35: 35- بَابُ اثْنَانِ فَمَا فَوْقَهُمَا جَمَاعَةٌ:
باب: دو یا زیادہ آدمی ہوں تو جماعت ہو سکتی ہے۔
صحيح بخاري حدیث نمبر: 658
حدثنا مسدد، قال: حدثنا يزيد بن زريع، قال: حدثنا خالد، عن ابي قلابة، عن مالك بن الحويرث، عن النبي صلى الله عليه وسلم، قال:"إذا حضرت الصلاة فاذنا واقيما، ثم ليؤمكما اكبركما".
ہم سے مسدد بن مسرہد نے بیان کیا، کہا کہ ہم سے یزید بن زریع نے بیان کیا، کہا کہ ہم سے خالد حذاء نے ابوقلابہ عبداللہ بن زید سے، انہوں نے مالک بن حویرث سے، انہوں نے نبی کریم صلی اللہ علیہ وسلم سے کہ آپ صلی اللہ علیہ وسلم نے فرمایا جب نماز کا وقت آ جائے تو تم دونوں اذان دو اور اقامت کہو، پھر جو تم میں بڑا ہے وہ امام بنے۔
