24: باب كَيْفَ الْيَمِينُ
باب: قسم کیسے کھائی جائے؟
سنن ابي داود حدیث نمبر: 3620
حدثنا مسدد، حدثنا ابو الاحوص، حدثنا عطاء بن السائب، عن ابي يحيى، عن ابن عباس، ان النبي صلى الله عليه وسلم، قال يعني لرجل حلفه:"احلف بالله الذي لا إله إلا هو، ما له عندك شيء"، يعني للمدعي، قال ابو داود: ابو يحيى اسمه زياد كوفي ثقة.
عبداللہ بن عباس رضی اللہ عنہما کہتے ہیں کہ نبی اکرم صلی اللہ علیہ وسلم نے ایک شخص سے قسم کھلائی تو یوں فرمایا: ”اس اللہ کی قسم کھاؤ جس کے سوا کوئی بندگی کے لائق نہیں کہ تیرے پاس اس (یعنی مدعی کی) کی کوئی چیز نہیں ہے“۔ ابوداؤد کہتے ہیں: ابویحییٰ کا نام زیاد کوفی ہے اور وہ ثقہ ہیں۔
تخریج دارالدعوہ: تفرد بہ أبوداود، (تحفة الأشراف: 5431)، وقد أخرجہ: مسند احمد 1/288) (ضعیف الإسناد) (اس کے راوی عطاء اخیر عمر میں مختلط ہو گئے تھے)
قال الشيخ الألباني: ضعيف الإسناد
