28: باب فِي أَكْلِ الضَّبِّ .
باب: گوہ کھانے کا بیان۔
سنن ابي داود حدیث نمبر: 3793
حدثنا حفص بن عمر، حدثنا شعبة، عن ابي بشر، عن سعيد بن جبير، عن ابن عباس،"ان خالته اهدت إلى رسول الله صلى الله عليه وسلم سمنا واضبا واقطا، فاكل من السمن ومن الاقط، وترك الاضب تقذرا، واكل على مائدته ولو كان حراما ما اكل على مائدة رسول الله صلى الله عليه وسلم".
عبداللہ بن عباس رضی اللہ عنہما سے روایت ہے کہ ان کی خالہ نے رسول اللہ صلی اللہ علیہ وسلم کی خدمت میں گھی، گوہ اور پنیر بھیجا، آپ نے گھی اور پنیر کھایا اور گوہ کو گھن محسوس کرتے ہوئے چھوڑ دیا، اور آپ کے دستر خوان پر اسے کھایا گیا، اگر وہ حرام ہوتا تو رسول اللہ صلی اللہ علیہ وسلم کے دستر خوان پر نہیں کھایا جاتا۔
تخریج دارالدعوہ: صحیح البخاری/الہبة 7 (2575)، الأطعمة 8 (5789)، 16 (5402)، الاعتصام 24 (7358)، صحیح مسلم/الذبائح 7 (1947)، سنن النسائی/الصید 26 (4324)، (تحفة الأشراف: 5448)، وقد أخرجہ: مسند احمد (1/255، 284، 322، 329، 340، 247) (صحیح)
قال الشيخ الألباني: صحيح
