52: بَابُ: مَا جَاءَ فِي مَسْحِ الأُذُنَيْنِ
باب: کانوں کے مسح کا بیان۔
سنن ابن ماجه حدیث نمبر: 439
حدثنا ابو بكر بن ابي شيبة ، حدثنا عبد الله بن إدريس ، عن ابن عجلان ، عن زيد بن اسلم ، عن عطاء بن يسار ، عن ابن عباس : ان رسول الله صلى الله عليه وسلم"مسح اذنيه داخلهما بالسبابتين، وخالف إبهاميه إلى ظاهر اذنيه، فمسح ظاهرهما، وباطنهما".
عبداللہ بن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے اپنے دونوں کان کے اندرونی حصے کا مسح شہادت کی انگلیوں سے کیا، اور ان کے مقابل اپنے دونوں انگوٹھوں کو کانوں کے اوپری حصے پر پھیرا، اس طرح کان کے اندرونی اور اوپری دونوں حصوں کا مسح کیا۔
تخریج دارالدعوہ: صحیح البخاری/الوضوء 7 (140)، سنن ابی داود/الطہارة 52 (137)، سنن الترمذی/الطہارة 28 (36)، 32 (42)، سنن النسائی/الطہارة 84 (101)، 85 (102)، (تحفة الأشراف: 5978)، وقد أخرجہ: مسند احمد (1/268، 365، 703) (حسن صحیح)
قال الشيخ الألباني: حسن صحيح
