25: بَابُ: أَشْرَاطِ السَّاعَةِ
باب: قیامت کی نشانیوں کا بیان۔
سنن ابن ماجه حدیث نمبر: 4040
حدثنا هناد بن السري , وابو هشام الرفاعي محمد بن يزيد , قالا: حدثنا ابو بكر بن عياش , حدثنا ابو حصين , عن ابي صالح , عن ابي هريرة , قال: قال رسول الله صلى الله عليه وسلم:"بعثت انا والساعة كهاتين"وجمع بين إصبعيه.
ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”میں اور قیامت دونوں اس طرح بھیجے گئے ہیں“، آپ نے اپنی دونوں انگلیاں ملا کر بتایا ۱؎۔
تخریج دارالدعوہ: صحیح البخاری/الرقاق 39 (6505)، (تحفة الأشراف: 12847) (صحیح)
وضاحت: ۱؎: یعنی امت محمدیہ کے بعد قیامت تک اور کوئی امت حقہ نہ ہو گی اور اسلام ہی کے خاتمہ پر دنیا کا بھی خاتمہ ہے، اس حدیث سے یہ مقصد نہیں ہے کہ مجھ میں اور قیامت میں فاصلہ نہیں ہے جیسا کہ بعضوں نے خیال کیا اور اپنے خیال کی بناء پر یہ اعتراض کیا کہ آپ صلی اللہ علیہ وسلم کو وفات کئے ہوئے چودہ سو برس سے زیادہ گزرے لیکن ابھی تک قیامت نہیں ہوئی اور نہ اس کی کوئی بڑی نشانی ظاہر ہوئی۔
قال الشيخ الألباني: صحيح
