47: بَابُ مَا جَاءَ فِي كَرَاهِيَةِ فَضْلِ طَهُورِ الْمَرْأَةِ
باب: عورت کے وضو سے بچے ہوئے پانی کی کراہت کا بیان۔
سنن ترمذي حدیث نمبر: 63
حدثنا محمود بن غيلان، قال: حدثنا وكيع، عن سفيان، عن سليمان التيمي، عن ابي حاجب، عن رجل من بني غفار، قال: " نهى رسول الله صلى الله عليه وسلم عن فضل طهور المراة ". قال: وفي الباب عن عبد الله بن سرجس. قال ابو عيسى: وكره بعض الفقهاء الوضوء بفضل طهور المراة، وهو قول احمد , وإسحاق: كرها فضل طهورها ولم يريا بفضل سؤرها باسا.
قبیلہ بنی غفار کے ایک آدمی (حکم بن عمرو) رضی الله عنہ کہتے ہیں کہ رسول اللہ صلی الله علیہ وسلم نے عورت کے وضو سے بچے ہوئے پانی سے
(وضو کرنے سے) منع فرمایا ہے۔
امام ترمذی کہتے ہیں:
۱- اس باب میں عبداللہ بن سرجس رضی الله عنہ سے بھی روایت ہے،
۲- بعض فقہاء نے عورت کے وضو سے بچے ہوئے پانی سے وضو کرنے کو مکروہ قرار دیا ہے، یہی احمد اور اسحاق بن راہویہ کا بھی قول ہے، ان دونوں نے عورت کے وضو سے بچے ہوئے پانی کو مکروہ کہا ہے لیکن اس کے جھوٹے کے استعمال میں ان دونوں نے کوئی حرج نہیں جانا۔
تخریج دارالدعوہ: سنن ابی داود/ الطہارة40 (82) سنن النسائی/المیاہ12 (345) سنن ابن ماجہ/الطہارة 34 (373) (تحفة الأشراف: 3421)، مسند احمد (4/213، 665) (صحیح)
قال الشيخ الألباني: صحيح، ابن ماجة (373)
