جامع الترمذي - حدیث نمبر 1174

معاذ بن جبل رضی الله عنہ سے روایت ہے کہ نبی اکرم صلی اللہ علیہ وسلم نے فرمایا : ” جو عورت بھی اپنے شوہر کو دنیا میں تکلیف پہنچاتی ہے تو ( جنت کی ) بڑی آنکھوں والی حوروں میں سے اس کی بیوی کہتی ہے : تو اسے تکلیف نہ دے ۔ اللہ تجھے ہلاک کرے ، یہ تو ویسے بھی تیرے پاس بس مسافر ہے ، قریب ہے کہ یہ تجھے چھوڑ کر ہمارے پاس آ جائے “ ۔ © امام ترمذی کہتے ہیں : ¤ ۱- یہ حدیث حسن غریب ہے ، ہم اسے صرف اسی طریق سے جانتے ہیں ، ¤ ۲- اسماعیل بن عیاش کی روایتیں جنہیں انہوں نے اہل شام سے روایت کی ہیں بہتر ہے ، لیکن اہل حجاز اور اہل عراق سے ان کی روایتیں منکر ہیں ۔ [سنن ترمذي/حدیث: 1174]