سنن النسائي - حدیث نمبر 3047

عبدالرحمٰن بن یعمر دیلی کہتے ہیں کہ میں عرفہ میں نبی اکرم صلی اللہ علیہ وسلم کے پاس موجود تھا ۔ آپ کے پاس نجد سے کچھ لوگ آئے تو انہوں نے ایک شخص کو حکم دیا ، تو اس نے آپ صلی اللہ علیہ وسلم سے حج کے بارے میں پوچھا ، آپ نے فرمایا : ” حج عرفہ ( میں وقوف ) ہے ، جو شخص مزدلفہ کی رات میں صبح کی نماز سے پہلے عرفہ آ جائے ، تو اس نے اپنا حج پا لیا ۔ منیٰ کے دن تین دن ہیں ، تو جو دو ہی دن قیام کر کے چلا جائے تو اس پر کوئی گناہ نہیں ہے ، اور جو تاخیر کرے اور تیرہویں کو بھی رکے تو اس پر بھی کوئی گناہ نہیں ہے “ ۔ پھر آپ نے ایک شخص کو اپنے پیچھے سواری پر بٹھا لیا ، جو لوگوں میں اسے پکار پکار کر کہنے لگا ۔ [سنن نسائي/حدیث: 3047]