34: بَابٌ في صِيَامِ يَوْمٍ فِي سَبِيلِ اللَّهِ
باب: (فی سبیل اللہ) جہاد میں روزے رکھنے کا بیان۔
سنن ابن ماجه حدیث نمبر: 1717
حدثنا محمد بن رمح بن المهاجر ، انبانا الليث بن سعد ، عن ابن الهاد ، عن سهيل بن ابي صالح ، عن النعمان بن ابي عياش ، عن ابي سعيد الخدري ، قال: قال رسول الله صلى الله عليه وسلم:"من صام يوما في سبيل الله، باعد الله بذلك اليوم النار عن وجهه سبعين خريفا".
ابو سعید خدری رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”جس نے جہاد کے سفر میں ایک روز بھی روزہ رکھا، تو اللہ اس ایک دن کے روزے کی وجہ سے اس کا چہرہ جہنم سے ستر سال کی مسافت کی مقدار میں دور کر دے گا“ ۱؎۔
تخریج دارالدعوہ: صحیح البخاری/الجہاد 36 (2840)، صحیح مسلم/الصوم 31 (1153)، سنن الترمذی/فضائل الجہاد 3 (1623)، سنن النسائی/الصیام 24 (2247، 2248)، (تحفة الأشراف: 4388)، وقد أخرجہ: مسند احمد (3/ 26، 45، 59، 83)، سنن الدارمی/الجہاد 10 (2444) (صحیح)
وضاحت: ۱؎: «خریف» کی تفسیر میں اختلاف ہے اور دوسری روایت میں ستر سال کا ذکر ہے تو «خریف» سے وہی سال مراد ہوں گے یعنی جہنم سے وہ شخص ستر برس کے راستے کے بقدر دور ہو جائے گا۔
قال الشيخ الألباني: صحيح
