13: 13- بَابُ مِيرَاثِ الأَخَوَاتِ وَالإِخْوَةِ:
باب: بہنوں اور بھائیوں کی میراث کا بیان۔
صحيح بخاري حدیث نمبر: 6743
حدثنا عبد الله بن عثمان، اخبرنا عبد الله، اخبرنا شعبة، عن محمد بن المنكدر، قال: سمعت جابرا رضي الله عنه، قال:"دخل علي النبي صلى الله عليه وسلم وانا مريض، فدعا بوضوء، فتوضا ثم نضح علي من وضوئه، فافقت، فقلت: يا رسول الله، إنما لي اخوات فنزلت آية الفرائض".
ہم سے عبداللہ بن عثمان نے بیان کیا، انہوں نے کہا ہم کو عبداللہ بن مبارک نے خبر دی، کہا ہم کو شعبہ بن حجاج نے خبر دی، ان سے محمد بن منکدر نے بیان کیا، انہوں نے جابر رضی اللہ عنہ سے سنا، انہوں نے بیان کیا کہ نبی کریم صلی اللہ علیہ وسلم میرے گھر تشریف لائے اور میں بیمار تھا۔ نبی کریم صلی اللہ علیہ وسلم نے پانی منگوایا اور وضو کیا، پھر اپنے وضو کے پانی سے مجھ پر چھینٹا ڈالا تو مجھے ہوش آ گیا۔ میں نے نبی کریم صلی اللہ علیہ وسلم سے عرض کیا: یا رسول اللہ! میری بہنیں ہیں؟ اس پر میراث کی آیت نازل ہوئی۔
