احادیث کے تمام کتب میں حدیث تلاش کیجئیے

95: باب مَا جَاءَ فِي عُمْرَةِ رَمَضَانَ
باب: رمضان میں عمرہ کی فضیلت کا بیان۔
سنن ترمذي حدیث نمبر: 939
حدثنا نصر بن علي، حدثنا ابو احمد الزبيري، حدثنا إسرائيل، عن ابي إسحاق، عن الاسود بن يزيد، عن ابن ام معقل، عن ام معقل، عن النبي صلى الله عليه وسلم، قال: " عمرة في رمضان تعدل حجة ". وفي الباب عن ابن عباس، وجابر، وابي هريرة، وانس، ووهب بن خنبش. قال ابو عيسى: ويقال: هرم بن خنبش، قال بيان، وجابر: عن الشعبي، عن وهب بن خنبش، وقال داود الاودي: عن الشعبي، عن هرم بن خنبش، ووهب اصح، وحديث ام معقل حديث حسن غريب من هذا الوجه، وقال احمد، وإسحاق: قد ثبت عن النبي صلى الله عليه وسلم " ان عمرة في رمضان تعدل حجة "، قال إسحاق: معنى هذا الحديث مثل ما روي عن النبي صلى الله عليه وسلم، انه قال: " من قرا قل هو الله احد فقد قرا ثلث القرآن ".
ام معقل رضی الله عنہما کہتی ہیں کہ نبی اکرم صلی اللہ علیہ وسلم نے فرمایا: رمضان کا عمرہ ایک حج کے برابر ہے۔
امام ترمذی کہتے ہیں:
۱- ام معقل کی حدیث اس سند سے حسن غریب ہے،
۲- (وہب کے بجائے) ھرم بن خنبش بھی کہا جاتا ہے۔ بیان اور جابر نے یوں کہا ہے «عن الشعبي عن وهب بن خنبش» اور داود اودی نے یوں کہا ہے «عن الشعبي عن هرم بن خنبش» لیکن صحیح وہب بن خنبش ہی ہے،
۳- اس باب میں ابن عباس، جابر، ابوہریرہ، انس اور وہب بن خنبش رضی الله عنہم سے بھی احادیث آئی ہیں،
۴- احمد اور اسحاق بن راہویہ کہتے ہیں کہ نبی اکرم صلی اللہ علیہ وسلم سے ثابت ہے کہ رمضان کا عمرہ حج کے ثواب برابر ہے، اسحاق بن راہویہ کہتے ہیں کہ اس حدیث کا مفہوم بھی اس حدیث کے مفہوم کی طرح ہے جو نبی اکرم صلی اللہ علیہ وسلم سے روایت کی گئی ہے کہ جس نے سورۂ «قل هو الله أحد» پڑھی اس نے تہائی قرآن پڑھا ۱؎۔

تخریج دارالدعوہ: سنن ابن ماجہ/المناسک 45 (2993) (تحفة الأشراف: 18360) (صحیح)

وضاحت: ۱؎: یعنی مطلب یہ نہیں ہے کہ ہر اعتبار سے عمرہ حج کے برابر ہے، بلکہ صرف اجر و ثواب میں حج کے برابر ہے، ایسا نہیں کہ اس سے فریضہء حج ادا ہو جائے گا، یا نذر مانا ہوا حج پورا ہو جائے گا۔

قال الشيخ الألباني: صحيح، ابن ماجة (2993)

Share this: