51: باب مَا جَاءَ فِي صِيَامِ الْعَشْرِ
باب: ذی الحجہ کے پہلے عشرے (ابتدائی دس دن) کے روزوں کا بیان۔
سنن ترمذي حدیث نمبر: 756
حدثنا هناد، حدثنا ابو معاوية، عن الاعمش، عن إبراهيم، عن الاسود، عن عائشة، قالت: " ما رايت النبي صلى الله عليه وسلم صائما في العشر قط ". قال ابو عيسى: هكذا روى غير واحد عن الاعمش، عن إبراهيم، عن الاسود، عن عائشة، وروى الثوري وغيره هذا الحديث، عن منصور، عن إبراهيم، ان النبي صلى الله عليه وسلم " لم ير صائما في العشر ". وروى ابو الاحوص، عن منصور، عن إبراهيم، عن عائشة ولم يذكر فيه عن الاسود، وقد اختلفوا على منصور في هذا الحديث، ورواية الاعمش اصح واوصل إسنادا، قال: وسمعت محمد بن ابان، يقول: سمعت وكيعا، يقول: الاعمش احفظ لإسناد إبراهيم من منصور.
ام المؤمنین عائشہ رضی الله عنہا کہتی ہیں کہ میں نے نبی اکرم
صلی اللہ علیہ وسلم کو ذی الحجہ کے دس دنوں میں روزے رکھتے کبھی نہیں دیکھا
۱؎۔
امام ترمذی کہتے ہیں:
۱- اسی طرح کئی دوسرے لوگوں نے بھی بطریق
«الأعمش عن إبراهيم عن الأسود عن عائشة» روایت کی ہے،
۲- اور ثوری وغیرہ نے یہ حدیث بطریق
«منصور عن ابراہیم النخعی» یوں روایت کی ہے کہ نبی اکرم
صلی اللہ علیہ وسلم کو ذی الحجہ کے دس دنوں میں روزہ رکھتے نہیں دیکھا گیا،
۳- اور ابوالا ٔحوص نے بطریق
«منصور عن ابراہیم النخعی عن عائشہ» روایت کی اس میں انہوں نے اسود کے واسطے کا ذکر نہیں کیا ہے،
۴- اور لوگوں نے اس حدیث میں منصور پر اختلاف کیا ہے۔ اور اعمش کی روایت زیادہ صحیح ہے اور سند کے اعتبار سے سب سے زیادہ متصل ہے،
۵- اعمش ابراہیم نخعی کی سند کے منصور سے زیادہ یاد رکھنے والے۔
تخریج دارالدعوہ: صحیح مسلم/الاعتکاف 4 (1176)، سنن ابی داود/ الصیام 62 (2439)، سنن ابن ماجہ/الصیام 39 (1729)، (تحفة الأشراف: 15949) (صحیح)
وضاحت: ۱؎: بظاہر اس حدیث سے یہ وہم پیدا ہوتا ہے کہ ذی الحجہ کے ابتدائی دس دنوں میں روزہ رکھنا مکروہ ہے، لیکن یہ صحیح نہیں، ان دنوں میں روزہ رکھنا مستحب ہے، خاص کر یوم عرفہ کے روزہ کی بڑی فضیلت وارد ہے، ویسے بھی ان دنوں کے نیک اعمال اللہ کو بہت پسند ہیں اس لیے اس حدیث کی تاویل کی جاتی کہ نبی اکرم صلی اللہ علیہ وسلم کا ان دنوں روزہ نہ رکھنا ممکن ہے بیماری یا سفر وغیرہ کسی عارض کی وجہ سے رہا ہو، نیز عائشہ رضی الله عنہا کے نہ دیکھنے سے یہ لازم نہیں آتا کہ آپ فی الواقع روزہ نہ رکھتے رہے ہوں۔
قال الشيخ الألباني: صحيح، ابن ماجة (1729)
