86: 86- بَابُ مَنْ لَمْ يَرَ كَسْرَ السِّلاَحِ عِنْدَ الْمَوْتِ:
باب: کسی کی موت پر اس کے ہتھیار وغیرہ توڑنے درست نہیں۔
صحيح بخاري حدیث نمبر: 2912
حدثنا عمرو بن عباس، حدثنا عبد الرحمن، عن سفيان، عن ابي إسحاق، عن عمرو بن الحارث، قال: ما ترك النبي صلى الله عليه وسلم"إلا سلاحه، وبغلة بيضاء، وارضا جعلها صدقة".
ہم سے عمرو بن عباس نے بیان کیا، کہا ہم سے عبدالرحمٰن بن مہدی نے بیان کیا، ان سے سفیان ثوری نے، ان سے ابواسحاق نے اور ان سے عمرو بن حارث رضی اللہ عنہ نے بیان کیا کہ نبی کریم صلی اللہ علیہ وسلم نے (وفات کے بعد) اپنے ہتھیار ایک سفید خچر اور ایک قطعہ اراضی جسے آپ صلی اللہ علیہ وسلم پہلے ہی صدقہ کر چکے تھے کے سوا اور کوئی چیز نہیں چھوڑی تھی۔
