149: . بَابُ: مَا جَاءَ فِي الرُّخْصَةِ فِي الصَّلاَةِ بِمَكَّةَ فِي كُلِّ وَقْتٍ
باب: مکہ میں ہر وقت نماز پڑھنے کی رخصت کا بیان۔
سنن ابن ماجه حدیث نمبر: 1254
حدثنا يحيى بن حكيم ، حدثنا سفيان بن عيينة ، عن ابي الزبير ، عن عبد الله بن بابيه ، عن جبير بن مطعم ، قال: قال رسول الله صلى الله عليه وسلم: يا بني عبد مناف،"لا تمنعوا احدا طاف بهذا البيت وصلى اية ساعة شاء من الليل والنهار".
جبیر بن مطعم رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”اے بنی عبدمناف! دن و رات کے جس وقت میں جو کوئی خانہ کعبہ کا طواف کرنا یا نماز پڑھنا چاہے اسے نہ روکو“ ۱؎۔
تخریج دارالدعوہ: سنن ابی داود/المناسک 53 (1894)، سنن الترمذی/الحج 42 (868)، سنن النسائی/المواقیت 40 (586)، المناسک والحج 137 (2927)، (تحفة الأشراف: 3187)، وقد أخرجہ: مسند احمد (4/80، 81)، 84، سنن الدارمی/المناسک 79 (1967) (صحیح)
وضاحت: ۱؎: اس حدیث سے اہل حدیث اور شافعی اور احمد اور اسحاق نے مکہ کو ممانعت کی حدیثوں سے مستثنی کیا ہے، اور مسجد حرام میں ہر وقت طواف اور نماز کو جائز رکھا ہے۔
قال الشيخ الألباني: صحيح
