89: بَابُ: إِيجَابِ غَسْلِ الرِّجْلَيْنِ
باب: وضو میں دونوں پاؤں کا دھونا واجب ہے۔
سنن نسائي حدیث نمبر: 110
اخبرنا قتيبة، قال: حدثنا يزيد بن زريع، عن شعبة، ح وانبانا مؤمل بن هشام، قال: حدثنا إسماعيل، عن شعبة، عن محمد بن زياد، عن ابي هريرة، قال: قال ابو القاسم صلى الله عليه وسلم"ويل للعقب من النار".
ابوہریرہ رضی اللہ عنہ کہتے ہیں کہ ابوالقاسم صلی اللہ علیہ وسلم نے فرمایا: (وضو میں) ”ایڑی دھونے میں کوتاہی کرنے والوں کے لیے جہنم کی تباہی ہے“ ۱؎۔
تخریج دارالدعوہ: صحیح البخاری/الوضوء 29 (165)، صحیح مسلم/الطہارة 9 (242)، قد أخرجہ: سنن الترمذی/الطہارة 31 (41)، سنن ابن ماجہ/فیہ 55 (453)، (تحفة الأشراف: 14381)، مسند احمد 2/231، 282، 284، 389، 406، 409، 430، 471، 482، 497، 498، سنن الدارمی/الطہارة 35 (734) (صحیح)
وضاحت: ۱؎: اس حدیث سے ان لوگوں کی تردید ہوتی ہے جو پاؤں کے مسح کو کافی سمجھتے ہیں۔
قال الشيخ الألباني: صحيح
