79: بَابُ: بَيْعِ الْمَغَانِمِ قَبْلَ أَنْ تُقْسَمَ
باب: تقسیم سے پہلے مال غنیمت بیچنے کا بیان۔
سنن نسائي حدیث نمبر: 4649
اخبرنا احمد بن حفص بن عبد الله , قال: حدثني ابي , قال: حدثني إبراهيم , عن يحيى بن سعيد , عن عمرو بن شعيب , عن عبد الله بن ابي نجيح , عن مجاهد , عن ابن عباس , قال:"نهى رسول الله صلى الله عليه وسلم عن بيع المغانم حتى تقسم , وعن الحبالى ان يوطان حتى يضعن ما في بطونهن , وعن لحم كل ذي ناب من السباع".
عبداللہ بن عباس رضی اللہ عنہما کہتے ہیں کہ رسول اللہ صلی اللہ علیہ وسلم نے تقسیم ہونے سے پہلے مال غنیمت بیچنے، حاملہ عورتوں ۱؎ کے ساتھ بچہ کی پیدائش سے پہلے جماع کرنے اور ہر دانت والے درندے کے گوشت (کھانے) سے منع فرمایا۔
تخریج دارالدعوہ: تفرد بہ النسائي (تحفة الأشراف: 6408) (صحیح)
وضاحت: ۱؎: مال غنیمت میں ملی ہوئی لونڈیاں مراد ہیں، اگر وہ حاملہ ہوں تو ان کو پانے والے مجاہد ان کے بچہ جننے کے بعد ہی ان سے مباشرت کر سکتے ہیں۔
قال الشيخ الألباني: صحيح
