11: بَابُ: حَلِّ الأَزْرَارِ
باب: گریبان کے بٹن کھلے رکھنے کا بیان۔
سنن ابن ماجه حدیث نمبر: 3578
حدثنا ابو بكر , حدثنا ابن دكين , عن زهير , عن عروة بن عبد الله بن قشير , حدثني معاوية بن قرة , عن ابيه , قال:"اتيت رسول الله صلى الله عليه وسلم فبايعته , وإن زر قميصه لمطلق", قال عروة: فما رايت معاوية ولا ابنه في شتاء ولا صيف , إلا مطلقة ازرارهما.
قرہ رضی اللہ عنہ کہتے ہیں کہ میں رسول اللہ صلی اللہ علیہ وسلم کے پاس آیا اور آپ سے بیعت کی، اس وقت آپ کے کرتے کی گھنڈیاں کھلی ہوئی تھیں، عروہ کہتے ہیں کہ میں نے معاویہ رضی اللہ عنہ اور ان کے بیٹے کو خواہ سردی ہو یا گرمی ہمیشہ اپنی گھنڈیاں (بٹن) کھولے دیکھا ۱؎۔
تخریج دارالدعوہ: سنن ابی داود/اللباس 26 (4082)، (تحفة الأشراف: 11079)، وقد أخرجہ: مسند احمد (3/434، 4/19، 5/35) (صحیح)
وضاحت: ۱؎: صحابہ کرام رضی اللہ عنہم کو چھوٹی چھوٹی سنتوں میں بھی رسول اکرم صلی اللہ علیہ وسلم کی پیروی کا کتنا خیال تھا کہ جس حال میں اور جس وضع میں آپ صلی اللہ علیہ وسلم کو دیکھا ساری عمر وہی وضع اور روش اختیار کی، آفریں ان کے جذبہ و محبت اور اتباع پر، اور کمال ایمان یہی ہے کہ عبادات اور عادات میں آپ صلی اللہ علیہ وسلم کی پیروی کی جائے، دوسری روایت میں ہے کہ آپ صلی اللہ علیہ وسلم کے کرتہ کا گربیان بیچ میں رہتا۔
قال الشيخ الألباني: صحيح
