سنن النسائي

سالم بن ابی الجعد کہتے ہیں کہ ابن عباس رضی اللہ عنہما سے اس شخص کے بارے میں پوچھا گیا جس نے کسی مومن کو جان بوجھ کر قتل کیا پھر توبہ کی ، ایمان لایا ، عمل صالح کیا اور ہدایت پائی ؟ تو انہوں نے کہا : اس کی توبہ کہاں قبول ہو گی ؟ میں نے تمہارے نبی اکرم صلی اللہ علیہ وسلم کو فرماتے سنا ہے : ” مقتول ( قیامت کے روز ) قاتل کو پکڑ کر لائے گا ، اس کی رگوں سے خون بہہ رہا ہو گا ، وہ کہے گا : اے اللہ ! اس سے پوچھ ، اس نے کس جرم میں مجھے قتل کیا تھا “ ، پھر ابن عباس نے کہا : یہ حکم اللہ تعالیٰ نے نازل فرمایا اور اسے منسوخ نہیں کیا ۔ [سنن نسائي/حدیث: 4870]