121: 121- بَابُ حَدِّ إِتْمَامِ الرُّكُوعِ وَالاِعْتِدَالِ فِيهِ وَالاِطْمَأْنِينَةِ:
باب: رکوع پوری طرح کرنے کی اور اس پر اعتدال و طمانیت کی حد۔
وقال ابو حميد في اصحابه: ركع النبي صلى الله عليه وسلم، ثم هصر ظهره.
ابوحمید رضی اللہ عنہ نے اپنے ساتھیوں سے کہا کہ نبی کریم صلی اللہ علیہ وسلم نے رکوع کیا، پھر اپنی پیٹھ پوری طرح جھکا دی۔
صحيح بخاري حدیث نمبر: 792
حدثنا بدل بن المحبر، قال: حدثنا شعبة، قال: اخبرني الحكم، عن ابن ابي ليلى، عن البراء، قال:"كان ركوع النبي صلى الله عليه وسلم وسجوده وبين السجدتين، وإذا رفع راسه من الركوع ما خلا القيام والقعود قريبا من السواء".
ہم سے بدل بن محبر نے بیان کیا، انہوں نے کہا کہ ہم سے شعبہ نے بیان کیا، انہوں نے کہا کہ مجھے حکم نے ابن ابی لیلیٰ سے خبر دی، انہوں نے براء بن عازب رضی اللہ عنہ سے، انہوں نے بتلایا کہ نبی کریم صلی اللہ علیہ وسلم کے رکوع و سجود، دونوں سجدوں کے درمیان کا وقفہ اور جب رکوع سے سر اٹھاتے تو تقریباً سب برابر تھے۔ سوا قیام اور تشہد کے قعود کے۔
