14: باب فِي لُبْسِ الْحِبَرَةِ
باب: دھاری دار لال چادر پہننے کا بیان۔
سنن ابي داود حدیث نمبر: 4060
حدثنا هدبة بن خالد الازدي، حدثنا همام، عن قتادة، قال: قلنا لانس يعني ابن مالك"اي اللباس كان احب إلى رسول الله صلى الله عليه وسلم او اعجب إلى رسول الله صلى الله عليه وسلم ؟ قال: الحبرة".
قتادہ کہتے ہیں ہم نے انس بن مالک رضی اللہ عنہ سے پوچھا: رسول اللہ صلی اللہ علیہ وسلم کو کون سا لباس زیادہ محبوب یا زیادہ پسند تھا؟ تو انہوں نے کہا: دھاری دار یمنی چادر ۱؎۔
تخریج دارالدعوہ: صحیح البخاری/اللباس 18 (5812)، صحیح مسلم/اللباس 5 (2079)، (تحفة الأشراف: 1395)، وقد أخرجہ: سنن الترمذی/اللباس 45 (1787)، الشمائل 8 (60)، مسند احمد (3/134، 184، 251، 291) (صحیح)
وضاحت: ۱؎: «حبرہ»: یمن کے اچھے کپڑوں کو کہتے تھے، اور یہاں اس سے یمن کی لال رنگ کی خط دار چادر جو سوت یا کتان کی ہوتی تھی مرادہے، اور اس کا شمار عرب کے بہترین کپڑوں میں تھا۔
قال الشيخ الألباني: صحيح
