52: 52- بَابُ كَرَاهِيَةِ الصَّلاَةِ فِي الْمَقَابِرِ:
باب: مقبروں میں نماز پڑھنے کی کراہت کے بیان میں۔
صحيح بخاري حدیث نمبر: 432
حدثنا مسدد، قال: حدثنا يحيى، عن عبيد الله بن عمر، قال: اخبرني نافع، عن ابن عمر، عن النبي صلى الله عليه وسلم، قال:"اجعلوا في بيوتكم من صلاتكم، ولا تتخذوها قبورا".
ہم سے مسدد نے بیان کیا، انہوں نے کہا ہم سے یحییٰ نے بیان کیا، انہوں نے عبیداللہ بن عمر کے واسطہ سے بیان کیا، انہوں نے کہا کہ مجھے نافع نے عبداللہ بن عمر رضی اللہ عنہما کے واسطہ سے خبر دی کہ نبی کریم صلی اللہ علیہ وسلم نے فرمایا اپنے گھروں میں بھی نمازیں پڑھا کرو اور انہیں بالکل مقبرہ نہ بنا لو۔
