35: 35- بَابُ رَفْعِ الأَمَانَةِ:
باب: (آخر زمانہ میں) دنیا سے امانت داری کا اٹھ جانا۔
صحيح بخاري حدیث نمبر: 6496
حدثنا محمد بن سنان، حدثنا فليح بن سليمان، حدثنا هلال بن علي، عن عطاء بن يسار، عن ابي هريرة رضي الله عنه، قال: قال رسول الله صلى الله عليه وسلم:"إذا ضيعت الامانة، فانتظر الساعة"، قال: كيف إضاعتها يا رسول الله ؟ قال:"إذا اسند الامر إلى غير اهله فانتظر الساعة".
ہم سے محمد بن سنان نے بیان کیا، انہوں نے کہا ہم سے فلیح بن سلیمان نے بیان کیا، کہا ہم سے ہلال بن علی نے بیان کیا، ان سے عطاء بن یسار نے بیان کیا اور ان سے ابوہریرہ رضی اللہ عنہ نے بیان کیا کہ رسول اللہ صلی اللہ علیہ وسلم نے فرمایا ”جب امانت ضائع کی جائے تو قیامت کا انتظار کرو۔“ پوچھا: یا رسول اللہ! امانت کس طرح ضائع کی جائے گی؟ فرمایا ”جب کام نااہل لوگوں کے سپرد کر دئیے جائیں تو قیامت کا انتظار کرو۔“
