67: باب مَا جَاءَ فِي أَسْمَاءِ النَّبِيِّ صَلَّى اللَّهُ عَلَيْهِ وَسَلَّمَ
باب: نبی اکرم صلی الله علیہ وسلم کے اسماء گرامی کا بیان۔
سنن ترمذي حدیث نمبر: 2840
حدثنا سعيد بن عبد الرحمن المخزومي، حدثنا سفيان، عن الزهري، عن محمد بن جبير بن مطعم، عن ابيه، قال: قال رسول الله صلى الله عليه وسلم: " إن لي اسماء انا محمد، وانا احمد، وانا الماحي الذي يمحو الله بي الكفر، وانا الحاشر الذي يحشر الناس على قدمي، وانا العاقب الذي ليس بعدي نبي "، وفي الباب، عن حذيفة، قال ابو عيسى: هذا حديث حسن صحيح.
جبیر بن مطعم رضی الله عنہ سے روایت ہے کہ رسول اللہ
صلی اللہ علیہ وسلم نے فرمایا:
”میرے کئی نام ہیں: میں محمد ہوں، میں احمد ہوں، میں وہ ماحی ہوں جس کے ذریعہ اللہ کفر کو مٹاتا ہے، میں وہ حاشر ہوں جس کے قدموں پر لوگ جمع کیے جائیں گے
۱؎ میں وہ عاقب ہوں جس کے بعد کوئی نبی نہ پیدا ہو گا
“۔
امام ترمذی کہتے ہیں:
۱- یہ حدیث حسن صحیح ہے،
۲- اس باب میں حذیفہ سے بھی روایت ہے۔
تخریج دارالدعوہ: صحیح البخاری/المناقب 17 (3532)، وتفسیر سورة الصف 1 (4896)، صحیح مسلم/الفضائل 34 (2354) (تحفة الأشراف: 3191)، و مسند احمد (4/80، 81، 84)، وسنن الدارمی/الرقاق 59 (2817) (صحیح)
وضاحت: ۱؎: یعنی میدان حشر میں لوگ میرے پیچھے ہوں گے۔
قال الشيخ الألباني: صحيح مختصر الشمائل (315) ، الروض النضير (1 / 340)
