92: باب الإِقَامَةِ بِمَكَّةَ
باب: مکہ میں اقامت کی مدت کا بیان۔
سنن ابي داود حدیث نمبر: 2022
حدثنا القعنبي، حدثنا عبد العزيز يعني الدراوردي، عن عبد الرحمن بن حميد، انه سمع عمر بن عبد العزيز يسال السائب بن يزيد: هل سمعت في الإقامة بمكة شيئا ؟ قال: اخبرني ابن الحضرمي، انه سمع رسول الله صلى الله عليه وسلم، يقول للمهاجرين:"إقامة بعد الصدر ثلاثا في الكعبة".
عبدالرحمٰن بن حمید سے روایت ہے کہ انہوں نے عمر بن عبدالعزیز کو سائب بن یزید سے پوچھتے سنا: کیا آپ نے مکہ میں رہائش اختیار کرنے کے سلسلے میں کچھ سنا ہے؟ انہوں نے کہا: مجھے ابن حضرمی نے خبر دی ہے کہ انہوں نے رسول اللہ صلی اللہ علیہ وسلم کو فرماتے سنا: ”مہاجرین کے لیے حج کے احکام سے فراغت کے بعد تین دن تک مکہ میں ٹھہرنے کی اجازت ہے ۱؎“۔
تخریج دارالدعوہ: صحیح البخاری/مناقب الأنصار 47 (3933)، صحیح مسلم/الحج 81 (1352)، سنن الترمذی/الحج 103 (949)، سنن النسائی/تقصیر الصلاة 3 (1455)، سنن ابن ماجہ/إقامة الصلاة 76 (1073)، (تحفة الأشراف: 11008)، وقد أخرجہ: مسند احمد (4/339، 5/52)، سنن الدارمی/الصلاة 18 (1247) (صحیح)
وضاحت: ۱؎: تاکہ وہ اس دوران اپنی ضرورتیں پوری کر لیں اس سے زیادہ انہیں رکنے کی اجازت نہیں کیونکہ وہ اللہ کے لئے اس شہر کو خیرباد کہہ چکے ہیں۔
قال الشيخ الألباني: صحيح
