27: باب مَا جَاءَ فِي رُكُوبِ ثَلاَثَةٍ عَلَى دَابَّةٍ
باب: ایک سواری پر (بیک وقت) تین آدمیوں کے بیٹھنے کا بیان۔
سنن ترمذي حدیث نمبر: 2775
حدثنا عباس العنبري بن عبد العظيم، حدثنا النضر بن محمد هو الجرشي اليمامي، حدثنا عكرمة بن عمار، عن إياس بن سلمة، عن ابيه، قال: لقد قدت نبي الله صلى الله عليه وسلم والحسن، والحسين على بغلته الشهباء، حتى ادخلته حجرة النبي صلى الله عليه وسلم هذا قدامه وهذا خلفه "، وفي الباب عن ابن عباس، وعبد الله بن جعفر، قال ابو عيسى: هذا حديث حسن صحيح غريب من هذا الوجه.
سلمہ رضی الله عنہ کہتے ہیں کہ میں نبی اکرم
صلی اللہ علیہ وسلم کے شہباء نامی خچر کو جس پر آپ، اور حسن و حسین سوار تھے۔ آپ
صلی اللہ علیہ وسلم کے حجرہ کے پاس
(صحن میں) لیتا چلا گیا، یہ
(حسن) آپ کے آگے اور وہ
(حسین) آپ کے پیچھے بیٹھے تھے
۱؎۔
امام ترمذی کہتے ہیں:
۱- یہ حدیث اس سند سے حسن صحیح غریب ہے،
۲- اس میں ابن عباس اور عبداللہ بن جعفر رضی الله عنہم سے بھی احادیث آئی ہیں۔
تخریج دارالدعوہ: صحیح مسلم/فضائل الصحابة 8 (2423) (تحفة الأشراف: 518) (صحیح)
وضاحت: ۱؎: بعض احادیث سے ثابت ہے کہ آپ صلی اللہ علیہ وسلم ایک سواری پر تین آدمیوں کے بیٹھنے سے منع فرمایا ہے، اور اس حدیث میں یہ ہے کہ آپ حسن اور حسین رضی الله عنہما کے ساتھ ایک ہی سواری پر بیٹھے، منع کی صورت اس حالت سے متعلق ہے جب سواری کمزور ہو اور اگر طاقتور ہے تو پھر بیٹھنے میں کوئی حرج نہیں ہے۔
قال الشيخ الألباني: حسن
