سنن النسائي - حدیث نمبر 1983

ابوامامہ بن سہل رضی الله عنہ کہتے ہیں کہ عوالی والوں ۱؎ میں سے ایک عورت بیمار ہوئی ، اور نبی اکرم صلی اللہ علیہ وسلم بیمار کی بیمار پرسی سب سے زیادہ کرتے تھے ، تو آپ نے فرمایا : ” جب یہ مر جائے تو مجھے خبر کرنا “ تو وہ رات میں مر گئی ، اور لوگوں نے اسے دفنا دیا اور نبی اکرم صلی اللہ علیہ وسلم کو خبر نہیں کیا ، جب آپ نے صبح کی تو اس کے بارے میں پوچھا ، تو لوگوں نے کہا : اللہ کے رسول ! ہم نے آپ کو بیدار کرنا مناسب نہیں سمجھا ، آپ اس کی قبر پر آئے ، اور اس پر نماز جنازہ پڑھی اور ( اس میں ) چار تکبیریں کہیں ۔ [سنن نسائي/حدیث: 1983]