سنن النسائي - حدیث نمبر 4745

انس بن مالک رضی اللہ عنہ سے روایت ہے کہ ایک یہودی نے ایک لڑکی کا زیور لے لیا ، اور پھر اس کا سر دو پتھروں کے درمیان کچل دیا ، لوگوں نے اس عورت کو اس حال میں پایا کہ اس میں کچھ جان باقی تھی ، وہ اسے لے کر لوگوں کے پاس پہنچے ، یہ پوچھتے ہوئے : کیا اس نے مارا ہے ، کیا اس نے مارا ہے ، وہ بولی : ہاں ، تو رسول اللہ صلی اللہ علیہ وسلم نے حکم دیا ، پھر اس کا بھی سر دو پتھروں کے درمیان کچل دیا گیا ۔ [سنن نسائي/حدیث: 4745]