24: 24- بَابُ الثِّيَابِ الْبِيضِ:
باب: سفید کپڑے پہننا۔
صحيح بخاري حدیث نمبر: 5826
حدثنا إسحاق بن إبراهيم الحنظلي، اخبرنا محمد بن بشر، حدثنا مسعر، عن سعد بن إبراهيم، عن ابيه، عن سعد، قال:"رايت بشمال النبي صلى الله عليه وسلم ويمينه رجلين عليهما ثياب بيض يوم احد ما رايتهما قبل ولا بعد".
ہم سے اسحاق بن ابراہیم حنظلی نے بیان کیا، کہا ہم کو محمد بن بشر نے خبر دی، کہا ہم سے معمر نے بیان کیا، ان سے سعد بن ابی وقاص رضی اللہ عنہ نے بیان کیا کہ جنگ احد کے موقع پر میں نے نبی کریم صلی اللہ علیہ وسلم کے دائیں بائیں دو آدمیوں کو (جو فرشتے تھے) دیکھا وہ سفید کپڑے پہنے ہوئے تھے میں نے انہیں نہ اس سے پہلے دیکھا اور نہ اس کے بعد کبھی دیکھا۔
