25: بَابُ: أَشْرَاطِ السَّاعَةِ
باب: قیامت کی نشانیوں کا بیان۔
سنن ابن ماجه حدیث نمبر: 4041
حدثنا ابو بكر بن ابي شيبة , حدثنا وكيع , عن سفيان , عن فرات القزاز , عن ابي الطفيل , عن حذيفة بن اسيد , قال: اطلع علينا النبي صلى الله عليه وسلم من غرفة ونحن نتذاكر الساعة , فقال:"لا تقوم الساعة حتى تكون عشر آيات: الدجال , والدخان , وطلوع الشمس من مغربها".
حذیفہ بن اسید رضی اللہ عنہ کہتے ہیں کہ نبی اکرم صلی اللہ علیہ وسلم نے ہماری طرف اپنے کمرے سے جھانکا، ہم لوگ آپس میں قیامت کا ذکر کر رہے تھے، تو آپ صلی اللہ علیہ وسلم نے فرمایا: ”جب تک دس نشانیاں ظاہر نہ ہو جائیں گی قیامت قائم نہ ہو گی، جن میں سے دجال، دھواں اور سورج کا پچھم سے نکلنا بھی ہے“ ۱؎۔
تخریج دارالدعوہ: صحیح مسلم/الفتن 13 (2901)، سنن ابی داود/الملاحم 12 (4311)، سنن الترمذی/الفتن 21 (2183)، (تحفة الأشراف: 3297)، وقد أخرجہ: مسند احمد (4/6، 7) (صحیح) (یہ حدیث مکرر ہے، اور بہ تمام وکمال: 4055 نمبر پر آرہی ہے)
وضاحت: ۱؎: اس روایت میں صرف تین ہی نشانیاں بیان ہوئی ہیں، یہ حدیث مختصر ہے، پوری روایت حذیفہ رضی اللہ عنہ کی ہے جسے مولف دو باب کے بعد بیان کریں گے، اس میں دس نشانیاں مذکور ہیں۔
قال الشيخ الألباني: صحيح
