28: بَابُ: الْقُنُوتِ فِي صَلاَةِ الظُّهْرِ
باب: ظہر میں دعائے قنوت پڑھنے کا بیان۔
سنن نسائي حدیث نمبر: 1076
اخبرنا سليمان بن سلم البلخي، قال: حدثنا النضر، قال: انبانا هشام، عن يحيى، عن ابي سلمة، عن ابي هريرة، قال:"لاقربن لكم صلاة رسول الله صلى الله عليه وسلم قال: فكان ابو هريرة يقنت في الركعة الآخرة من صلاة الظهر وصلاة العشاء الآخرة وصلاة الصبح بعد ما يقول سمع الله لمن حمده فيدعو للمؤمنين ويلعن الكفرة".
ابوہریرہ رضی اللہ عنہ سے روایت کرتے ہیں کہ انہوں نے کہا کہ میں تمہیں رسول اللہ صلی اللہ علیہ وسلم کی نماز قریب تر کر کے دکھاؤں گا، چنانچہ ابوہریرہ رضی اللہ عنہ «سمع اللہ لمن حمده» کہنے کے بعد ظہر کی آخری رکعت میں اور عشاء میں، اور فجر میں دعائے قنوت پڑھتے، تو مومنوں کے لیے دعا کرتے اور کافروں پر لعنت بھیجتے تھے۔
تخریج دارالدعوہ: صحیح البخاری/الأذان 126 (797)، صحیح مسلم/المساجد 54 (676)، سنن ابی داود/الصلاة 345 (1440)، (تحفة الأشراف: 15421)، مسند احمد 2/255، 337، 470 (صحیح)
قال الشيخ الألباني: صحيح
