97: 97- بَابُ مَا يُنْهَى مِنْ سَبِّ الأَمْوَاتِ:
باب: اس بارے میں کہ مردوں کو برا کہنے کی ممانعت ہے۔
صحيح بخاري حدیث نمبر: 1393
حدثنا آدم، حدثنا شعبة، عن الاعمش، عن مجاهد، عن عائشة رضي الله عنها , قالت: قال النبي صلى الله عليه وسلم:"لا تسبوا الاموات فإنهم قد افضوا إلى ما قدموا"، ورواه عبد الله بن عبد القدوس، ومحمد بن انس، عن الاعمش، تابعه علي بن الجعد، وابن عرعرة، وابن ابي عدي، عن شعبة.
ہم سے آدم بن ابی ایاس نے بیان کیا ‘ انہوں نے کہا ہم سے شعبہ نے بیان کیا ‘ ان سے اعمش نے بیان کیا ‘ ان سے مجاہد نے بیان کیا اور ان سے ام المؤمنین عائشہ رضی اللہ عنہا نے کہ نبی کریم صلی اللہ علیہ وسلم نے فرمایا ‘ مردوں کو برا نہ کہو کیونکہ انہوں نے جیسا عمل کیا اس کا بدلہ پا لیا۔ اس روایت کی متابعت علی بن جعد ‘ محمد بن عرعرہ اور ابن ابی عدی نے شعبہ سے کی ہے۔ اور اس کی روایت عبداللہ بن عبدالقدوس نے اعمش سے اور محمد بن انس نے بھی اعمش سے کی ہے۔
