25: باب مَا جَاءَ فِي التَّبَاغُضِ
باب: آپس میں بغض رکھنے کی مذمت کا بیان۔
سنن ترمذي حدیث نمبر: 1937
حدثنا هناد، حدثنا ابو معاوية، عن الاعمش، عن ابي سفيان، عن جابر، قال: قال النبي صلى الله عليه وسلم: " إن الشيطان قد يئس ان يعبده المصلون ولكن في التحريش بينهم "، قال: وفي الباب عن انس، وسليمان بن عمرو بن الاحوص، عن ابيه، قال ابو عيسى: هذا حديث حسن، وابو سفيان اسمه طلحة بن نافع.
جابر رضی الله عنہ کہتے ہیں کہ نبی اکرم
صلی اللہ علیہ وسلم نے فرمایا:
”شیطان اس بات سے مایوس ہو چکا ہے کہ مصلی اس کی عبادت کریں گے، لیکن وہ ان کے درمیان جھگڑا کرانے کی کوشش میں رہتا ہے
“ ۱؎۔
امام ترمذی کہتے ہیں:
۱- یہ حدیث حسن ہے،
۲- اس باب میں انس اور
«سليمان بن عمرو بن الأحوص عن أبيه» سے بھی احادیث آئی ہیں۔
تخریج دارالدعوہ: صحیح مسلم/المنافقین 16 (2812) (تحفة الأشراف: 2302)، و مسند احمد (3/313، 354، 366، 384) (صحیح)
وضاحت: ۱؎: مفہوم یہ ہے کہ شیطان اس بات سے مایوس ہو چکا ہے کہ مسلمان مرتد ہو کر بت پرستی کریں گے، اور شیطان کو پوجیں گے، اس مایوسی کے بعد وہ مسلمانوں کو آپس میں ایک دوسرے کے خلاف اٹھ کھڑا ہونے، ان کے اندر بزدلی پیدا کرنے، جنگ وجدال اور فتنوں میں انہیں مشغول رکھنے کی کوشش میں لگا ہوا ہے۔
قال الشيخ الألباني: صحيح، الصحيحة (1606)
