6: 6- بَابُ الإِيمَانُ يَأْرِزُ إِلَى الْمَدِينَةِ:
باب: اس بارے میں کہ ایمان مدینہ کی طرف سمٹ آئے گا۔
صحيح بخاري حدیث نمبر: 1876
حدثنا إبراهيم بن المنذر، حدثنا انس بن عياض، قال: حدثني عبيد الله، عن خبيب بن عبد الرحمن، عن حفص بن عاصم، عن ابي هريرة رضي الله عنه، ان رسول الله صلى الله عليه وسلم، قال:"إن الإيمان ليارز إلى المدينة كما تارز الحية إلى جحرها".
ہم سے ابراہیم بن المنذر نے بیان کیا، انہوں نے کہا کہ ہم سے انس بن عیاض نے بیان کیا، انہوں نے کہا کہ مجھ سے عبیداللہ عمری نے بیان کیا، انہوں نے کہا کہ ہم سے خبیب بن عبدالرحمٰن نے، ان سے حفص بن عاصم نے اور ان سے ابوہریرہ رضی اللہ عنہ نے بیان کیا کہ رسول اللہ صلی اللہ علیہ وسلم نے فرمایا (قیامت کے قریب) ایمان مدینہ میں اس طرح سمٹ آئے گا جیسے سانپ سمٹ کر اپنے بل میں آ جایا کرتا ہے۔
