29: بَابُ: الشِّوَاءِ
باب: بھنے ہوئے گوشت کا بیان۔
سنن ابن ماجه حدیث نمبر: 3309
حدثنا محمد بن المثنى ، حدثنا عبد الرحمن بن مهدي ، حدثنا همام ، عن قتادة ، عن انس بن مالك ، قال: ما اعلم رسول الله صلى الله عليه وسلم"راى شاة سميطا، حتى لحق بالله عز وجل".
انس بن مالک رضی اللہ عنہ کہتے ہیں کہ مجھے نہیں معلوم کہ رسول اللہ صلی اللہ علیہ وسلم نے کبھی بھنی ہوئی بکری دیکھی ہو یہاں تک کہ آپ اللہ سے جا ملے ۱؎۔
تخریج دارالدعوہ: صحیح البخاری/الرقاق 17 (6457)، الأطعمة 26 (5385)، (تحفة الأشراف: 1406)، وقد أخرجہ: مسند احمد (3/128، 134، 250) (صحیح)
وضاحت: ۱؎: «سمیط» وہ بکری جس کو بال نکال کر کھال سمیت بھونا گیا ہو، یہ امیروں کا کھانا ہے، اور دوسرے لوگ کھال نکال کر گوشت بھونتے ہیں، اور مطلب اس کا یہ ہے کہ مکمل بھنی ہوئی بکری آپ صلی اللہ علیہ وسلم نے نہیں دیکھی۔
قال الشيخ الألباني: صحيح
