڑھا ہو ، اور نہ ہی میں یہ جانتی ہوں کہ آپ نے کبھی پوری رات صبح تک قیام کیا ہو ، اور نہ ہی میں یہ جانتی ہوں کہ رمضان کے علاوہ آپ نے کبھی کوئی پورا مہینہ روزہ رکھا ہو ۔ [سنن نسائي/حدیث: 2350]

عبداللہ بن شقیق کہتے ہیں کہ میں نے عائشہ رضی اللہ عنہا سے نبی اکرم صلی اللہ علیہ وسلم کے روزوں کے بارے میں پوچھا ، تو انہوں نے کہا : آپ روزہ رکھتے تھے یہاں تک کہ ہم کہتے کہ آپ ( برابر ) روزہ ہی رکھا کریں گے ، اور آپ افطار کرتے ( روزہ نہ رہتے ) تو ہم کہتے کہ آپ برابر بغیر روزہ کے رہیں گے ، رسول اللہ صلی اللہ علیہ وسلم نے مدینہ آنے کے بعد سوائے رمضان کے کبھی کوئی پورا مہینہ روزہ نہیں رکھا ۔ [سنن نسائي/حدیث: 2351]

ام المؤمنین عائشہ رضی الله عنہا کہتی ہیں کہ رسول اللہ صلی اللہ علیہ وسلم کے نزدیک روزہ رکھنے کے لیے سب سے زیادہ پسندیدہ مہینہ شعبان کا تھا ، بلکہ آپ اسے رمضان سے ملا دیتے تھے ۔ [سنن نسائي/حدیث: 2352]

ام المؤمنین عائشہ رضی الله عنہا کہتی ہیں کہ رسول اللہ صلی اللہ علیہ وسلم روزے سے رہتے تھے یہاں تک کہ ہم کہتے کہ آپ بغیر روزے کے نہیں رہیں گے ، اور بغیر روزہ کے رہتے یہاں تک کہ ہم کہتے کہ آپ روزہ رکھیں گے ہی نہیں ، اور میں نے رسول اللہ صلی اللہ علیہ وسلم کو شعبان کے مہینے سے زیادہ کسی اور مہینے میں روزہ رکھتے نہیں دیکھا ۔ [سنن نسائي/حدیث: 2353]

ام المؤمنین ام سلمہ رضی الله عنہا کہتی ہیں کہ رسول اللہ صلی اللہ علیہ وسلم سوائے شعبان اور رمضان کے مسلسل دو مہینے روزہ نہیں رکھتے تھے ۔ [سنن نسائي/حدیث: 2354]

ام المؤمنین ام سلمہ رضی الله عنہا کہتی ہیں کہ نبی اکرم صلی اللہ علیہ وسلم سال کے کسی بھی مہینہ میں پورا روزہ نہیں رکھتے تھے سوائے شعبان کے ، آپ اسے رمضان سے ملا دیتے تھے ۔ [سنن نسائي/حدیث: 2355]

ام المؤمنین عائشہ رضی الله عنہا کہتی ہیں کہ رسول اللہ صلی اللہ علیہ وسلم کسی بھی مہینے میں شعبان سے زیادہ روزہ نہیں رکھتے تھے ، آپ شعبان کے پورے یا اکثر دن روزہ رہتے تھے ۔ [سنن نسائي/حدیث: 2356]

ام المؤمنین عائشہ رضی الله عنہ کہتی ہیں کہ رسول اللہ صلی اللہ علیہ وسلم پورے شعبان روزہ رکھتے تھے سوائے چند دنوں کے ۔ [سنن نسائي/حدیث: 2357]

ام المؤمنین عائشہ رضی الله عنہا کہتی ہیں کہ رسول اللہ صلی اللہ علیہ وسلم پورے شعبان روزہ رکھتے تھے ۔ [سنن نسائي/حدیث: 2358]

اسامہ بن زید رضی الله عنہ کہتے ہیں کہ میں نے عرض کیا : اللہ کے رسول ! جتنا میں آپ کو شعبان کے مہینے میں روزہ رکھتے ہوئے دیکھتا ہوں اتنا کسی اور مہینے میں نہیں دیکھتا ، آپ نے فرمایا : ” رجب و رمضان کے درمیان یہ ایسا مہینہ ہے جس سے لوگ غفلت برتتے ہیں ، یہ ایسا مہینہ ہے جس میں آدمی کے اعمال رب العالمین کے سامنے پیش کئے جاتے ہیں ، تو میں چاہتا ہوں کہ جب میرا عمل پیش ہو تو میں روزہ سے رہوں “ ۔ [سنن نسائي/حدیث: 2359]

اسامہ بن زید رضی الله عنہ کہتے ہیں کہ میں نے رسول اللہ صلی اللہ علیہ وسلم سے عرض کیا : اللہ کے رسول ! آپ روزہ رکھتے ہیں یہاں تک کہ ایسا لگتا ہے کہ آپ روزہ بند ہی نہیں کریں گے ، اور بغیر روزہ کے رہتے ہیں یہاں تک کہ لگتا ہے کہ روزہ رکھیں گے ہی نہیں سوائے دو دن کے ۔ کہ اگر وہ آپ کے روزہ کے درمیان میں آ گئے ( تو ٹھیک ہے ) اور اگر نہیں آئے تو بھی آپ ان میں روزہ رکھتے ہیں ۔ آپ نے پوچھا : ” وہ دو دن کون ہیں ؟ “ میں نے عرض کیا : وہ پیر اور جمعرات کے دن ہیں ، آپ صلی اللہ علیہ وسلم نے فرمایا : ” یہ دو دن وہ ہیں جن میں اللہ رب العالمین کے سامنے ہر ایک کے اعمال پیش کئے جاتے ہیں ، تو میں چاہتا ہوں کہ جب میرا عمل پیش ہو تو میں روزہ سے رہوں “ ۔ [سنن نسائي/حدیث: 2360]

اسامہ بن زید رضی الله عنہ کہتے ہیں کہ رسول اللہ صلی اللہ علیہ وسلم برابر روزہ رکھتے جاتے تھے ، یہاں تک کہ کہا جانے لگتا کہ آپ بغیر روزہ کے رہیں گے ہی نہیں ، اور ( مسلسل ) بغیر روزہ کے رہتے یہاں تک کہ کہا جانے لگتا کہ آپ روزہ رکھیں گے ہی نہیں ۔ [سنن نسائي/حدیث: 2361]

ام المؤمنین عائشہ رضی الله عنہا کہتی ہیں کہ رسول اللہ صلی اللہ علیہ وسلم دو شنبہ ( پیر ) اور جمعرات کے روزہ کا اہتمام فرماتے تھے ۔ [سنن نسائي/حدیث: 2362]

ام المؤمنین عائشہ رضی الله عنہا کہتی ہیں کہ رسول اللہ صلی اللہ علیہ وسلم دوشنبہ ( پیر ) اور جمعرات کے دن ( کے روزہ ) کا اہتمام فرماتے تھے ۔ [سنن نسائي/حدیث: 2363]

ام المؤمنین عائشہ رضی الله عنہا کہتی ہیں کہ رسول اللہ صلی اللہ علیہ وسلم دوشنبہ ( پیر ) اور جمعرات کے دن ( کے روزہ ) کا اہتمام فرماتے تھے ۔ [سنن نسائي/حدیث: 2364]

ام المؤمنین عائشہ رضی الله عنہا کہتی ہیں کہ رسول اللہ صلی اللہ علیہ وسلم دوشنبہ ( پیر ) اور جمعرات کے دن ( کے روزہ ) کا اہتمام فرماتے تھے ۔ [سنن نسائي/حدیث: 2365]

ام المؤمنین عائشہ رضی الله عنہا کہتی ہیں کہ نبی اکرم صلی اللہ علیہ وسلم دوشنبہ ( پیر ) اور جمعرات کو روزہ رکھتے تھے ۔ [سنن نسائي/حدیث: 2366]

ام المؤمنین ام سلمہ رضی الله عنہا کہتی ہیں کہ رسول اللہ صلی اللہ علیہ وسلم ہر مہینے تین دن روزہ رکھتے تھے : پہلے ہفتہ کے دوشنبہ ( پیر ) اور جمعرات کو ، اور دوسرے ہفتہ کے دوشنبہ ( پیر ) کو ۔ [سنن نسائي/حدیث: 2367]

ام المؤمنین حفصہ رضی الله عنہا کہتی ہیں کہ رسول اللہ صلی اللہ علیہ وسلم ہر مہینے کی جمعرات اور دوشنبہ ( پیر ) کو اور دوسرے ہفتہ کے دوشنبہ ( پیر ) کو روزہ رہتے تھے ۔ [سنن نسائي/حدیث: 2368]

ام المؤمنین حفصہ رضی الله عنہا کہتی ہیں کہ رسول اللہ صلی اللہ علیہ وسلم جب اپنے بستر پر لیٹتے تو اپنی داہنی ہتھیلی اپنے دائیں گال کے نیچے رکھ لیتے ، اور دوشنبہ ( پیر ) اور جمعرات کے دن روزہ رکھتے تھے ۔ [سنن نسائي/حدیث: 2369]

عبداللہ بن مسعود رضی الله عنہ کہتے ہیں کہ رسول اللہ صلی اللہ علیہ وسلم ہر مہینے کے ابتدائی تین دنوں میں روزہ رکھتے تھے اور کم ہی ایسا ہوتا کہ آپ جمعہ کے دن روزہ سے نہ رہے ہوں ۱؎ ۔ [سنن نسائي/حدیث: 2370]

ابوہریرہ رضی الله عنہ کہتے ہیں کہ رسول اللہ صلی اللہ علیہ وسلم نے مجھے چاشت کی دونوں رکعتوں کا حکم دیا ، اور یہ کہ میں وتر پڑھے بغیر نہ سوؤں ، اور ہر مہینے میں تین دن روزہ رکھا کروں ۔ [سنن نسائي/حدیث: 2371]

عبداللہ بن عباس رضی الله عنہما سے روایت ہے کہ ان سے عاشوراء کے روزہ کے بارے میں پوچھا گیا تھا تو انہوں نے کہا : مجھے نہیں معلوم کہ نبی اکرم صلی اللہ علیہ وسلم نے کسی دن کا روزہ اور دنوں سے بہتر جان کے رکھا ہو ، سوائے اس دن کے ، یعنی ماہ رمضان کے اور عاشوراء کے ۔ [سنن نسائي/حدیث: 2372]

حمید بن عبدالرحمٰن بن عوف کہتے ہیں کہ میں نے معاویہ رضی اللہ عنہ کو عاشوراء کے دن منبر پر کہتے سنا : ” اے مدینہ والو ! تمہارے علماء کہاں ہیں ؟ میں نے رسول اللہ صلی اللہ علیہ وسلم کو اس دن میں کہتے ہوئے سنا کہ میں روزہ سے ہوں تو جو روزہ رکھنا چاہے وہ رکھے “ ۔ [سنن نسائي/حدیث: 2373]

نبی اکرم صلی اللہ علیہ وسلم کی ایک زوجہ مطہرہ ( ام المؤمنین رضی الله عنہا ) کہتی ہیں کہ رسول اللہ صلی اللہ علیہ وسلم عاشوراء کے روز ، ذی الحجہ کے نو دنوں میں ، ہر مہینے کے تین دنوں میں یعنی : مہینہ کے پہلے دوشنبہ ( پیر ) کو اور پہلے اور دوسرے جمعرات کو روزہ رکھتے تھے ۔ [سنن نسائي/حدیث: 2374]

عبداللہ بن عمر رضی الله عنہما کہتے ہیں کہ رسول اللہ صلی اللہ علیہ وسلم نے فرمایا : ” جس نے ہمیشہ روزے رکھے ، تو اس نے روزے ہی نہیں رکھے “ ۔ [سنن نسائي/حدیث: 2375]

عبداللہ بن عمر رضی الله عنہما کہتے ہیں کہ رسول اللہ صلی اللہ علیہ وسلم نے فرمایا : ” جس نے ہمیشہ روزے رکھے اس نے نہ روزے رکھے ، اور نہ افطار کیا “ ۔ [سنن نسائي/حدیث: 2376]

عبداللہ بن عمر رضی الله عنہما کہتے ہیں کہ نبی اکرم صلی اللہ علیہ وسلم نے فرمایا : ” جس نے ہمیشہ روزے رکھے تو اس نے روزے ہی نہیں رکھے “ ۔ [سنن نسائي/حدیث: 2377]

عبداللہ بن عمر رضی الله عنہما کہتے ہیں کہ نبی اکرم صلی اللہ علیہ وسلم نے فرمایا : ” جس نے ہمیشہ روزے رکھے اس نے روزے ہی نہیں رکھے “ ۔ [سنن نسائي/حدیث: 2378]

عبداللہ بن عمرو بن العاص رضی الله عنہا کہتے ہیں کہ رسول اللہ صلی اللہ علیہ وسلم نے فرمایا : ” جس نے ہمیشہ روزے رکھے اس نے نہ تو روزے ہی رکھے اور نہ ہی کھایا پیا “ ۔ [سنن نسائي/حدیث: 2379]

عبداللہ بن عمرو بن العاص رضی الله عنہما کہتے ہیں کہ نبی اکرم صلی اللہ علیہ وسلم کو خبر ملی کہ میں روزہ رکھتا ہوں ، پھر مسلسل روزہ رکھتا ہوں ، اور راوی نے پوری حدیث بیان کی ۔ ابن جریج کہتے ہیں کہ عطاء نے کہا : مجھے یاد نہیں کہ انہوں نے «صیام ابد» کا ذکر کیسے کیا ، مگر اتنا یاد ہے کہ انہوں نے یوں کہا : ” اس شخص نے «صیام» ( روزے ) نہیں رکھے جس نے ہمیشہ «صیام» ( روزے ) رکھے “ ۔ [سنن نسائي/حدیث: 2380]

عمران بن حصین رضی الله عنہ کہتے ہیں کہ عرض کیا گیا : اللہ کے رسول ! فلاں شخص کبھی دن کو افطار نہیں کرتا ہے ، آپ صلی اللہ علیہ وسلم نے فرمایا : ” اس نے نہ روزہ رکھا ، نہ افطار کیا “ ۔ [سنن نسائي/حدیث: 2381]

عبداللہ بن شخیر رضی الله عنہ سے روایت ہے کہ انہوں نے رسول اللہ صلی اللہ علیہ وسلم سے سنا اور آپ کے سامنے ایک ایسے شخص کا ذکر کیا گیا تھا جو ہمیشہ روزہ رکھتا تھا تو آپ نے فرمایا : ” اس نے نہ روزہ رکھا اور نہ ہی افطار کیا “ ۔ [سنن نسائي/حدیث: 2382]

عبداللہ بن شخیر رضی الله عنہ سے روایت ہے کہ رسول اللہ صلی اللہ علیہ وسلم نے صیام الدھر رکھنے والے کے بارے میں فرمایا : ” نہ اس نے روزہ رکھا ، اور نہ ہی افطار کیا “ ۔ [سنن نسائي/حدیث: 2383]

عمر رضی الله عنہ کہتے ہیں کہ ہم رسول اللہ صلی اللہ علیہ وسلم کے ساتھ تھے ، تو ہم سب کا گزر ایک شخص کے پاس سے ہوا ، ( اس کے بارے میں ) لوگوں نے عرض کیا : اللہ کے نبی ! یہ شخص ایسا ہے جو اتنی مدت سے افطار نہیں کر رہا ہے ( یعنی برابر روزے رکھ رہا ہے ) آپ صلی اللہ علیہ وسلم نے فرمایا : ” نہ اس نے روزہ رکھا ، نہ ہی افطار کیا “ ۔ [سنن نسائي/حدیث: 2384]

ابوقتادہ رضی الله عنہ سے روایت ہے کہ رسول اللہ صلی اللہ علیہ وسلم سے آپ کے روزوں کے بارے میں پوچھا گیا ، تو آپ ناراض ہو گئے ، عمر رضی اللہ عنہ نے کہا : ہم اللہ کے رب ( حقیقی معبود ) ہونے پر ، اسلام کے دین ہونے پر ، اور محمد صلی اللہ علیہ وسلم کے رسول ہونے پر ، راضی ہیں ، نیز آپ سے ہمیشہ روزہ رکھنے والے کے بارے میں پوچھا گیا ، تو آپ نے فرمایا : ” اس نے نہ روزہ رکھا ، نہ ہی افطار کیا “ ۔ [سنن نسائي/حدیث: 2385]

ام المؤمنین عائشہ رضی الله عنہا کہتی ہیں کہ حمزہ بن عمرو اسلمی رضی اللہ عنہ نے رسول اللہ صلی اللہ علیہ وسلم سے پوچھا : اللہ کے رسول ! میں ایک ایسا آدمی ہوں جو مسلسل روزے رکھتا ہو ، تو کیا سفر میں بھی روزہ رکھ سکتا ہوں ؟ آپ صلی اللہ علیہ وسلم نے فرمایا : ” اگر چاہو تو رکھو اور اگر چاہو تو نہ رکھو “ ۔ [سنن نسائي/حدیث: 2386]

عمرو بن شرجبیل ایک صحابی رضی الله عنہ سے روایت کرتے ہیں کہ نبی اکرم صلی اللہ علیہ وسلم سے عرض کیا گیا : ایک آدمی ہے جو ہمیشہ روزے رکھتا ہے ؟ آپ نے فرمایا : ” میری خواہش ہے کہ وہ کبھی کھاتا ہی نہیں “ ۱؎ ، لوگوں نے عرض کیا : دو تہائی ایام رکھے تو ؟ ۲؎ آپ صلی اللہ علیہ وسلم نے فرمایا : ” یہ بھی زیادہ ہے “ ، لوگوں نے عرض کیا : اور آدھا رکھے تو ؟ ۳؎ آپ صلی اللہ علیہ وسلم نے فرمایا : ” یہ بھی زیادہ ہے “ ، پھر آپ صلی اللہ علیہ وسلم نے فرمایا : ” کیا میں تمہیں اتنے روزوں نہ بتاؤں جو سینے کی سوزش کو ختم کر دیں ، یہ ہر مہینے کے تین دن کے روزے ہیں “ ۔ [سنن نسائي/حدیث: 2387]

عمرو بن شرحبیل کہتے ہیں کہ ایک شخص رسول اللہ صلی اللہ علیہ وسلم کے پاس آیا اور کہنے لگا : اللہ کے رسول ! آپ اس شخص کے بارے میں کیا فرماتے ہیں جو صیام الدھر رکھے ؟ تو رسول اللہ صلی اللہ علیہ وسلم نے فرمایا : ” میں تو یہ چاہوں گا کہ کبھی کچھ کھائے ہی نہ “ ، اس نے کہا : اس کا دو تہائی رکھے تو ؟ آپ نے فرمایا : ” زیادہ ہے “ ، اس نے کہا : آدھے ایام رکھے تو ؟ آپ نے فرمایا : ” زیادہ ہے “ ، پھر آپ نے فرمایا : ” کیا میں تمہیں وہ چیز نہ بتاؤں جو سینے کی سوزش کو ختم کر دے “ ، لوگوں نے کہا : جی ہاں ( ضرور بتائیے ) آپ نے فرمایا : ” یہ ہر مہینے میں تین دن کا روزہ ہے “ ۔ [سنن نسائي/حدیث: 2388]

ابوقتادہ رضی الله عنہ کہتے ہیں کہ عمر رضی اللہ عنہ نے عرض کیا : اللہ کے رسول ! اس شخص کا معاملہ کیسا ہے جو صیام الدھر رکھتا ہو ؟ آپ نے فرمایا : ” اس نے نہ روزے رکھے ، اور نہ ہی افطار کیا “ ۔ ( راوی کو شک ہے «لاصيام ولا أفطر» کہا ، یا «لم يصم ولم يفطر» کہا ، انہوں نے عرض کیا : اللہ کے رسول ! اس شخص کا معاملہ کیسا ہے جو دو دن روزہ رکھتا ہے اور ایک دن افطار کرتا ہے ؟ آپ نے فرمایا : ” کیا اس کی کوئی طاقت رکھتا ہے ؟ “ انہوں نے عرض کیا : ( اچھا ) اس شخص کا معاملہ کیسا ہے جو ایک دن روزہ رکھتا ہے اور ایک دن افطار کرتا ہے ؟ آپ نے فرمایا : ” یہ داود علیہ السلام کا روزہ ہے “ ، انہوں نے کہا : اس شخص کا معاملہ کیسا ہے جو ایک دن روزہ رکھے اور دو دن افطار کرے ؟ آپ نے فرمایا : ” میری خواہش ہے کہ میں اس کی طاقت رکھوں “ ، پھر آپ صلی اللہ علیہ وسلم نے فرمایا : ” ہر مہینے میں تین دن روزہ رکھنا ، اور رمضان کے روزے رکھنا یہی صیام الدھر ہے “ ۔ [سنن نسائي/حدیث: 2389]

عبداللہ بن عمرو رضی الله عنہما کہتے ہیں کہ رسول اللہ صلی اللہ علیہ وسلم نے فرمایا : ” روزوں میں سب سے افضل داود علیہ السلام کے روزے ہیں ، وہ ایک دن روزہ رکھتے ، اور ایک دن افطار کرتے “ ۔ [سنن نسائي/حدیث: 2390]

مجاہد کہتے ہیں کہ مجھ سے عبداللہ بن عمرو رضی اللہ عنہما نے کہا : میرے والد نے میری شادی ایک اچھے خاندان والی عورت سے کر دی ، چنانچہ وہ اس کے پاس آتے ، اور اس سے اس کے شوہر کے بارے میں پوچھتے ، تو ( ایک دن ) اس نے کہا : یہ بہترین آدمی ہیں ایسے آدمی ہیں کہ جب سے میں ان کے پاس آئی ہوں ، انہوں نے نہ ہمارا بستر روندا ہے اور نہ ہم سے بغل گیر ہوئے ہیں ، عمرو بن العاص رضی اللہ عنہ نے اس کا ذکر نبی اکرم صلی اللہ علیہ وسلم سے کیا تو آپ نے فرمایا : ” اسے میرے پاس لے کر آؤ “ ، میں والد کے ساتھ آپ صلی اللہ علیہ وسلم کے پاس حاضر ہوا ، تو آپ نے پوچھا : ” تم کس طرح روزے رکھتے ہو ؟ “ میں نے عرض کیا : ہر روز ، آپ نے فرمایا : ” ہفتہ میں تین دن روزے رکھا کرو “ ، میں نے کہا : میں اس سے زیادہ کی طاقت رکھتا ہوں ، آپ نے فرمایا : ” اچھا دو دن روزہ رہا کرو اور ایک دن افطار کرو “ ، میں نے کہا : میں اس سے زیادہ کی طاقت رکھتا ہوں ، آپ صلی اللہ علیہ وسلم نے فرمایا : ” اچھا سب سے افضل روزے رکھے کرو جو داود علیہ السلام کے روزے ہیں ، ایک دن روزہ اور ایک دن افطار “ ۔ [سنن نسائي/حدیث: 2391]

عبداللہ بن عمرو رضی الله عنہما کہتے ہیں کہ میرے والد نے میری شادی ایک عورت سے کر دی ، وہ اس سے ملاقات کے لیے آئے ، تو اس سے پوچھا : تم نے اپنے شوہر کو کیسا پایا ؟ اس نے کہا : کیا ہی بہترین آدمی ہیں نہ رات میں سوتے ہیں اور نہ دن میں کھاتے پیتے ہیں ، ۱؎ تو انہوں نے مجھے سخت سست کہا اور بولے : میں نے تیری شادی ایک مسلمان لڑکی سے کی ہے ، اور تو اسے چھوڑے رکھے ہے ۔ میں نے ان کی بات پر دھیان نہیں دیا اس لیے کہ میں اپنے اندر قوت اور ( نیکیوں میں ) آگے بڑھنے کی صلاحیت پاتا تھا ، یہ بات نبی اکرم صلی اللہ علیہ وسلم تک پہنچی تو آپ نے فرمایا : ” میں رات میں قیام بھی کرتا ہوں اور سوتا بھی ہوں ، روزہ بھی رکھتا ہوں اور کھاتا پیتا بھی ہوں ، تو تم بھی قیام کرو اور سوؤ بھی ۔ اور روزہ رکھو اور افطار بھی کرو ، ہر مہینے میں تین دن روزہ رکھا کرو “ میں نے کہا : میں اس سے زیادہ کی طاقت رکھتا ہوں ، آپ نے فرمایا : ” تو پھر تم «صیام داودی» رکھا کرو ، ایک دن روزہ رکھو اور ایک دن کھاؤ پیو “ ، میں نے عرض کیا : میں اس سے بھی زیادہ کی طاقت رکھتا ہوں ، آپ نے فرمایا : ” ہر مہینہ ایک مرتبہ قرآن پڑھا کرو “ ، پھر آپ ( کم کرتے کرتے ) پندرہ دن پر آ کر ٹھہر گئے ، اور میں کہتا ہی رہا کہ میں اس سے زیادہ کی طاقت رکھتا ہوں ۔ [سنن نسائي/حدیث: 2392]

عبداللہ بن عمرو رضی الله عنہما کہتے ہیں کہ رسول اللہ صلی اللہ علیہ وسلم میرے حجرے میں داخل ہوئے اور فرمایا : ” کیا مجھے یہ خبر نہیں ملی ہے کہ تم رات میں قیام کرتے ہو اور دن میں روزہ رکھتے ہو ؟ “ انہوں نے کہا : کیوں نہیں ، ہاں ایسا ہی ہے ۔ آپ نے فرمایا : ” تم ایسا ہرگز نہ کرو ، سوؤ بھی اور قیام بھی کرو ، روزہ سے بھی رہو اور کھاؤ پیو بھی ، کیونکہ تمہاری آنکھ کا تم پر حق ہے ، اور تمہارے بدن کا تم پر حق ہے ، تمہاری بیوی کا تم پر حق ہے ، تمہارے مہمان کا تم پر حق ہے ، اور تمہارے دوست کا تم پر حق ہے ، توقع ہے کہ تمہاری عمر لمبی ہو ، تمہارے لیے بس اتنا کافی ہے کہ ہر مہینے میں تین دن روزہ رکھا کرو ، یہی صیام الدھر ہو گا کیونکہ نیکی کا ثواب دس گنا ہوتا ہے ، میں نے عرض کیا : میں اپنے اندر طاقت پاتا ہوں ، تو میں نے سختی چاہی تو مجھ پر سختی کر دی گئی ، آپ نے فرمایا : ” ہر ہفتے تین دن روزہ رکھا کرو “ ، میں نے عرض کیا : میں اس سے زیادہ کی طاقت رکھتا ہوں ، تو میں نے سختی چاہی تو مجھ پر سختی کر دی گئی ، آپ نے فرمایا : ” تم اللہ کے نبی داود علیہ السلام کے روزے رکھو “ ، میں نے کہا : داود علیہ السلام کا روزہ کیا ہے ؟ آپ نے فرمایا : ” ایک دن روزہ ایک دن افطار “ ۔ [سنن نسائي/حدیث: 2393]

عبداللہ بن عمرو بن العاص رضی الله عنہما کہتے ہیں کہ رسول اللہ صلی اللہ علیہ وسلم سے ذکر کیا گیا کہ میں کہتا ہوں کہ میں جب تک زندہ رہوں گا ہمیشہ رات کو قیام کروں گا ، اور دن کو روزہ رکھا کروں گا ، تو رسول اللہ صلی اللہ علیہ وسلم نے پوچھا : تم ایسا کہتے ہو ؟ میں نے آپ سے عرض کیا : اللہ کے رسول ! جی ہاں میں نے یہ بات کہی ہے ، آپ نے فرمایا : ” تم ایسا نہیں کر سکتے ، تم روزہ بھی رکھو اور افطار بھی کرو ، سوؤ بھی اور قیام بھی کرو ، اور مہینے میں تین دن روزہ رکھو کیونکہ نیکی کا ثواب دس گنا ہوتا ہے ، اور یہ صیام الدھر ( پورے سال کے روزوں ) کے مثل ہے “ ، میں نے عرض کیا : میں اس سے زیادہ کی طاقت رکھتا ہوں ، آپ نے فرمایا : ” ایک دن روزہ رکھو اور دو دن افطار کرو “ ، پھر میں نے عرض کیا : اللہ کے رسول ! میں اس سے زیادہ کی طاقت رکھتا ہوں ، آپ نے فرمایا : ” اچھا ایک دن روزہ رکھو اور ایک دن افطار کرو ، یہ داود علیہ السلام کا روزہ ہے ، یہ بہت مناسب روزہ ہے “ ، میں نے کہا : میں اس سے بھی زیادہ کی طاقت رکھتا ہوں ، آپ نے فرمایا : ” اس سے بہتر کچھ نہیں “ ۔ عبداللہ بن عمرو رضی اللہ عنہما کہتے ہیں : اگر میں نے مہینے میں تین دن روزہ رکھنے کی رسول اللہ صلی اللہ علیہ وسلم کی بات قبول کر لی ہوتی تو یہ میرے اہل و عیال اور میرے مال سے میرے لیے زیادہ پسندیدہ ہوتی ۔ [سنن نسائي/حدیث: 2394]

ابوسلمہ بن عبدالرحمٰن بن عوف کہتے ہیں کہ میں عبداللہ بن عمرو رضی اللہ عنہما کے پاس آیا ۔ میں نے عرض کیا : چچا جان ! رسول اللہ صلی اللہ علیہ وسلم نے آپ سے جو کہا تھا اسے مجھ سے بیان کیجئے ۔ انہوں نے کہا : بھتیجے ! میں نے پختہ عزم کر لیا تھا کہ میں اللہ کی عبادت کے لیے بھرپور کوشش کروں گا یہاں تک کہ میں نے کہہ دیا کہ میں ہمیشہ روزہ رکھوں گا ، اور ہر روز دن و رات قرآن پڑھا کروں گا ، رسول اللہ صلی اللہ علیہ وسلم نے اسے سنا تو میرے پاس تشریف لائے یہاں تک کہ گھر کے اندر میرے پاس آئے ، پھر آپ نے فرمایا : ” مجھے یہ بات پہنچی ہے کہ تم نے کہا ہے کہ میں ہمیشہ روزہ رکھوں گا اور قرآن پڑھوں گا ؟ “ میں نے عرض کیا : ہاں اللہ کے رسول ! میں نے ایسا کہا ہے ، آپ صلی اللہ علیہ وسلم نے فرمایا : ” ایسا مت کرو ( بلکہ ) ہر مہینے تین دن روزہ رکھ لیا کرو “ ، میں نے عرض کیا : میں اس سے زیادہ رکھنے کی طاقت رکھتا ہوں ، آپ نے فرمایا : ” ہر ہفتہ سے دو دن دوشنبہ ( پیر ) اور جمعرات کو روزہ رکھ لیا کرو “ ، میں نے عرض کیا : میں اس سے بھی زیادہ رکھنے کی طاقت رکھتا ہوں ، آپ نے فرمایا : ” داود علیہ السلام کا روزہ رکھا کرو کیونکہ اللہ تعالیٰ کے نزدیک یہ سب سے زیادہ بہتر اور مناسب روزہ ہے ، وہ ایک دن روزہ رکھتے اور ایک دن افطار کرتے ، اور وہ جب وعدہ کر لیتے تو وعدہ خلافی نہیں کرتے تھے ، اور جب دشمن سے مڈبھیڑ ہوتی تھی تو بھاگتے نہیں تھے “ ۔ [سنن نسائي/حدیث: 2395]

عبداللہ بن عمرو رضی الله عنہما سے روایت ہے کہ رسول اللہ صلی اللہ علیہ وسلم نے ان سے فرمایا : ” ایک دن روزہ رکھ تمہیں باقی دنوں کا ثواب ملے گا “ ۔ انہوں نے عرض کیا : میں اس سے زیادہ کی طاقت رکھتا ہوں ، آپ نے فرمایا : ” دو دن روزہ رکھ تمہیں باقی دنوں کا اجر ملے گا “ ، انہوں نے عرض کیا : میں اس سے بھی زیادہ کی طاقت رکھتا ہوں ۔ آپ نے فرمایا : ” تین دن روزہ رکھو اور باقی دنوں کا ثواب ملے گا “ ۔ انہوں نے عرض کیا : میں اس سے بھی زیادہ کی طاقت رکھتا ہوں ، آپ نے فرمایا : ” چار دن روزہ رکھو اور تمہیں باقی دنوں کا بھی اجر ملے گا ، انہوں نے عرض کیا : میں اس سے بھی زیادہ کی طاقت رکھتا ہوں ۔ آپ نے فرمایا : تو پھر داود علیہ السلام کے روزے رکھو جو اللہ کے نزدیک سب سے افضل روزے ہیں ، وہ ایک دن روزہ رکھتے تھے اور ایک دن بغیر روزہ کے رہتے تھے “ ۔ [سنن نسائي/حدیث: 2396]

عبداللہ بن عمرو رضی الله عنہما کہتے ہیں کہ میں نے نبی اکرم صلی اللہ علیہ وسلم سے روزہ کا ذکر کیا تو آپ نے فرمایا : ” ہر دس دن پر ایک دن روزہ رکھو ، تمہیں ان باقی نو دنوں کا اجر و ثواب ملے گا “ ، میں نے عرض کیا : میں اس سے زیادہ کی طاقت رکھتا ہوں ، آپ نے فرمایا : ” ہر نو دن پر ایک دن روزہ رکھو اور تمہیں ان آٹھ دنوں کا بھی ثواب ملے گا “ ، میں نے عرض کیا : میں اس سے بھی زیادہ کی طاقت رکھتا ہوں ، آپ نے فرمایا : ” ہر آٹھ دن پر ایک دن روزہ رکھ اور تجھے باقی سات دنوں کا بھی ثواب ملے گا “ ، میں نے عرض کیا : میں اس سے بھی زیادہ کی طاقت رکھتا ہوں ، آپ برابر اسی طرح فرماتے رہے یہاں تک کہ آپ نے فرمایا : ” ایک دن روزہ رکھو اور ایک دن افطار کرو “ ۔ [سنن نسائي/حدیث: 2397]

عبداللہ بن عمرو رضی الله عنہما کہتے ہیں کہ مجھ سے رسول اللہ صلی اللہ علیہ وسلم نے فرمایا : ” ایک دن روزہ رکھ تمہیں دس دن کا ثواب ملے گا “ ، میں نے عرض کیا : میرے لیے کچھ اضافہ فرما دیجئیے ، آپ نے فرمایا : ” دو دن روزہ رکھ تمہیں نو دن کا ثواب ملے گا “ ، میں نے عرض کیا : میرے لیے کچھ اور بڑھا دیجئیے ، آپ نے فرمایا : ” تین دن روزہ رکھ لیا کرو تمہیں آٹھ دن کا ثواب ملے گا “ ۔ ثابت کہتے ہیں : میں نے مطرف سے اس کا ذکر کیا ، تو انہوں نے کہا : میں محسوس کرتا ہوں کہ وہ کام میں تو بڑھ رہے ہیں لیکن اجر میں گھٹتے جا رہے ہیں ، یہ الفاظ محمد بن اسماعیل بن ابراہیم کے ہیں ۔ [سنن نسائي/حدیث: 2398]

عبداللہ بن عمرو رضی الله عنہما کہتے ہیں کہ رسول اللہ صلی اللہ علیہ وسلم نے فرمایا : مجھے خبر ملی ہے کہ تم رات میں قیام کرتے ہو ، اور دن کو روزہ رکھتے ہو ؟ میں نے عرض کیا : اللہ کے رسول ! میں نے اس سے خیر کا ارادہ کیا ہے ، آپ نے فرمایا : ” جس نے ہمیشہ کا روزہ رکھا اس نے روزہ ہی نہیں رکھا ، لیکن میں تمہیں بتاتا ہوں کہ ہمیشہ کا روزہ کیا ہے ؟ یہ مہینہ میں صرف تین دن کا روزہ ہے “ ، میں نے عرض کیا : اللہ کے رسول ! میں اس سے زیادہ کی طاقت رکھتا ہوں ، آپ نے فرمایا : ” پانچ دن رکھ لیا کرو “ ، میں نے عرض کیا : میں اس سے بھی زیادہ کی طاقت رکھتا ہوں ، آپ نے فرمایا : ” تو دس دن رکھ لیا کرو “ ، میں نے عرض کیا : میں اس سے بھی زیادہ کی طاقت رکھتا ہوں ، آپ نے فرمایا : ” تم داود علیہ السلام کے روزے رکھا کرو “ ، وہ ایک دن روزہ رکھتے تھے اور ایک دن افطار کرتے تھے “ ۔ [سنن نسائي/حدیث: 2399]

عبداللہ بن عمرو رضی الله عنہما کہتے ہیں کہ رسول اللہ صلی اللہ علیہ وسلم نے مجھ سے فرمایا ، پھر راوی نے پوری حدیث ذکر کی ۔ [سنن نسائي/حدیث: 2400]

عبداللہ بن عمرو رضی الله عنہما کہتے ہیں کہ رسول اللہ صلی اللہ علیہ وسلم نے مجھ سے فرمایا : ” عبداللہ بن عمرو ! تم ہمیشہ روزہ رکھتے ہو اور رات میں کرتے ہو ، جب تم ایسا کرو گے تو آنکھیں اندر کو دھنس جائیں گی اور نفس تھک جائے گا ، جو ہمیشہ روزہ رہے گا اس کا روزہ نہ ہو گا ، ہر مہینے میں تین دن کا روزہ پورے سال کے روزہ کے برابر ہے “ ، میں نے عرض کیا : میں اس سے زیادہ کی طاقت رکھتا ہوں ، آپ نے فرمایا : ” صوم داود رکھو ، وہ ایک دن روزہ رکھتے تھے اور ایک دن بغیر روزہ کے رہتے تھے ، اور جب دشمن سے مڈبھیڑ ہوتی تو بھاگتے نہیں تھے “ ۔ [سنن نسائي/حدیث: 2401]

عبداللہ بن عمرو رضی الله عنہما کہتے ہیں کہ رسول اللہ صلی اللہ علیہ وسلم نے مجھ سے فرمایا : ” قرآن ایک مہینہ میں پڑھا کرو “ ، میں نے عرض کیا : میں اس سے زیادہ کی طاقت رکھتا ہوں ، اور پھر میں برابر آپ سے مطالبہ کرتا رہا ، یہاں تک کہ آپ نے فرمایا : ” پانچ دن میں پڑھا کرو ، اور مہینہ میں تین دن روزہ رکھو “ ، میں نے عرض کیا : میں اس سے زیادہ کی طاقت رکھتا ہوں ، تو میں برابر آپ سے مطالبہ کرتا رہا یہاں تک کہ آپ نے فرمایا : ” داود علیہ السلام کا روزہ رکھو ، جو اللہ تعالیٰ کو سب سے زیادہ پسند ہے ، وہ ایک دن روزہ رکھتے تھے ، اور ایک دن بغیر روزہ کے رہتے تھے “ ۔ [سنن نسائي/حدیث: 2402]

عبداللہ بن عمرو بن العاص رضی الله عنہما کہتے ہیں کہ نبی اکرم صلی اللہ علیہ وسلم کو خبر ملی کہ میں روزہ رکھتا ہوں اور مسلسل رکھتا ہوں ، اور رات میں نماز تہجد پڑھتا ہوں ، تو رسول اللہ صلی اللہ علیہ وسلم نے انہیں بلا بھیجا ، یا آپ ان سے ملے تو آپ نے فرمایا : ” کیا مجھے خبر نہیں دی گئی ہے کہ تم ( ہمیشہ ) روزہ رکھتے ہو ، اور کبھی بغیر روزہ کے نہیں رہتے ، اور رات میں تہجد کی نماز پڑھتے ہو ، تم ایسا نہ کرو کیونکہ تمہاری آنکھ کا بھی ایک حصہ ہے ، اور تمہارے نفس کا بھی ایک حصہ ہے ، تمہاری بیوی کا بھی ایک حصہ ہے ، تم روزہ بھی رکھو اور افطار بھی کرو ، نماز بھی پڑھو اور سوؤ بھی ، ہر دس دن میں ایک دن روزہ رکھو ، تمہیں باقی نو دنوں کا بھی ثواب ملے گا “ ، انہوں نے عرض کیا : اللہ کے رسول ! میں اس سے زیادہ کی طاقت رکھتا ہوں ۔ آپ نے فرمایا : ” پھر تو تم روزہ داود رکھا کرو “ ، پوچھا : اللہ کے نبی ! داود علیہ السلام کے روزہ کیسے ہوا کرتے تھے ؟ آپ نے فرمایا : ” وہ ایک دن روزہ رکھتے تھے اور ایک دن افطار کرتے تھے ، اور جب دشمن سے مڈبھیڑ ہوتی تو بھاگتے نہیں تھے “ ، انہوں نے کہا : کون ایسا کر سکتا ہے ؟ اللہ کے نبی ! ۔ [سنن نسائي/حدیث: 2403]

ابوقلابۃ ابوالملیح سے روایت کرتے ہیں کہ انہوں نے کہا : میں تمہارے والد زید کے ساتھ عبداللہ بن عمرو رضی اللہ عنہما کے پاس آیا ، تو انہوں نے بیان کیا کہ رسول اللہ صلی اللہ علیہ وسلم سے میرے روزہ کا ذکر کیا گیا تو آپ میرے پاس تشریف لائے ، میں نے آپ کے لیے چمڑے کا ایک درمیانی تکیہ لا کر رکھا جس کا بھراؤ کھجور کی پیتاں تھیں ، آپ زمین پر بیٹھ گئے ، اور تکیہ ہمارے اور آپ کے درمیان ہو گیا ۔ آپ صلی اللہ علیہ وسلم نے فرمایا : ” کیا ہر مہینے میں تین دن تمہارے روزہ کے لیے کافی نہیں ہیں ؟ “ میں نے عرض کیا : اللہ کے رسول ! ( کچھ بڑھا دیجئیے ) آپ نے فرمایا : ” پانچ دن کر لو “ ، میں نے پھر عرض کیا : اللہ کے رسول ! ( کچھ بڑھا دیجئیے ) آپ نے فرمایا : ” سات دن کر لو “ ، میں نے پھر عرض کیا : اللہ کے رسول ! کچھ اور بڑھا دیجئیے ! آپ نے فرمایا : ” نو دن “ ، میں نے پھر عرض کیا : اللہ کے رسول ! ( کچھ اور بڑھا دیجئیے ) تو نبی اکرم صلی اللہ علیہ وسلم نے فرمایا : ” گیارہ دن کر لو “ ، میں نے پھر عرض کیا : اللہ کے رسول ! ( کچھ بڑھا دیجئیے ) آپ نے فرمایا : ” داود علیہ السلام کے روزہ سے بڑھ کر کوئی روزہ نہیں ہے ، اور وہ اس طرح ہے ایک دن روزہ رکھا جائے ، اور ایک دن بغیر روزہ کے رہا جائے “ ۔ [سنن نسائي/حدیث: 2404]

عبداللہ بن عمرو رضی الله عنہما کہتے ہیں کہ رسول اللہ صلی اللہ علیہ وسلم نے مجھ سے فرمایا : ” مہینے میں ایک دن روزہ رکھو تمہیں باقی دنوں کا ثواب ملے گا “ ، میں نے عرض کیا : میں اس سے زیادہ کی طاقت رکھتا ہوں ، آپ نے فرمایا : ” دو دن رکھ لیا کر ، تجھے باقی دنوں کا ثواب مل جایا کرے گا “ ، میں نے کہا : میں اس سے زیادہ کی طاقت رکھتا ہوں ، آپ نے فرمایا : ” تو تین دن رکھ لیا کرو تمہیں باقی دنوں کا بھی اجر ملا کرے گا “ ، میں نے کہا : میں اس سے بھی زیادہ کی طاقت رکھتا ہوں ، تو آپ نے فرمایا : ” چار دن رکھ لیا کرو باقی دنوں کا بھی اجر بھی تمہیں ملا کرے گا “ ، میں نے عرض کیا : میں اس سے بھی زیادہ کی طاقت رکھتا ہوں تو رسول اللہ صلی اللہ علیہ وسلم نے فرمایا : ” سب سے افضل روزہ داود علیہ السلام کا روزہ ہے ، وہ ایک دن روزہ رکھتے تھے اور ایک دن افطار کرتے تھے “ ۔ [سنن نسائي/حدیث: 2405]

ابوذر رضی الله عنہ کہتے ہیں کہ میرے حبیب صلی اللہ علیہ وسلم نے مجھے تین باتوں کی وصیت کی ہے میں انہیں ان شاءاللہ کبھی چھوڑ نہیں سکتا : آپ نے مجھے صلاۃ الضحیٰ ( چاشت کی نماز ) پڑھنے کی وصیت کی ، اور سونے سے پہلے وتر پڑھنے کی ، اور ہر مہینے تین دن روزہ رکھنے کی ۔ [سنن نسائي/حدیث: 2406]

ابوہریرہ رضی الله عنہ کہتے ہیں کہ رسول اللہ صلی اللہ علیہ وسلم نے مجھے تین چیزوں کا حکم دیا ہے : وتر پڑھ کر سونے کا ، جمعہ کے دن غسل کرنے کا ۱؎ ، اور ہر مہینے تین دن روزہ رکھنے کا ۔ [سنن نسائي/حدیث: 2407]

ابوہریرہ رضی الله عنہ کہتے ہیں کہ رسول اللہ صلی اللہ علیہ وسلم نے مجھے صلاۃ الضحیٰ ( چاشت کی نماز ) دو رکعتیں پڑھنے کا ، اور بغیر وتر پڑھے نہ سونے کا ، اور ہر مہینے تین دن روزہ رکھنے کا حکم دیا ہے ۔ [سنن نسائي/حدیث: 2408]

ابوہریرہ رضی الله عنہ کہتے ہیں کہ رسول اللہ صلی اللہ علیہ وسلم نے مجھے وتر پڑھ کر سونے ، جمعہ کے دن غسل کرنے ، اور ہر مہینے تین دن روزہ رکھنے کا حکم دیا ۔ [سنن نسائي/حدیث: 2409]

ابوعثمان سے روایت ہے کہ ابوہریرہ رضی اللہ عنہ کہتے ہیں کہ میں نے رسول اللہ صلی اللہ علیہ وسلم کو کہتے ہوئے سنا : ” صبر کے مہینے کے ، اور ہر مہینے سے تین دن کے روزے صوم الدهر ہیں “ ۔ [سنن نسائي/حدیث: 2410]

ابوذر رضی الله عنہ کہتے ہیں کہ رسول اللہ صلی اللہ علیہ وسلم نے فرمایا : ” جس نے مہینے کے تین دن روزہ رکھے تو گویا اس نے صوم الدهر رکھے “ ، پھر آپ نے فرمایا : ” اللہ تعالیٰ نے اپنی کتاب میں سچ فرمایا ہے : «من جاء بالحسنة فله عشر أمثالها» ” جو کوئی ایک نیکی لائے گا اسے دس گنا ثواب ملے گا “ ( الانعام : ۱۶۰ ) ۔ [سنن نسائي/حدیث: 2411]

ابوعثمان ایک شخص سے روایت کرتے ہیں کہ ابوذر رضی اللہ عنہ کہتے ہیں کہ میں نے رسول اللہ صلی اللہ علیہ وسلم کو فرماتے سنا : ” جس نے ہر مہینے میں تین روزہ رکھے تو اس نے ( گویا ) پورے مہینے کے روزہ رکھے “ ، یا یہ ( فرمایا ) : ” اس کے لیے پورے مہینے کے روزہ کا ثواب ہے “ ، عاصم راوی کو یہاں شک ہوا ہے ۔ [سنن نسائي/حدیث: 2412]

عثمان بن ابی العاص رضی الله عنہ کہتے ہیں کہ میں نے رسول اللہ صلی اللہ علیہ وسلم کو فرماتے ہوئے سنا : ” ہر مہینے کے تین دن کے روزہ بہترین روزہ ہیں “ ۔ [سنن نسائي/حدیث: 2413]

اس سند سے سعید بن ابی ہند نے روایت کی ہے کہ عثمان بن ابی العاص رضی اللہ عنہ نے اسی طرح کہا ہے ، اور یہ مرسل ہے ۔ [سنن نسائي/حدیث: 2414]

عبداللہ بن عمر رضی الله عنہما کہتے ہیں کہ نبی اکرم صلی اللہ علیہ وسلم ہر مہینے میں تین دن روزہ رکھتے تھے ۔ [سنن نسائي/حدیث: 2415]

عبداللہ بن عمر رضی الله عنہما سے روایت ہے کہ رسول اللہ صلی اللہ علیہ وسلم ہر مہینے تین دن روزے رکھتے تھے ، مہینے کے پہلے دوشنبہ ( پیر ) کو ، اور اس کے بعد کے قریبی جمعرات کو ، پھر اس کے بعد کے جمعرات کو ۔ [سنن نسائي/حدیث: 2416]

ہنیدہ خزاعی کہتے ہیں کہ میں ام المؤمنین کے پاس آیا ، اور میں نے انہیں کہتے ہوئے سنا کہ رسول اللہ صلی اللہ علیہ وسلم ہر مہینے تین دن روزہ رکھتے تھے ۔ مہینے کے پہلے کہ دوشنبہ ( پیر ) کو ، پھر جمعرات کو ، پھر اس کے بعد کے آنے والے جمعرات کو ۔ [سنن نسائي/حدیث: 2417]

ام المؤمنین حفصہ رضی الله عنہا کہتی ہیں کہ چار باتیں ایسی ہیں جنہیں نبی اکرم صلی اللہ علیہ وسلم نہیں چھوڑتے تھے : ۱- عاشوراء کے روزے کو ۲- ذی الحجہ کے پہلے عشرہ کے روزے کو ۱؎ ۳- ہر مہینہ کے تین روزے ۴- اور فجر سے پہلے کی دونوں رکعتوں کو ۔ [سنن نسائي/حدیث: 2418]

نبی اکرم صلی اللہ علیہ وسلم کی بعض بیویوں سے روایت ہے کہ رسول اللہ صلی اللہ علیہ وسلم ذی الحجہ کے نو روزے ، عاشوراء کے دن ( یعنی دسویں محرم کو ) اور ہر مہینے میں تین روزے رکھتے ۱؎ ہر مہینہ کے پہلے دوشنبہ ( پیر ) کو ، اور دوسرا اس کے بعد والی جمعرات کو ، پھر اس کے بعد والی جمعرات کو ۔ [سنن نسائي/حدیث: 2419]

نبی اکرم صلی اللہ علیہ وسلم کی ایک بیوی کہتی ہیں کہ نبی اکرم صلی اللہ علیہ وسلم ( ذی الحجہ کے پہلے ) عشرہ میں روزے رکھتے تھے ، اور ہر مہینہ میں تین دن : دوشنبہ ( پیر ) اور ( دو ) جمعرات کو ۔ [سنن نسائي/حدیث: 2420]

ام المؤمنین ام سلمہ رضی الله عنہا کہتی ہیں کہ رسول اللہ صلی اللہ علیہ وسلم ہر مہینے میں تین دن ۔ ہر مہینے کی پہلی جمعرات کو ، اور دو اس کے بعد والے دو شنبہ ( پیر ) کو پھر اس کے بعد والے دوشنبہ ( پیر ) کو روزے رکھنے کا حکم دیتے تھے ۱؎ ۔ [سنن نسائي/حدیث: 2421]

جریر بن عبداللہ رضی الله عنہما کہتے ہیں کہ نبی اکرم صلی اللہ علیہ وسلم نے فرمایا : ” ہر مہینے میں تین دن کا روزے پورے سال کا روزے ہے “ ( یعنی ایام بیض کے روزے ) اور ایام بیض ( چاند کی ) تیرہویں چودہویں اور پندرہویں راتیں ہیں ۱؎ ۔ [سنن نسائي/حدیث: 2422]

ابوہریرہ رضی الله عنہ کہتے ہیں کہ ایک اعرابی رسول اللہ صلی اللہ علیہ وسلم کے پاس ایک بھنا ہوا خرگوش لے کر آیا ، اور اسے آپ کے سامنے رکھ دیا ، تو رسول اللہ صلی اللہ علیہ وسلم نے اپنے آپ کو روکے رکھا خود نہیں کھایا ، اور لوگوں کو حکم دیا کہ وہ کھا لیں ، اور اعرابی ( دیہاتی ) بھی رکا رہا ، تو نبی اکرم صلی اللہ علیہ وسلم نے اعرابی ( دیہاتی ) سے پوچھا : ” تم کیوں نہیں کھا رہے ہو ؟ “ اس نے کہا : میں مہینے میں ہر تین دن روزے رکھتا ہوں ، آپ نے فرمایا : ” اگر تم روزے رکھتے ہو تو ان دنوں میں رکھو جن میں راتیں روشن رہتی ہیں “ ۱؎ ۔ [سنن نسائي/حدیث: 2423]

ابوذر رضی الله عنہ کہتے ہیں کہ رسول اللہ صلی اللہ علیہ وسلم نے ہمیں حکم دیا ہے کہ ہم مہینے کے تین روشن دنوں : تیرہویں ، چودہویں ، اور پندرہویں کو روزے رکھا کریں ۔ [سنن نسائي/حدیث: 2424]

ابوذر رضی الله عنہ کہتے ہیں کہ رسول اللہ صلی اللہ علیہ وسلم نے ہمیں حکم دیا ہے کہ ہم ہر مہینے کے ایام بیض یعنی تیرہویں ، چودہویں اور پندرہویں کو روزے رکھیں ۔ [سنن نسائي/حدیث: 2425]

موسیٰ بن طلحہ کہتے ہیں کہ میں نے ابوذر رضی اللہ عنہ کو مقام ربذہ میں کہتے سنا کہ رسول اللہ صلی اللہ علیہ وسلم نے مجھ سے فرمایا : ” جب تم مہینے میں کچھ دن روزے رکھو تو تیرہویں ، چودہویں ، اور پندرہویں کو رکھو “ ۔ [سنن نسائي/حدیث: 2426]

ابوذر رضی الله عنہ سے روایت ہے کہ نبی اکرم صلی اللہ علیہ وسلم نے ایک شخص سے فرمایا : ” تم تیرہویں ، چودہویں اور پندرہویں کے روزے کو اپنے اوپر لازم کر لو “ ۔ ابوعبدالرحمٰن ( نسائی ) کہتے ہیں : یہاں ( راوی سے ) غلطی ہوئی ہے ، یہ بیان کی روایت نہیں ہے ۔ غالباً ایسا ہوا ہے کہ سفیان نے کہا «حدثنا اثنان» کہا ہو تو «اثنان» کا الف گر گیا پھر «ثنان» سے بیان ہو گیا ( جیسا کہ اگلی روایت میں ہے ) ۔ [سنن نسائي/حدیث: 2427]

ابوذر رضی الله عنہ سے روایت ہے کہ نبی اکرم صلی اللہ علیہ وسلم نے ایک شخص کو تیرہویں ، چودہویں ، اور پندرہویں کو روزے رکھنے کا حکم دیا ۔ [سنن نسائي/حدیث: 2428]

ابی بن کعب رضی الله عنہ کہتے ہیں کہ ایک اعرابی ( دیہاتی ) رسول اللہ صلی اللہ علیہ وسلم کے پاس آیا ، اور اس کے ساتھ ایک بھنا ہوا خرگوش اور روٹی تھی ، اس نے اسے نبی اکرم صلی اللہ علیہ وسلم کے آگے لا کر رکھا ۔ پھر اس نے کہا : میں نے دیکھا ہے کہ اسے حیض آتا ہے ، تو رسول اللہ صلی اللہ علیہ وسلم نے اپنے اصحاب سے فرمایا : ” کوئی نقصان نہیں تم سب کھاؤ “ ، اور آپ نے اعرابی ( دیہاتی ) سے فرمایا : تم بھی کھاؤ ، اس نے کہا : میں روزے سے ہوں ، آپ نے پوچھا : ” کیسا روزے ؟ “ اس نے کہا : ہر مہینے میں تین دن کا روزے ، آپ نے فرمایا : ” اگر تمہیں یہ روزے رکھنے ہیں تو روشن اور چمکدار راتوں والے دنوں یعنی تیرہویں ، چودہویں ، اور پندرہویں کو لازم پکڑو “ ۔ ابوعبدالرحمٰن ( نسائی ) کہتے ہیں : صحیح «عن ابی ذر» ہے ، قرین قیاس یہ ہے کہ «ذر» کاتبوں سے چھوٹ گیا ۔ اس طرح وہ «ابی بن کعب» ہو گیا ۔ [سنن نسائي/حدیث: 2429]

موسیٰ بن طلحہ سے روایت ہے کہ ایک شخص نبی اکرم صلی اللہ علیہ وسلم کے پاس خرگوش لے کر آیا ، آپ نے اس کی طرف ہاتھ بڑھایا ہی تھا کہ اس کے لانے والے نے کہا : میں نے اس کے ساتھ خون ( حیض ) دیکھا تھا ( یہ سن کر ) رسول اللہ صلی اللہ علیہ وسلم نے اپنا ہاتھ روک لیا ، اور لوگوں کو حکم دیا کہ وہ کھا لیں ، ایک آدمی لوگوں سے الگ تھلگ بیٹھا ہوا تھا ، تو نبی اکرم صلی اللہ علیہ وسلم نے اس سے پوچھا : ” کیا بات ہے ، تم الگ تھلگ کیوں بیٹھے ہو ؟ “ اس نے کہا : میں روزے سے ہوں ، آپ نے فرمایا : ” پھر تم ایام بیض : تیرہویں ، چودہویں اور پندرہویں کو کیوں نہیں رکھتے ؟ “ ۔ [سنن نسائي/حدیث: 2430]

موسیٰ بن طلحہ کہتے ہیں کہ نبی اکرم صلی اللہ علیہ وسلم کے پاس ایک خرگوش لایا گیا جسے ایک شخص نے بھون رکھا تھا ، جب اس نے اسے آپ کے سامنے پیش کیا تو کہا : میں نے دیکھا اسے خون ( حیض ) آ رہا تھا ، رسول اللہ صلی اللہ علیہ وسلم نے اسے چھوڑ دیا ، نہیں کھایا ، اور ان لوگوں سے جو آپ کے پاس موجود تھے فرمایا : ” تم کھاؤ ، اگر مجھے اس کی خواہش ہوتی میں بھی کھاتا “ ، اور وہ شخص ( جو اسے لایا تھا ) بیٹھا ہوا تھا ، رسول اللہ صلی اللہ علیہ وسلم نے اس سے فرمایا : ” قریب آ جاؤ ، اور تم بھی لوگوں کے ساتھ کھاؤ “ ، اس نے عرض کیا : اللہ کے رسول ! میں روزے سے ہوں ، آپ نے فرمایا : ” تو تم نے بیض کے روزے کیوں نہیں رکھے ؟ “ اس نے پوچھا : وہ کیا ہیں ؟ آپ نے فرمایا : ” تیرہویں ، چودہویں اور پندرہویں کے روزے “ ۔ [سنن نسائي/حدیث: 2431]

قتادہ بن ملحان ( ابن منہال ) رضی الله عنہ سے روایت ہے کہ رسول اللہ صلی اللہ علیہ وسلم بیض کے ان تینوں دنوں کے روزے رکھنے کا حکم دیتے تھے ، اور فرماتے تھے : ” یہ مہینے بھر کے روزے کے برابر ہیں “ ۔ [سنن نسائي/حدیث: 2432]

ابوالمنہال قتادہ بن ملحان رضی الله عنہ سے روایت ہے کہ رسول اللہ صلی اللہ علیہ وسلم نے انہیں ایام بیض کے تین روزے کا حکم دیا اور فرمایا : ” یہ مہینہ بھر کے روزے کے برابر ہیں “ ۔ [سنن نسائي/حدیث: 2433]

قدامہ ( قتادہ بن ملحان ) بن ملحان رضی الله عنہ کہتے ہیں کہ رسول اللہ صلی اللہ علیہ وسلم ہمیں روشن چاندنی راتوں کے دنوں یعنی تیرہویں ، چودہویں اور پندرہویں تاریخ کو روزے رکھنے کا حکم دیتے تھے ۔ [سنن نسائي/حدیث: 2434]

ابوعقرب رضی الله عنہ کہتے ہیں کہ میں نے رسول اللہ صلی اللہ علیہ وسلم سے روزے رکھنے کے بارے پوچھا ، تو آپ نے فرمایا : ” مہینہ میں ایک دن رکھ لیا کرو “ ، میں نے عرض کیا : اللہ کے رسول ! میرے لیے کچھ بڑھا دیجئیے ، میرے لیے کچھ بڑھا دیجئیے ، آپ نے فرمایا : ” تم کہتے ہو : اللہ کے رسول ! کچھ بڑھا دیجئیے ، کچھ بڑھا دیجئیے ، تو ہر مہینے دو دن رکھ لیا کرو “ ، میں نے عرض کیا : اللہ کے رسول ! کچھ اور بڑھا دیجئیے ، کچھ اور بڑھا دیجئیے ، میں اپنے کو طاقتور پاتا ہوں ، اس پر آپ نے میری بات ” کچھ اور بڑھا دیجئیے ، کچھ اور بڑھا دیجئیے میں اپنے آپ کو طاقتور پاتا ہوں “ دہرائی پھر خاموش ہو گئے یہاں تک کہ میں نے خیال کیا کہ اب آپ مجھے لوٹا دیں گے ، پھر آپ نے فرمایا : ” ہر مہینے تین دن رکھ لیا کرو “ ۔ [سنن نسائي/حدیث: 2435]

ابوعقرب رضی الله عنہ کہتے ہیں کہ انہوں نے رسول اللہ صلی اللہ علیہ وسلم سے روزے کے بارے پوچھا ، تو آپ نے فرمایا : ” مہینہ میں ایک دن رکھ لیا کرو “ ، انہوں نے مزید کی درخواست کی اور کہا : میرے ماں باپ آپ پر قربان ہوں ، میں اپنے آپ کو طاقتور پاتا ہوں ، تو آپ نے اس میں اضافہ فرما دیا ، فرمایا : ” ہر مہینہ دو دن رکھ لیا کرو “ ، تو انہوں نے کہا : میرے ماں باپ آپ پر قربان ہوں میں اپنے آپ کو طاقتور پاتا ہوں ، تو رسول اللہ صلی اللہ علیہ وسلم نے ( میری بات ) ” میں اپنے کو طاقتور پاتا ہوں ، میں اپنے کو طاقتور پاتا ہوں “ دہرائی ، آپ اضافہ کرنے والے نہ تھے ، مگر جب انہوں نے اصرار کیا تو آپ نے فرمایا : ” ہر مہینہ تین دن رکھ لیا کرو “ ۔ [سنن نسائي/حدیث: 2436]

طلحہ بن عبیداللہ رضی الله عنہ سے روایت ہے کہ ایک اعرابی رسول اللہ صلی اللہ علیہ وسلم کے پاس پراگندہ بال آیا ، ( اور ) اس نے عرض کیا : اللہ کے رسول ! مجھے بتائیے اللہ تعالیٰ نے مجھ پر کتنی نمازیں فرض کی ہیں ؟ آپ نے فرمایا : ” پانچ ( وقت کی ) نمازیں ، اِلاَّ یہ کہ تم کچھ نفل پڑھنا چاہو “ ، پھر اس نے کہا : مجھے بتلائیے کہ اللہ تعالیٰ نے مجھ پر کتنے روزے فرض کیے ہیں ؟ آپ نے فرمایا : ” ماہ رمضان کے روزے ، اِلاَّ یہ کہ تم کچھ نفلی ( روزے ) رکھنا چاہو “ ، ( پھر ) اس نے پوچھا : مجھے بتلائیے اللہ تعالیٰ نے مجھ پر کتنی زکاۃ فرض کی ہے ؟ تو رسول اللہ صلی اللہ علیہ وسلم نے اسے اسلام کے احکام بتائے ، تو اس نے کہا : قسم ہے اس ذات کی جس نے آپ کی تکریم کی ہے ، میں کوئی نفل نہیں کروں اور نہ اللہ تعالیٰ نے مجھ پر جو فرض کیا ہے اس میں کوئی کمی کروں گا ، تو رسول اللہ صلی اللہ علیہ وسلم نے فرمایا : ” اگر اس نے سچ کہا تو یہ کامیاب ہو گیا “ ، یا کہا : ” اگر اس نے سچ کہا تو جنت میں داخل ہو گیا “ ۔ [سنن نسائي/حدیث: 2092]

انس رضی الله عنہ کہتے ہیں : ہمیں قرآن کریم میں نبی اکرم صلی اللہ علیہ وسلم سے لایعنی بات پوچھنے سے منع کیا گیا تھا ، تو ہمیں یہ بات اچھی لگتی کہ دیہاتیوں میں سے کوئی عقلمند شخص آئے ، اور آپ سے نئی نئی باتیں پوچھے ، چنانچہ ایک دیہاتی آیا ، اور کہنے لگا : اے محمد ! ہمارے پاس آپ کا قاصد آیا ، اور اس نے ہمیں بتایا کہ آپ کہتے ہیں کہ اللہ تعالیٰ نے آپ کو بھیجا ہے ؟ آپ نے فرمایا : ” اس نے سچ کہا “ ، اس نے پوچھا : آسمان کو کس نے پیدا کیا ؟ آپ نے کہا : ” اللہ تعالیٰ نے “ ( پھر ) اس نے پوچھا : زمین کو کس نے پیدا کیا ؟ آپ نے کہا : ” اللہ نے “ ( پھر ) اس نے پوچھا : اس میں پہاڑ کو کس نے نصب کیے ہیں ؟ آپ نے کہا : ” اللہ تعالیٰ نے “ ( پھر ) اس نے پوچھا : اس میں نفع بخش ( چیزیں ) کس نے بنائیں ؟ آپ نے کہا : ” اللہ تعالیٰ نے “ ( پھر ) اس نے کہا : قسم اس ذات کی جس نے آسمان اور زمین کو پیدا کیا ، اور اس میں پہاڑ نصب کیے ، اور اس میں نفع بخش ( چیزیں ) بنائیں کیا آپ کو اللہ تعالیٰ نے بھیجا ہے ؟ آپ نے کہا : ” ہاں “ ، پھر اس نے کہا : اور آپ کے قاصد نے کہا ہے کہ ہمارے اوپر ہر روز دن اور رات میں پانچ وقت کی نماز فرض ہے ؟ آپ نے فرمایا : ” اس نے سچ کہا “ ، تو اس نے کہا : قسم ہے اس ذات کی جس نے آپ کو بھیجا ! کیا اللہ تعالیٰ نے آپ کو ان ( نمازوں ) کا حکم دیا ہے ؟ آپ نے کہا : ہاں ، ( پھر ) اس نے کہا : آپ کے قاصد نے کہا ہے کہ ہم پر اپنے مالوں کی زکاۃ فرض ہے ؟ آپ نے فرمایا : اس نے سچ کہا ، ( پھر ) اس نے کہا : قسم اس ذات کی جس نے آپ کو بھیجا ! کیا آپ کو اللہ تعالیٰ نے اس کا حکم دیا ہے ؟ آپ نے کہا : ” ہاں “ ، ( پھر ) اس نے کہا : آپ کے قاصد نے کہا ہے : ہم پر ہر سال ماہ رمضان کے روزے فرض ہیں ، آپ نے کہا : ” اس نے سچ کہا “ ( پھر ) اس نے کہا : کیا اللہ تعالیٰ نے آپ کو ان ( دنوں کے روزوں ) کا حکم دیا ہے ؟ آپ نے کہا : ” ہاں “ ، ( پھر ) اس نے کہا : آپ کے قاصد نے کہا ہے : ہم میں سے جو کعبہ تک جانے کی طاقت رکھتے ہوں ، ان پر حج فرض ہے ؟ آپ نے فرمایا : ” اس نے سچ کہا “ ، اس نے کہا : قسم اس ذات کی جس نے آپ کو بھیجا ! کیا اللہ تعالیٰ نے آپ کو اس کا حکم دیا ہے ؟ آپ نے فرمایا : ” ہاں “ ، تو اس نے کہا : قسم اس ذات کی جس نے آپ کو حق کے ساتھ بھیجا فرمایا : میں ہرگز نہ اس میں کچھ بڑھاؤں گا اور نہ گھٹاؤں گا ، جب وہ لوٹا تو نبی اکرم صلی اللہ علیہ وسلم نے فرمایا : ” اگر اس نے سچ کہا ہے تو یہ ضرور جنت میں داخل ہو گا “ ۔ [سنن نسائي/حدیث: 2093]

انس بن مالک رضی الله عنہ کہتے ہیں : ہم مسجد میں بیٹھے تھے کہ اسی دوران ایک شخص اونٹ پر آیا ، اسے مسجد میں بٹھایا پھر اسے باندھا ، ( اور ) لوگوں سے پوچھا : تم میں محمد کون ہیں ؟ اور رسول اللہ صلی اللہ علیہ وسلم ان کے درمیان ٹیک لگائے بیٹھے تھے ۔ تو ہم نے اس سے کہا : یہ گورے چٹے آدمی ہیں ، جو ٹیک لگائے بیٹھے ہیں ، آپ کو پکار کر اس شخص نے کہا : اے عبدالمطلب کے بیٹے ! تو رسول اللہ صلی اللہ علیہ وسلم نے اس سے فرمایا : ” میں نے تمہاری بات سن لی “ ( کہو کیا کہنا چاہتے ہو ) اس نے کہا : محمد ! میں آپ سے کچھ پوچھنے والا ہوں ، ( اور ذرا ) سختی سے پوچھوں گا تو آپ دل میں کچھ محسوس نہ کریں ، آپ نے فرمایا : ” پوچھو جو چاہتے ہو “ ، تو اس نے کہا : میں آپ کو آپ کے ، اور آپ سے پہلے ( جو گزر چکے ہیں ) ان کے رب کی قسم دلاتا ہوں ! کیا اللہ تعالیٰ نے آپ کو تمام لوگوں کی طرف ( رسول بنا کر ) بھیجا ہے ؟ تو رسول اللہ صلی اللہ علیہ وسلم نے کہا : ” اے اللہ ! ( میری بات پر گواہ رہنا ) ہاں “ ، ( پھر ) اس نے کہا : میں اللہ کی قسم دلاتا ہوں ! کیا اللہ تعالیٰ نے آپ کو دن اور رات میں پانچ ( وقت کی ) نماز پڑھنے کا حکم دیا ہے ؟ تو رسول اللہ صلی اللہ علیہ وسلم نے فرمایا : ” اے اللہ ! ( گواہ رہنا ) ہاں “ ، ( پھر ) اس نے کہا : میں آپ کو اللہ کی قسم دلاتا ہوں ! کیا اللہ تعالیٰ نے آپ کو سال کے اس ماہ میں روزے رکھنے کا حکم دیا ہے ؟ تو رسول اللہ صلی اللہ علیہ وسلم نے فرمایا : ” اے اللہ ! ( گواہ رہنا ) ہاں ، “ ( پھر ) اس نے کہا : میں آپ کو اللہ کی قسم دلاتا ہوں ! اللہ تعالیٰ نے آپ کو مالداروں سے زکاۃ لے کر غریبوں میں تقسیم کرنے کا حکم دیا ہے ؟ تو رسول اللہ صلی اللہ علیہ وسلم نے کہا : ” اے اللہ ! ( گواہ رہنا ) ہاں “ ، تب ( اس ) شخص نے کہا : میں آپ کی لائی ہوئی ( شریعت ) پر ایمان لایا ، میں اپنی قوم کا جو میرے پیچھے ہیں قاصد ہوں ، اور میں قبیلہ بنی سعد بن بکر کا فرد ضمام بن ثعلبہ ہوں ۔ یعقوب بن ابراہیم نے حماد بن عیسیٰ کی مخالفت کی ہے ۱؎ ۔ [سنن نسائي/حدیث: 2094]

انس بن مالک رضی الله عنہ کہتے ہیں : ہم رسول اللہ صلی اللہ علیہ وسلم کے پاس مسجد میں بیٹھے تھے کہ اسی دوران ایک شخص اونٹ پر سوار آیا ، اس نے اسے مسجد میں بٹھا کر باندھا ( اور ) لوگوں سے پوچھا : تم میں محمد کون ہیں ؟ اور آپ صلی اللہ علیہ وسلم لوگوں کے درمیان ٹیک لگائے ہوئے تھے ۔ ہم نے اس سے کہا : یہ گورے چٹے آدمی ہیں جو ٹیک لگائے ہوئے ہیں ، تو ( اس ) شخص نے ( پکار کر ) آپ سے کہا : اے عبدالمطلب کے بیٹے ! تو رسول اللہ صلی اللہ علیہ وسلم نے اس سے فرمایا : ” میں نے تمہاری بات سن لی “ ، ( کہو کیا کہنا چاہتے ہو ) تو اس شخص نے کہا : اے محمد ! میں آپ سے کچھ پوچھنے والا ہوں ( اور ذرا ) سختی سے پوچھوں گا ، تو آپ صلی اللہ علیہ وسلم نے فرمایا : ” پوچھو جو تم پوچھنا چاہتے ہو “ ، تو اس آدمی نے کہا : میں آپ کو آپ کے ، اور آپ سے پہلے ( جو گزر چکے ہیں ) کے رب کی قسم دلاتا ہوں ! کیا اللہ تعالیٰ نے آپ کو تمام لوگوں کی طرف ( رسول بنا کر ) بھیجا ہے ؟ تو رسول اللہ صلی اللہ علیہ وسلم نے کہا : ” اے اللہ ! ( گواہ رہنا ) ہاں “ ، پھر اس نے کہا : میں آپ کو اللہ کی قسم دلاتا ہوں ! کیا اللہ تعالیٰ نے آپ کو سال کے اس ماہ کے روزے رکھنے کا حکم دیا ہے ؟ تو رسول اللہ صلی اللہ علیہ وسلم نے فرمایا : ” اے اللہ ! ( گواہ رہنا ! ) ہاں “ ، ( پھر ) اس نے کہا : میں آپ کو اللہ کی قسم دلاتا ہوں ، کیا اللہ تعالیٰ نے آپ کو حکم دیا ہے کہ آپ ہمارے مالداروں سے یہ صدقہ لو اور اسے ہمارے غریبوں میں تقسیم کرو ، تو رسول اللہ صلی اللہ علیہ وسلم نے فرمایا : ” اے اللہ ! ( گواہ رہنا ) ہاں “ ، تب ( اس ) شخص نے کہا : میں آپ کی لائی ہوئی ( شریعت ) پہ ایمان لایا ، میں اپنی قوم کا جو میرے پیچھے ہے قاصد ہوں ، اور میں بنی سعد بن بکر کا فرد ضمام بن ثعلبہ ہوں ۔ عبیداللہ بن عمر نے ابن عجلان کی مخالفت کی ہے ۱؎ ۔ [سنن نسائي/حدیث: 2095]

ابوہریرہ رضی الله عنہ کہتے ہیں : نبی اکرم صلی اللہ علیہ وسلم اپنے صحابہ کے ساتھ تھے کہ اسی دوران دیہاتیوں میں ایک شخص آیا ، اور اس نے پوچھا : تم میں عبدالمطلب کے بیٹے کون ہیں ؟ لوگوں نے کہا : یہ گورے رنگ والے جو تکیہ پر ٹیک لگائے ہوئے ہیں ( حمزہ کہتے ہیں : «الأمغر» سرخی مائل کو کہتے ہیں ) تو اس شخص نے کہا : میں آپ سے کچھ پوچھنے ولا ہوں ، اور پوچھنے میں آپ سے سختی کروں گا ، تو آپ صلی اللہ علیہ وسلم نے کہا : ” پوچھو جو چاہو “ ، اس نے کہا : میں آپ سے آپ کے رب کا اور آپ سے پہلے لوگوں کے رب کا اور آپ کے بعد کے لوگوں کے رب کا واسطہ دے کر پوچھتا ہوں : کیا اللہ نے آپ کو رسول بنا کر بھیجا ہے ؟ آپ صلی اللہ علیہ وسلم نے فرمایا : ” اے اللہ تو گواہ رہ ، ہاں “ ، اس نے کہا : تو میں اسی کا واسطہ دے کر آپ سے پوچھتا ہوں کیا اللہ نے آپ کو حکم دیا ہے کہ آپ روزانہ پانچ وقت کی نماز پڑھیں ؟ آپ نے کہا : ” اے اللہ تو گواہ رہ ، ہاں “ ، اس نے کہا : کیا اللہ نے آپ کو حکم دیا ہے کہ آپ ہمارے مالداروں کے مالوں میں سے ( زکاۃ ) لیں ، پھر اسے ہمارے فقیروں کو لوٹا دیں ، آپ صلی اللہ علیہ وسلم نے فرمایا : ” اے اللہ تو گواہ رہنا ، ہاں “ ، اس نے کہا : میں آپ کو اللہ کی قسم دلاتا ہوں ، کیا اللہ تعالیٰ نے آپ کو سال کے بارہ مہینوں میں سے اس مہینہ میں روزے رکھنے کا حکم دیا ہے ؟ تو آپ صلی اللہ علیہ وسلم نے کہا : ” اے اللہ تو گواہ رہنا ، ہاں “ ، اس نے کہا : میں آپ کو اللہ کی قسم دلاتا ہوں کیا اللہ تعالیٰ نے آپ حکم دیا ہے کہ جو اس خانہ کعبہ تک پہنچنے کی طاقت رکھے وہ اس کا حج کرے ؟ آپ صلی اللہ علیہ وسلم نے کہا : ” اے اللہ گواہ رہنا ہاں “ ، تب اس شخص نے کہا : میں ایمان لایا اور میں نے تصدیق کی ، میں ضمام بن ثعلبہ ہوں ۔ [سنن نسائي/حدیث: 2096]

عبداللہ بن عباس رضی الله عنہما کہتے تھے : رسول اللہ صلی اللہ علیہ وسلم لوگوں میں سب سے زیادہ سخی آدمی تھے ، اور رمضان میں جس وقت جبرائیل علیہ السلام آپ سے ملتے تھے آپ اور زیادہ سخی ہو جاتے تھے ، جبرائیل علیہ السلام آپ سے ماہ رمضان میں ہر رات ملاقات کرتے ( اور ) قرآن کا دور کراتے تھے ۔ ( راوی ) کہتے ہیں : جس وقت جبرائیل علیہ السلام رسول اللہ صلی اللہ علیہ وسلم سے ملاقات کرتے تو آپ تیز چلتی ہوئی ہوا سے بھی زیادہ سخی ہو جاتے تھے ۔ [سنن نسائي/حدیث: 2097]

ام المؤمنین عائشہ رضی الله عنہا کہتی ہیں : رسول اللہ صلی اللہ علیہ وسلم نے کوئی لعنت ایسی نہیں کی جسے ذکر کیا جائے ، ( اور ) جب جبرائیل علیہ السلام کے آپ کو قرآن دور کرانے کا زمانہ آتا تو آپ تیز چلتی ہوئی ہوا سے بھی زیادہ فیاض ہوتے ۔ ابوعبدالرحمٰن ( نسائی ) کہتے ہیں : یہ ( روایت ) غلط ہے ، اور صحیح یونس بن یزید والی حدیث ہے ( جو اوپر گزری ) راوی نے اس حدیث میں ایک ( دوسری ) حدیث داخل کر دی ہے ۔ [سنن نسائي/حدیث: 2098]

ابوہریرہ رضی الله عنہ سے روایت ہے کہ رسول اللہ صلی اللہ علیہ وسلم نے فرمایا : ” جب رمضان کا مہینہ آتا ہے تو جنت کے دروازے کھول دئیے جاتے ہیں ، جہنم کے دروازے بند کر دیے جاتے ہیں ، اور شیاطین جکڑ دئیے جاتے ہیں “ ۔ [سنن نسائي/حدیث: 2099]

ابوہریرہ رضی الله عنہ سے روایت ہے کہ رسول اللہ صلی اللہ علیہ وسلم نے فرمایا : ” جب رمضان آتا ہے تو جنت کے دروازے کھول دئیے جاتے ہیں ، جہنم کے دروازے بند کر دیے جاتے ہیں ، اور شیاطین جکڑ دئیے جاتے ہیں “ ۔ [سنن نسائي/حدیث: 2100]

ابوہریرہ رضی الله عنہ کہتے ہیں کہ رسول اللہ صلی اللہ علیہ وسلم نے فرمایا : ” جب رمضان آتا ہے تو جنت کے دروازے کھول دئیے جاتے ہیں ، جہنم کے دروازے بند کر دیے جاتے ہیں ، اور شیاطین زنجیر میں جکڑ دئیے جاتے ہیں “ ۔ [سنن نسائي/حدیث: 2101]

ابوہریرہ رضی الله عنہ کہتے ہیں کہ رسول اللہ صلی اللہ علیہ وسلم نے فرمایا : ” جب رمضان آتا ہے تو رحمت کے دروازے کھول دئیے جاتے ہیں ، جہنم کے دروازے بند کر دیے جاتے ہیں ، اور شیاطین جکڑ دئیے جاتے ہیں “ ۔ [سنن نسائي/حدیث: 2102]

ابوہریرہ رضی الله عنہ کہتے ہیں کہ رسول اللہ صلی اللہ علیہ وسلم نے فرمایا : ” جب رمضان آتا ہے تو جنت کے دروازے کھول دئیے جاتے ہیں ، جہنم کے دروازے بند کر دئیے جاتے ہیں ، اور شیاطین جکڑ دئیے جاتے ہیں “ ۔ اسے ابن اسحاق نے بھی زہری سے روایت کیا ہے ۔ [سنن نسائي/حدیث: 2103]

ابوہریرہ رضی الله عنہ کہتے ہیں کہ نبی اکرم صلی اللہ علیہ وسلم نے فرمایا : ” جب ماہ رمضان آتا ہے تو جنت کے دروازے کھول دئیے جاتے ہیں ، جہنم کے دروازے بند کر دئیے جاتے ہیں ، اور شیاطین جکڑ دئیے جاتے ہیں “ ۔ ابوعبدالرحمٰن ( نسائی ) کہتے ہیں : یہ ابن اسحاق ( والی ) حدیث غلط ہے ، اسے ابن اسحاق نے زہری سے نہیں سنا ہے ، اور صحیح ( روایت ) وہ ہے جس کا ذکر ہم ( اوپر ) کر چکے ہیں ۔ [سنن نسائي/حدیث: 2104]

انس بن مالک رضی الله عنہ سے روایت ہے کہ رسول اللہ صلی اللہ علیہ وسلم نے فرمایا : ” یہ رمضان ہے جو تمہارے پاس آپ پہنچا ہے اس میں جنت کے دروازے کھول دئیے جاتے ہیں ، جہنم کے دروازے بند کر دئیے جاتے ہیں ، اور شیاطین جکڑ دئیے جاتے ہیں “ ۔ ابوعبدالرحمٰن ( نسائی ) کہتے ہیں : یہ حدیث غلط ہے ۔ [سنن نسائي/حدیث: 2105]

ابوہریرہ رضی الله عنہ سے روایت ہے کہ نبی اکرم صلی اللہ علیہ وسلم عزیمت و تاکید بغیر واجب کئے قیام رمضان کی ترغیب دیتے تھے ، اور فرماتے تھے : ” جب رمضان آتا ہے تو جنت کے دروازے کھول دئیے جاتے ہیں ، جہنم کے دروازے بند کر دئیے جاتے ہیں ، اور اس میں شیاطین جکڑ دئیے جاتے ہیں “ ۔ ابن مبارک نے اسے مرسلاً ( منقطعاً ) روایت کیا ہے ۔ [سنن نسائي/حدیث: 2106]

ابوہریرہ رضی الله عنہ روایت کرتے ہیں کہ نبی اکرم صلی اللہ علیہ وسلم نے فرمایا : ” جب رمضان آتا ہے تو رحمت کے دروازے کھول دئیے جاتے ہیں ، جہنم کے دروازے بند کر دئیے جاتے ہیں ، اور شیاطین جکڑ دئیے جاتے ہیں “ ۔ [سنن نسائي/حدیث: 2107]

ابوہریرہ رضی الله عنہ کہتے ہیں کہ رسول اللہ صلی اللہ علیہ وسلم نے فرمایا : ” رمضان کا مبارک مہینہ تمہارے پاس آ چکا ہے ، اللہ تعالیٰ نے تم پر اس کے روزے فرض کر دیئے ہیں ، اس میں آسمان کے دروازے کھول دئیے جاتے ہیں ، جہنم کے دروازے بند کر دئیے جاتے ہیں ، اور سرکش شیاطین کو بیڑیاں پہنا دی جاتی ہیں ، اور اس میں اللہ تعالیٰ کے لیے ایک رات ایسی ہے جو ہزار مہینوں سے بہتر ہے ، جو اس کے خیر سے محروم رہا تو وہ بس محروم ہی رہا “ ۔ [سنن نسائي/حدیث: 2108]

عرفجہ کہتے ہیں کہ ہم نے عتبہ بن فرقد کی عیادت کی تو ہم نے ماہ رمضان کا تذکرہ کیا ، تو انہوں نے پوچھا : تم لوگ کیا ذکر کر رہے ہو ؟ ہم نے کہا : ماہ رمضان کا ، تو انہوں نے کہا : میں نے رسول اللہ صلی اللہ علیہ وسلم کو فرماتے سنا ہے : ” اس میں جنت کے دروازے کھول دئیے جاتے ہیں ، جہنم کے دروازے بند کر دئیے جاتے ہیں ، اور شیاطین کو بیڑیاں پہنا دی جاتی ہیں ، اور ہر رات منادی آواز لگاتا ہے : اے خیر ( بھلائی ) کے طلب گار ! خیر کے کام میں لگ جا ۱؎ ، اور اے شر ( برائی ) کے طلب گار ! برائی سے باز آ جا “ ۲؎ ۔ ابوعبدالرحمٰن ( امام نسائی ) کہتے ہیں : یہ غلط ہے ۳؎ ۔ [سنن نسائي/حدیث: 2109]

عرفجہ کہتے ہیں : میں ایک گھر میں تھا جس میں عتبہ بن فرقد بھی تھے ، میں نے ایک حدیث بیان کرنی چاہی حالانکہ صحابہ کرام رضی اللہ عنہم میں سے ایک ( صاحب وہاں ) موجود تھے گویا وہ حدیث بیان کرنے کا مجھ سے زیادہ مستحق تھے ، چنانچہ ( انہوں ) نے نبی اکرم صلی اللہ علیہ وسلم سے روایت کی کہ آپ صلی اللہ علیہ وسلم نے فرمایا : ” رمضان میں آسمان کے دروازے کھول دئیے جاتے ہیں ، جہنم کے دروازے بند کر دیئے جاتے ہیں ، اور ہر سرکش شیطان کو بیڑی لگا دی جاتی ہے ، اور پکارنے والا ہر رات پکارتا ہے : اے خیر ( بھلائی ) کے طلب گار ! نیکی میں لگا رہ ، اور اے شر ( برائی ) کے طلب گار ! باز آ جا “ ۔ [سنن نسائي/حدیث: 2110]

ابوبکرہ رضی الله عنہ روایت کرتے ہیں کہ نبی اکرم صلی اللہ علیہ وسلم نے فرمایا : ” تم میں کوئی ہرگز یہ نہ کہے کہ میں نے پورے رمضان کے روزے رکھے ، اور اس کی پوری راتوں میں قیام کیا “ ( راوی کہتے ہیں ) میں نہیں جانتا کہ آپ نے آپ اپنی تعریف کرنے کو ناپسند کیا ، یا آپ نے سمجھا ضرور کوئی نہ کوئی غفلت اور لاپرواہی ہوئی ہو گی ( پھر یہ کہنا کہ میں نے پورے رمضان میں عبادت کی کہاں صحیح ہوا ) یہ الفاظ عبیداللہ کے ہیں ۔ [سنن نسائي/حدیث: 2111]

عطا کہتے ہیں میں نے ابن عباس رضی الله عنہما کو سنا ، وہ ہمیں بتا رہے تھے کہ رسول اللہ صلی اللہ علیہ وسلم نے ایک انصاری عورت سے کہا : ” جب رمضان آئے تو اس میں عمرہ کر لو ، کیونکہ ( ماہ رمضان میں ) ایک عمرہ ایک حج کے برابر ہوتا ہے “ ۔ [سنن نسائي/حدیث: 2112]

کریب مولیٰ ابن عباس کہتے ہیں : ام فضل رضی اللہ عنہا نے انہیں معاویہ رضی اللہ عنہ کے پاس شام بھیجا ، تو میں شام آیا ، اور میں نے ان کی ضرورت پوری کی ، اور میں شام ( ہی ) میں تھا کہ رمضان کا چاند نکل آیا ، میں نے جمعہ کی رات کو چاند دیکھا ، پھر میں مہینہ کے آخری ( ایام ) میں مدینہ آ گیا ، عبداللہ بن عباس رضی اللہ عنہما نے مجھ سے ( حال چال ) پوچھا ، پھر پہلی تاریخ کے چاند کا ذکر کیا ، ( اور مجھ سے ) پوچھا : تم لوگوں نے چاند کب دیکھا ؟ تو میں نے جواب دیا : ہم نے جمعہ کی رات کو دیکھا تھا ، انہوں نے ( تاکیداً ) پوچھا : تم نے ( بھی ) اسے جمعہ کی رات کو دیکھا تھا ؟ میں نے کہا : ہاں ( میں نے بھی دیکھا تھا ) اور لوگوں نے بھی دیکھا ، تو لوگوں نے ( بھی ) روزے رکھے ، اور معاویہ رضی اللہ عنہ نے بھی ، ( تو ) انہوں نے کہا : لیکن ہم لوگوں نے ہفتے ( سنیچر ) کی رات کو دیکھا تھا ، ( لہٰذا ) ہم برابر روزہ رکھیں گے یہاں تک کہ ہم ( گنتی کے ) تیس دن پورے کر لیں ، یا ہم ( اپنا چاند ) دیکھ لیں ، تو میں نے کہا : کیا معاویہ رضی اللہ عنہ اور ان کے ساتھیوں کا چاند دیکھنا کافی نہیں ہے ؟ کہا : نہیں ! ( کیونکہ ) رسول اللہ صلی اللہ علیہ وسلم نے ہمیں ایسا ہی حکم دیا ہے ۔ [سنن نسائي/حدیث: 2113]

عبداللہ بن عباس رضی الله عنہما کہتے ہیں کہ ایک دیہاتی نبی اکرم صلی اللہ علیہ وسلم کے پاس آیا ( اور ) کہنے لگا : میں نے چاند دیکھا ہے ، تو آپ نے کہا : ” کیا تم شہادت دیتے ہو کہ اللہ کے سوا کوئی حقیقی معبود نہیں ، اور محمد اس کے بندے اور رسول ہیں ؟ “ اس نے کہا : ہاں ، تو نبی اکرم صلی اللہ علیہ وسلم نے لوگوں میں روزہ رکھنے کا اعلان کر دیا ۔ [سنن نسائي/حدیث: 2114]

عبداللہ بن عباس رضی الله عنہما کہتے ہیں کہ ایک اعرابی ( دیہاتی ) نے نبی اکرم صلی اللہ علیہ وسلم کے پاس آ کر کہا : میں نے آج رات چاند دیکھا ہے ، آپ نے پوچھا : ” کیا تم شہادت دیتے ہو کہ اللہ کے سوا کوئی معبود برحق نہیں ، اور محمد اس کے بندے اور رسول ہیں ؟ “ اس نے کہا : ہاں ، تو آپ نے فرمایا : ” بلال ! لوگوں میں اعلان کر دو کہ کل سے روزے رکھیں “ ۔ [سنن نسائي/حدیث: 2115]

اس سند سے عکرمہ سے یہ حدیث مرسلاً مروی ہے ۔ [سنن نسائي/حدیث: 2116]

اس سند سے بھی عکرمہ سے یہ حدیث مرسلاً مروی ہے ۔ [سنن نسائي/حدیث: 2117]

عبدالرحمٰن بن زید بن خطاب سے روایت ہے کہ انہوں نے ایک ایسے دن میں جس میں شک تھا ( کہ رمضان کی پہلی تاریخ ہے یا شعبان کی آخری ) لوگوں سے خطاب کیا تو کہا : سنو ! میں نے رسول اللہ صلی اللہ علیہ وسلم کے صحابہ کی ہم نشینی کی ، اور میں ان کے ساتھ بیٹھا تو میں نے ان سے سوالات کئے ، اور انہوں نے مجھ سے بیان کیا کہ رسول اللہ صلی اللہ علیہ وسلم نے فرمایا : ” تم چاند دیکھ کر روزہ رکھو ، اور چاند دیکھ کر افطار کرو ، اور اسی طرح حج بھی کرو ، اور اگر تم پر مطلع ابر آلود ہو تو تیس ( کی گنتی ) پوری کرو ، ( اور ) اگر دو گواہ ( چاند دیکھنے کی ) شہادت دے دیں تو روزے رکھو ، اور افطار ( یعنی عید ) کرو “ ۔ [سنن نسائي/حدیث: 2118]

ابوہریرہ رضی الله عنہ کہتے ہیں کہ رسول اللہ صلی اللہ علیہ وسلم نے فرمایا : ” چاند دیکھ کر روزے رکھو ، اور چاند دیکھ کر افطار کرو ، اگر مطلع ابر آلود ہو تو تیس ( دن ) پورے کرو “ ۱؎ ۔ [سنن نسائي/حدیث: 2119]

ابوہریرہ رضی الله عنہ کہتے ہیں کہ رسول اللہ صلی اللہ علیہ وسلم نے فرمایا : ” چاند دیکھ کر روزہ رکھو ، اور چاند دیکھ کر افطار کرو ، ( اور ) اگر مطلع تم پر بادل چھائے ہوں تو تیس دن پورے کرو “ ۔ [سنن نسائي/حدیث: 2120]

ابوہریرہ رضی الله عنہ سے روایت ہے کہ رسول اللہ صلی اللہ علیہ وسلم نے فرمایا : ” جب تم ( رمضان کا ) چاند دیکھو تو روزہ رکھو ، اور جب ( شوال کا ) چاند دیکھو تو روزہ رکھنا بند کر دو ، ( اور ) اگر تم پر مطلع ابر آلود ہو تو ( پورے ) تیس دن روزہ رکھو “ ۔ [سنن نسائي/حدیث: 2121]

عبداللہ بن عمر رضی الله عنہما کہتے ہیں کہ میں نے رسول اللہ صلی اللہ علیہ وسلم کو فرماتے سنا : ” جب تم چاند دیکھو تو روزہ رکھو ، اور جب ( شوال کا ) چاند دیکھو تو روزہ رکھنا بند کر دو ، ( اور ) اگر تم پر مطلع ابر آلود ہو تو اس کا اندازہ لگاؤ “ ۔ [سنن نسائي/حدیث: 2122]

عبداللہ بن عمر رضی الله عنہما سے روایت ہے کہ رسول اللہ صلی اللہ علیہ وسلم نے رمضان کا ذکر کیا تو فرمایا : ” تم روزہ نہ رکھو یہاں تک کہ چاند دیکھ لو ، اور روزہ رکھنا بند کرو یہاں تک کہ ( چاند ) دیکھ لو ، ( اور ) اگر فضا ابر آلود ہو تو اس کا حساب لگا لو “ ۔ [سنن نسائي/حدیث: 2123]

عبداللہ بن عمر رضی الله عنہما روایت کرتے ہیں کہ نبی اکرم صلی اللہ علیہ وسلم نے فرمایا : ” تم ( رمضان کے ) روزے نہ رکھو یہاں تک کہ ( چاند ) دیکھ لو اور نہ ہی روزے رکھنا بند کرو یہاں تک کہ ( عید الفطر کا چاند ) دیکھ لو ( اور ) اگر آسمان میں بادل ہوں تو اس ( مہینے ) کا حساب لگا لو “ ۔ [سنن نسائي/حدیث: 2124]

ابوہریرہ رضی الله عنہ کہتے ہیں کہ رسول اللہ صلی اللہ علیہ وسلم نے چاند کا ذکر کیا تو فرمایا : ” جب تم اسے ( یعنی رمضان کا چاند ) دیکھ لو تو روزہ رکھو ، اور جب اسے ( یعنی عید الفطر کا چاند ) دیکھ لو تو روزہ بند کر دو ، ( اور ) اگر آسمان میں بادل ہوں تو تیس دن پورے شمار کرو “ ۔ [سنن نسائي/حدیث: 2125]

عبداللہ بن عباس رضی الله عنہما کہتے ہیں کہ رسول اللہ صلی اللہ علیہ وسلم نے فرمایا : ” اسے ( رمضان کا چاند ) دیکھ کر روزہ رکھو ، اور اسے ( عید الفطر کا چاند ) دیکھ کر روزہ بند کرو ، ( اور ) اگر تم پر بادل چھائے ہوں تو تیس کی گنتی پوری کرو “ ۔ [سنن نسائي/حدیث: 2126]

عبداللہ بن عباس رضی الله عنہما کہتے ہیں : مجھے حیرت ہوتی ہے اس شخص پر جو مہینہ شروع ہونے سے پہلے ( ہی ) روزہ رکھنے لگتا ہے ، حالانکہ رسول اللہ صلی اللہ علیہ وسلم نے فرمایا : ” جب تم ( رمضان کا ) چاند دیکھ لو تو روزہ رکھو ، ( اسی طرح ) جب ( عید الفطر کا چاند ) دیکھ لو تو روزہ رکھنا بند کرو ، ( اور ) جب تم پر بادل چھائے ہوں تو تیس کی گنتی پوری کرو “ ۔ [سنن نسائي/حدیث: 2127]

حذیفہ بن یمان رضی الله عنہ روایت کرتے ہیں کہ رسول اللہ صلی اللہ علیہ وسلم نے فرمایا : ” تم رمضان کے مہینہ پر سبقت نہ کرو ۱؎ یہاں تک کہ ( روزہ رکھنے سے ) پہلے چاند دیکھ لو ، یا ( شعبان کی ) تیس کی تعداد پوری کر لو ، پھر روزہ رکھو ، یہاں تک کہ ( عید الفطر کا ) چاند دیکھ لو ، یا اس سے پہلے رمضان کی تیس کی تعداد پوری کر لو “ ۔ [سنن نسائي/حدیث: 2128]

ایک صحابی رسول رضی الله عنہ کہتے ہیں کہ رسول اللہ صلی اللہ علیہ وسلم نے فرمایا : ” تم رمضان کے مہینہ پر سبقت نہ کرو یہاں تک کہ شعبان کی گنتی پوری کر لو ، یا رمضان کا چاند دیکھ لو پھر روزہ رکھو ، اور نہ روزہ بند کرو یہاں تک کہ تم عید الفطر کا چاند دیکھ لو ، یا رمضان کی تیس ( دن ) کی گنتی پوری کر لو “ ۔ حجاج بن ارطاۃ نے اسے مرسلاً روایت کیا ہے ۔ [سنن نسائي/حدیث: 2129]

ربعی کہتے ہیں کہ رسول اللہ صلی اللہ علیہ وسلم نے فرمایا : ” جب تم ( رمضان کا ) چاند دیکھ لو تو روزہ رکھو ، اور جب اسے ( عید الفطر کا چاند ) دیکھ لو تو روزہ بند کر دو ، ( اور ) اگر تم پر بادل چھا جائیں تو شعبان کے تیس دن پورے کرو ، مگر یہ کہ اس سے پہلے چاند دیکھ لو ، پھر رمضان کے تیس روزے رکھو ، مگر یہ کہ اس سے پہلے چاند دیکھ لو “ ۔ [سنن نسائي/حدیث: 2130]

عبداللہ بن عباس رضی الله عنہما سے روایت ہے کہ رسول اللہ صلی اللہ علیہ وسلم نے فرمایا : اسے ( رمضان کے چاند کو ) دیکھ کر روزہ رکھو ، اور اسے ( یعنی عید الفطر کے چاند کو ) دیکھ کر روزہ بند کرو ، ( اور ) اگر تمہارے اور اس کے بیچ بدلی حائل ہو جائے تو تیس کی گنتی پوری کرو ، اور ( ایک یا دو دن پہلے سے رمضان کے ) مہینہ کا استقبال نہ کرو “ ۔ [سنن نسائي/حدیث: 2131]

عبداللہ بن عباس رضی الله عنہما کہتے ہیں کہ رسول اللہ صلی اللہ علیہ وسلم نے فرمایا : ” رمضان سے پہلے روزہ مت رکھو ، چاند دیکھ کر روزہ رکھو ، اور ( چاند ) دیکھ کر ( روزہ ) بند کرو ، ( پس ) اگر چاند سے ورے بادل حائل ہو جائے تو تیس ( دن ) پورے کرو “ ۔ [سنن نسائي/حدیث: 2132]

ام المؤمنین عائشہ رضی الله عنہا کہتی ہیں کہ رسول اللہ صلی اللہ علیہ وسلم نے قسم کھائی کہ ایک ماہ ( تک ) اپنی بیویوں کے پاس نہیں جائیں گے ، چنانچہ آپ انتیس دن ٹھہرے رہے ، تو میں نے عرض کیا : کیا آپ نے ایک مہینے کی قسم نہیں کھائی تھی ؟ میں نے شمار کیا ہے ، ابھی انتیس دن ( ہوئے ) ہیں ، تو رسول اللہ صلی اللہ علیہ وسلم نے فرمایا : ” مہینہ انتیس دن کا بھی ہوتا ہے “ ۔ [سنن نسائي/حدیث: 2133]