21: 21- بَابُ اعْتِزَالِ الْحُيَّضِ الْمُصَلَّى:
باب: حائضہ عورتیں عیدگاہ سے علیحدہ رہیں۔
صحيح بخاري حدیث نمبر: 981
حدثنا محمد بن المثنى، قال: حدثنا ابن ابي عدي، عن ابن عون، عن محمد، قال: قالت ام عطية:"امرنا ان نخرج فنخرج الحيض والعواتق وذوات الخدور، قال ابن عون: او العواتق ذوات الخدور، فاما الحيض فيشهدن جماعة المسلمين ودعوتهم ويعتزلن مصلاهم".
ہم سے محمد بن مثنی نے بیان کیا، انہوں نے کہا کہ ہم سے محمد بن ابراہیم ابن ابی عدی نے بیان کیا، ان سے عبداللہ بن عون نے بیان کیا، ان سے محمد بن سیرین نے کہ ام عطیہ رضی اللہ عنہا نے فرمایا کہ ہمیں حکم تھا کہ حائضہ عورتوں، دوشیزاؤں اور پردہ والیوں کو عیدگاہ لے جائیں ابن عون نے کہا کہ یا (حدیث میں) پردہ والی دوشیزائیں ہے البتہ حائضہ عورتیں مسلمانوں کی جماعت اور دعاؤں میں شریک ہوں اور (نماز سے) الگ رہیں۔
