78: باب مَا جَاءَ فِي الْفِطْرِ وَالأَضْحَى مَتَى يَكُونُ
باب: عیدالفطر اور عید الاضحی کب منائی جائے؟
سنن ترمذي حدیث نمبر: 802
حدثنا يحيى بن موسى، حدثنا يحيى بن اليمان، عن معمر، عن محمد بن المنكدر، عن عائشة، قالت: قال رسول الله صلى الله عليه وسلم: " الفطر يوم يفطر الناس، والاضحى يوم يضحي الناس ". قال ابو عيسى: سالت محمدا، قلت له: محمد بن المنكدر سمع من عائشة، قال: نعم، يقول في حديثه: سمعت عائشة. قال ابو عيسى: هذا حديث حسن غريب صحيح من هذا الوجه.
ام المؤمنین عائشہ رضی الله عنہا کہتی ہیں کہ رسول اللہ
صلی اللہ علیہ وسلم نے فرمایا:
”عید الفطر کا دن وہ ہے جب لوگ عید منائیں، اور عید الاضحی کا دن وہ ہے جس دن لوگ قربانی کریں
“ ۱؎۔
امام ترمذی کہتے ہیں:
۱- یہ حدیث، اس سند سے حسن غریب صحیح ہے،
۲- میں نے محمد بن اسماعیل بخاری سے پوچھا: کیا محمد بن منکدر نے عائشہ سے سنا ہے؟ انہوں نے کہا: ہاں، وہ اپنی روایت میں کہتے ہیں: میں نے عائشہ سے سنا۔
تخریج دارالدعوہ: تفرد بہ المؤلف (تحفة الأشراف: 1760) (صحیح)
وضاحت: ۱؎: دیکھئیے حدیث رقم ۶۹۷ اور اس کا حاشیہ۔
قال الشيخ الألباني: صحيح، ابن ماجة (1660)