سنن ابن ماجه - حدیث نمبر 2846

سلمہ بن الاکوع رضی اللہ عنہ کہتے ہیں کہ رسول اللہ صلی اللہ علیہ وسلم کے زمانہ میں ہم نے ابوبکر رضی اللہ عنہ کے ساتھ قبیلہ ہوازن سے جنگ کی ، تو ابوبکر رضی اللہ عنہ نے قبیلہ بنی فزارہ سے حاصل کی ہوئی ایک لونڈی مجھے بطور نفل ( انعام ) دی ، وہ عرب کے خوبصورت ترین لوگوں میں سے تھی ، اور پوستین پہنے ہوئی تھی ، میں نے اس کا کپڑا بھی نہیں کھولا تھا کہ مدینہ آیا ، بازار میں میری ملاقات نبی اکرم صلی اللہ علیہ وسلم سے ہوئی ، آپ صلی اللہ علیہ وسلم نے فرمایا : ” اللہ کی شان ، تمہارا باپ بھی کیا خوب آدمی تھا ! یہ لونڈی مجھے دے دو ، میں نے وہ آپ کو ہبہ کر دی ، چنانچہ آپ صلی اللہ علیہ وسلم نے وہ لونڈی ان مسلمانوں کے عوض فدیہ میں دے دی جو مکہ میں تھے ۱؎ ۔ [سنن ابن ماجه/حدیث: 2846]