11: باب مَا جَاءَ فِي الْجَمْعِ بَيْنَ الْحَجِّ وَالْعُمْرَةِ
باب: حج اور عمرہ کے ایک ساتھ کرنے کا بیان۔
سنن ترمذي حدیث نمبر: 821
حدثنا قتيبة، حدثنا حماد بن زيد، عن حميد، عن انس، قال: سمعت النبي صلى الله عليه وسلم، يقول: " لبيك بعمرة وحجة ". قال: وفي الباب عن عمر، وعمران بن حصين. قال ابو عيسى: حديث انس حديث حسن صحيح، وقد ذهب بعض اهل العلم إلى هذا، واختاروه من اهل الكوفة وغيرهم.
انس رضی الله عنہ کہتے ہیں کہ میں نے نبی اکرم
صلی اللہ علیہ وسلم کو
«لبيك بعمرة وحجة» فرماتے سنا
۱؎۔
امام ترمذی کہتے ہیں:
۱- انس کی حدیث حسن صحیح ہے،
۲- اس باب میں عمر اور عمران بن حصین سے بھی احادیث آئی ہیں،
۳- بعض اہل علم اسی طرف گئے ہیں، اہل کوفہ وغیرہ نے اسی کو اختیار کیا ہے۔
تخریج دارالدعوہ: تفرد بہ المؤلف (تحفة الأشراف: 611) (صحیح) وقد أخرجہ کل من: صحیح البخاری/المغازی 61 (4354)، وصحیح مسلم/الحج 27 (1232)، من غیر ھذا الطریق۔
وضاحت: ۱؎ اس کا مطلب یہ ہے کہ نبی اکرم صلی اللہ علیہ وسلم نے حج اور عمرے دونوں کا تلبیہ ایک ساتھ پکارا۔ انس رضی الله عنہ کا بیان اس بنیاد پر ہے کہ جب آپ کو حکم دیا گیا کہ حج میں عمرہ بھی شامل کر لیں تو آپ سے کہا گیا «قل عمرۃ فی حجۃ» اس بناء کے انس نے یہ روایت بیان کی۔
قال الشيخ الألباني: صحيح، ابن ماجة (2968 - 2969)
