52: باب الصَّلاَةِ عَلَى مَنْ قَتَلَتْهُ الْحُدُودُ
باب: جو شخص شرعی حد میں قتل کیا جائے اس کی نماز جنازہ۔
سنن ابي داود حدیث نمبر: 3186
حدثنا ابو كامل، حدثنا ابو عوانة، عن ابي بشر، حدثني نفر من اهل البصرة، عن ابي برزة الاسلمي، ان رسول الله صلى الله عليه وسلم"لم يصل على ماعز بن مالك، ولم ينه عن الصلاة عليه".
ابوبرزہ اسلمی رضی اللہ عنہ کہتے ہیں کہ رسول اللہ صلی اللہ علیہ وسلم نے ماعز بن مالک رضی اللہ عنہ کی نماز (جنازہ) نہیں پڑھی اور نہ ہی اوروں کو ان کی نماز پڑھنے سے روکا ۱؎۔
تخریج دارالدعوہ: تفرد بہ أبو داود، (تحفة الأشراف: 11610) (حسن صحیح) (اس کی سند میں نفر من أهل البصرة مبہم رواة ہیں، لیکن یہ جماعت تابعین کثرت کی وجہ سے قابل استناد ہیں، نیز جابر کی صحیح حدیث (ابو داود حدیث نمبر (4430) سے اس کو تقویت ہے)
وضاحت: ۱؎: ماعز رضی اللہ عنہ کو رجم کیا گیا تھا، صحیح بخاری میں ہے کہ نبی اکرم صلی اللہ علیہ وسلم نے ان کی نماز جنازہ پڑھی، نیز آپ نے غامدیہ رضی اللہ عنہا پر بھی پڑھی، ان کو بھی سنگسار کیا گیا تھا)
قال الشيخ الألباني: حسن صحيح ق جابر دون قوله ولم ينه عن الصلاة عليه
قال الشيخ زبیر علی زئی في انوار الصحیفة فی احادیث ضعیفة من السنن الاربعة:
إسناده ضعيف ¤ النفر البصريون كلهم مجهولون ۔ وحديث عبدالرزاق (13339) والبخاري (6820) يغني عنه ۔
