34: باب التَّدَاوِي بِالرَّمَادِ
باب: راکھ سے علاج کا بیان۔
سنن ترمذي حدیث نمبر: 2085
حدثنا ابن ابي عمر، حدثنا سفيان، عن ابي حازم، قال: سئل سهل بن سعد، وانا اسمع، باي شيء دووي جرح رسول الله صلى الله عليه وسلم ؟ فقال: " ما بقي احد اعلم به مني، كان علي ياتي بالماء في ترسه، وفاطمة تغسل عنه الدم، واحرق له حصير، فحشا به جرحه "، قال ابو عيسى: هذا حديث حسن صحيح.
ابوحازم کہتے ہیں کہ سہل بن سعد رضی الله عنہ سے پوچھا گیا اور میں سن رہا تھا کہ رسول اللہ
صلی اللہ علیہ وسلم کے زخم کا کس چیز سے علاج کیا گیا؟ انہوں نے کہا: اس چیز کو مجھ سے زیادہ جاننے والا اب کوئی باقی نہیں ہے، علی رضی الله عنہ اپنی ڈھال میں پانی لا رہے تھے، جب کہ فاطمہ رضی الله عنہا آپ کے زخم سے خون دھو رہی تھیں اور میں آپ کے لیے ٹاٹ جلا رہا تھا، پھر اسی کی راکھ سے آپ کا زخم بھرا گیا۔
امام ترمذی کہتے ہیں:
یہ حدیث حسن صحیح ہے۔
تخریج دارالدعوہ: صحیح البخاری/الوضوء 72 (243)، والجھاد 80 (2903)، و 85 (2911)، و163 (3037)، والمغازي 24 (4075)، والنکاح 122 (5248)، والطب 27 (5722)، صحیح مسلم/الجھاد 37 (1790)، سنن ابن ماجہ/الطب 15 (3464) (تحفة الأشراف: 4688) (صحیح)
قال الشيخ الألباني: صحيح
