35: 35- بَابُ الْوَسْمِ وَالْعَلَمِ فِي الصُّورَةِ:
باب: جانوروں کے چہروں پر داغ دینا یا نشان کرنا کیسا ہے؟
صحيح بخاري حدیث نمبر: 5541
حدثنا عبيد الله بن موسى، عن حنظلة، عن سالم، عن ابن عمر انه كره ان تعلم الصورة، وقال ابن عمر:"نهى النبي صلى الله عليه وسلم ان تضرب". تابعه قتيبة، حدثنا العنقزي، عن حنظلة، وقال:"تضرب الصورة".
ہم سے عبیداللہ بن موسیٰ نے بیان کیا، ان سے حنظلہ نے، ان سے سالم نے، ان سے ابن عمر رضی اللہ عنہما نے کہ وہ چہرے پر نشان لگانے کو ناپسند کرتے تھے اور ابن عمر رضی اللہ عنہما نے بیان کیا کہ نبی کریم صلی اللہ علیہ وسلم نے چہرے پر مارنے سے منع کیا ہے۔ عبیداللہ بن موسیٰ کے ساتھ اس حدیث کو قتیبہ بن سعید نے بھی روایت کیا، کہا ہم کو عمرو بن محمد عنقزی نے خبر دی، انہوں نے حنظلہ سے۔
